ລາຍງານຄືນການປັບປຸງຮ່າງກົດໝາຍວ່າດ້ວຍທະນາຄານແຫ່ງ ສປປ ລາວ

ປັບປຸງກົດໝາຍ ແລະ ຮັບຮອງເອົາເປັນມະຕິສະພາແຫ່ງຊາດ 9 ສະບັບ

15:54 11/12/2024

ບັນດາຄະນະຮັບຜິດຊອບຮ່າງກົດໝາຍຕ່າງໆ ໄດ້ຜັດປ່ຽນຂຶ້ນລາຍງານຄືນການປັບປຸງກົດໝາຍ ແລະ ຮັບຮອງເອົາເປັນມະຕິສະພາແຫ່ງຊາດ 9 ສະບັບດັ່ງນີ້: ລາຍງານຄືນການປັບປຸງຮ່າງກົດໝາຍວ່າດ້ວຍທະນາຄານແຫ່ງ ສປປ ລາວ (ສະບັບປັບປຸງ);

ລາຍງານຄືນການປັບປຸງຮ່າງກົດໝາຍວ່າດ້ວຍສະຫະພັນແມ່ຍິງລາວ (ສະບັບປັບປຸງ); ລາຍງານຄືນການປັບປຸງຮ່າງກົດໝາຍວ່າດ້ວຍການດໍາເນີນຄະດີແພ່ງ (ສະບັບປັບປຸງ); ລາຍງານຄືນການປັບປຸງຮ່າງກົດໝາຍວ່າດ້ວຍອົງການໄອຍະການປະຊາຊົນ (ສະບັບປັບປຸງ); ລາຍງານຄືນການປັບປຸງຮ່າງກົດໝາຍວ່າດ້ວຍການສຶກສາ (ສະບັບປັບປຸງ); ລາຍງານຄືນການປັບປຸງຮ່າງກົດໝາຍວ່າດ້ວຍພັດທະນາສີມືແຮງງານ (ສ້າງໃໝ່); ລາຍງານຄືນການປັບປຸງຮ່າງກົດໝາຍວ່າດ້ວຍທີ່ຢູ່ອາໄສ (ສ້າງໃໝ່); ລາຍງານຄືນການປັບປຸງຮ່າງກົດໝາຍວ່າດ້ວຍການພັດທະນາ ແລະ ປົກປ້ອງແມ່ຍິງ (ສະບັບປັບປຸງ); ລາຍງານຄືນການປັບປຸງຮ່າງກົດໝາຍວ່າດ້ວຍການກວດສອບອິດສະຫຼະ (ສະບັບປັບປຸງ) ຕໍ່ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX ໃນວັນທີ 11ທັນວານີ້ ພາຍໃຕ້ການເປັນປະທານ ຂອງທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດ.

ພາຍຫຼັງ, ບັນດາສະມາຊິກສະພາແຫ່ງຊາດ(ສສຊ)ໄດ້ຮັບຟັງບົດລາຍງານຄືນການປັບປຸງຮ່າງກົດໝາຍ 9 ສະບັບ ດັ່ງກ່າວແລ້ວ. ຈາກນັ້ນ, ກໍໄດ້ປະກອບຄໍາເຫັນໃສ່ບົດລາຍງານຄືນການປັບປຸງຮ່າງກົດໝາຍ9 ສະບັບ ດັ່ງກ່າວ ເພື່ອໃຫ້ມີເນື້ອໃນຄົບຖ້ວນ, ແທດເໝາະ ແລະ ສອດ

ຄ່ອງຂຶ້ນຕື່ມ. ຫຼັງຈາກນັ້ນ, ຄະນະຮັບຜິດຊອບຮ່າງກົດໝາຍກ່ຽວຂ້ອງ ກໍໄດ້ໃຫ້ຄວາມກະຈາງແຈ້ງ ພ້ອມ ສະຫຼຸບສັງລວມການປະກອບຄໍາເຫັນ ຂອງ ສສຊ ແລະ ສະເໜີລົງຄະແນນສຽງຮັບຮອງເອົາກົດໝາຍ ຊຶ່ງເຫັນວ່າຈໍານວນຜູ້ແທນກອງປະຊຸມມີໜ້າ 141 ທ່ານ ເຫັນດີເປັນສຽງສ່ວນຫຼາຍ.

(ຂ່າວ-ພາບ: ວັນເພັງ, ແສງຈັນ)

ຄໍາເຫັນ

ຂ່າວການເມືອງ

ຄະນະປະຈໍາສະພາແຫ່ງຊາດ ເນັ້ນບາງດ້ານທີ່ຕ້ອງເອົາໃຈໃສ່ໃນການໂຄສະນາເຜີຍແຜ່ກົດໝາຍ

13/06/2025 16:12

ທ່ານ ຄໍາແພງ ວິລະພັນ ປະທານກຳມາທິການກົດໝາຍ ຂອງສະພາແຫ່ງຊາດ ໄດ້ຕາງໜ້າຄະນະປະຈໍາສະພາແຫ່ງຊາດ ກ່າວບົດປະກອບຄໍາເຫັນຕໍ່ບົດລາຍງານຂອງລັດຖະບານ ກ່ຽວກັບວຽກງານການໂຄສະນາ ເຜີຍແຜ່ກົດໝາຍ ຕໍ່ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໃນຕອນແລງວັນທີ 13 ມິຖຸນານີ້ ທີ່ຫໍສະພາແຫ່ງຊາດ ພາຍໃຕ້ການເປັນປະທານຂອງ ທ່ານ ຄໍາໃບ ດຳລັດ ຮອງປະທານສະພາແຫ່ງຊາດ.

ກະຊວງຍຸຕິທໍາ ໂຄສະນາເຜີຍແຜ່ກົດໝາຍມີຜົນສໍາເລັດຫຼາຍດ້ານ

13/06/2025 16:08

ກະຊວງຍຸຕິທໍາໄດ້ໂຄສະນາເຜີຍແຜ່ກົດໝາຍມີຜົນສໍາເລັດຫຼາຍດ້ານ. ທ່ານ ໄພວີ ສີບົວລິພາ ລັດຖະ ມົນຕີກະຊວງຍຸຕິທໍາໄດ້ລາຍງານກ່ຽວກັບຜົນການສະຫຼຸບຕີລາຄາການໂຄສະນາເຜີຍແຜ່ກົດໝາຍທົ່ວປະເທດ ຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 13 ມິຖຸນານີ້ ພາຍໃຕ້ການເປັນປະທານຂອງທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ.

ແຕ່ງຕັ້ງ ຫົວໜ້າກອງບັນຊາການ ປກສ ແຂວງຄໍາມ່ວນຜູ້ໃໝ່

13/06/2025 14:34

ວັນທີ 13 ມີຖຸນານີ້ ທີ່ສະໂມສອນ ແຂວງຄໍາມ່ວນ ໄດ້ຈັດພິທີປະກາດ ການອະນຸມັດໃຫ້ຫົວໜ້າກອງບັນຊາການ ປກສ ແຂວງຄໍາມ່ວນ ພັກການຮັບອຸດໜູນບໍານານ ແລະ ແຕ່ງຕັ້ງຫົວໜ້າ, ຮອງຫົວໜ້າ ກອງບັນຊາການ ປກສ ແຂວງຜູ້ໃໝ່, ໃຫ້ກຽດເຂົ້າຮ່ວມໂດຍ ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ, ມີທ່ານ ວັນໄຊ ພອງສະຫວັນ ກໍາມະການສູນກາງພັກ ເລຂາພັກແຂວງ ເຈົ້າແຂວງຄໍາມ່ວນ.

ສສຊ ສຸມໃສ່ປະກອບຄຳເຫັນຕໍ່ວຽກງານການທ່ອງທ່ຽວ

13/06/2025 12:40

ທ່ານ ລີເບີ ລີບົວປາວສະມາຊິກສະພາແຫ່ງຊາດ (ສສຊ) ເຂດເລືອກຕັ້ງທີ 7 ແຂວງໄຊຍະບູລີມີຄຳເຫັນ 3 ຈຸດກ່ຽວກັບການລາຍງານການຈັດຕັ້ງປະຕິບັດປີທ່ອງທ່ຽວລາວ 2024 ແລະ ທິດທາງແຜນການໃນຕໍ່ໜ້າໃນວາລະກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 13 ມິຖຸນານີ້ ພາຍໃຕ້ການເປັນປະທານຂອງທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ.

3 ເດືອນຕົ້ນປີນີ້ຂະແໜງການທ່ອງທ່ຽວສ້າງລາຍຮັບໄດ້ 426 ລ້ານກວ່າໂດລາ

13/06/2025 10:35

3 ເດືອນຕົ້ນປີ (ມັງກອນຫາເດືອນມີນາ2025) ມີນັກທ່ອງທ່ຽວຕ່າງປະເທດເຂົ້າມາທ່ອງທ່ຽວລາວເພີ່ມຂຶ້ນ 11% ທຽບໃສ່ໄລຍະດຽວກັນຂອງປີ 2024, ຄາດຄະເນລາຍຮັບທີ່ກະຈາຍໃນສັງຄົມໄດ້ 426,975,454 ໂດລາ. ຂະນະດຽວກັນ, ມີນັກທ່ອງທ່ຽວພາຍໃນເພີ່ມຂຶ້ນ 98.6%. ໃນວາລະກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 13 ມິຖຸນານີ້ ພາຍໃຕ້ການເປັນປະທານຂອງທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ.

ລັດຖະບານຈະສຸມໃສ່ຫຼາຍບັນຫາ ພັດທະນາສະຖານທີ່ທ່ອງທ່ຽວຕໍ່ໜ້າ

13/06/2025 10:23

ລັດຖະບານ ກໍຄືກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ)ຈະສຸມໃສ່ຫຼາຍບັນຫາ ເພື່ອພັດທະນາສະຖານທີ່ທ່ອງທ່ຽວໃນຕໍ່ໜ້າ. ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖວທໄດ້ຂຶ້ນລາຍງານການຈັດຕັ້ງປະຕິບັດປີທ່ອງທ່ຽວລາວ 2024 ແລະ ທິດທາງແຜນການໃນຕໍ່ໜ້າຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 13 ມິຖຸນານີ້ ທີ່ຫໍສະພາແຫ່ງຊາດ ພາຍໃຕ້ການເປັນປະທານຂອງທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ.

ເນັ້ນ 2 ຄໍາເຫັນເຈາະຈີ້ມ ເພື່ອໃຫ້ ສສຊ ມີຄໍາເຫັນຕໍ່ການຈັດຕັ້ງປະຕິບັດປີທ່ອງທ່ຽວລາວ

13/06/2025 10:21

ພາຍໃຕ້ຄໍາຂວັນ: “ທ່ອງທ່ຽວລາວປອດໄພ, ຊື່ນໃຈໃນວັດທະນະທໍາ, ທໍາມະຊາດເເລະປະຫວັດສາດ” ໃນຜ່ານມາ ມີອັນພົ້ນເດັ່ນຫຼາຍດ້ານ; ແຕ່ຄຽງຄູ່ກັນນັ້ນ, ຍັງມີຫຼາຍອັນເປັນສິ່ງທ້າທາຍ ເຮັດໃຫ້ການທ່ອງທ່ຽວເຮົານີ້ ຍັງມີຂີດຈໍາກັດ. ສະພາແຫ່ງຊາດ ຈຶ່ງໄດ້ມີ 2 ຄໍາເຫັນເຈາະຈີ້ມ ເພື່ອໃຫ້ສະມາຊິກສະພາແຫ່ງຊາດ ມີຄວາມຄິດເຫັນ ຢ່າງມີຈຸດສຸມ ແນໃສ່ເພື່ອສະເໜີ ວິທີການ ແລະ ມາດຕະການ ໃນການຈັດຕັ້ງປະຕິບັດວຽກງານດັ່ງກ່າວ ໃນຕໍ່ໜ້າ.

ສສຊ ເຂດ 18 ສະເໜີໃຫ້ລັດຖະບານແກ້ໄຂບັນຫາແຫຼ່ງພັດທະນາພະລັງງານໄຟຟ້າຄືນ

12/06/2025 16:28

ບັນດາສະມາຊິກສະພາແຫ່ງຊາດ (ສສຊ) ໄດ້ສຸມໃສ່ປະກອບຄໍາເຫັນຕໍ່ບົດລາຍງານກ່ຽວກັບການຈັດຕັ້ງປະຕິບັດນະໂຍບາຍ, ນິຕິກໍາ, ກົນໄກຕ່າງໆໃນການພັດທະນາພະລັງງານໄຟຟ້ານໍ້າຕົກ, ລົມ ແລະ ແສງອາທິດໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນຕອນບ່າຍວັນທີ 12 ມິຖຸນານີ້ ໂດຍການເປັນປະທານຂອງທ່ານ ສົມມາດ ພົນເສນາ ຮອງປະທານສະພາແຫ່ງຊາດ. ທ່ານ ແດງ ປະທຸມທອງ ສສຊ ເຂດເລືອກຕັ້ງທີ 18 ແຂວງໄຊສົມບູນ ໄດ້ສະເໜີໃຫ້ລັດຖະບານແກ້ໄຂບັນຫາແຫຼ່ງພັດທະນາພະລັງງານໄຟຟ້າຄືນ.

ຄະນະປະຈຳສະພາແຫ່ງຊາດ ສະເໜີໃຫ້ກວດກາຄືນບັນດາໂຄງການລົງທຶນດ້ານພະລັງງານໄຟຟ້າ

12/06/2025 16:04

ທ່ານ ນາງ ປິ່ງຄໍາລາຊະສິມມາ ປະທານກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມຕາງໜ້າຄະນະປະຈໍາສະພາແຫ່ງຊາດປະກອບຄຳເຫັນຕໍ່ບົດລາຍງານການຈັດຕັ້ງປະຕິບັດບັນດານະໂຍບາຍ,ນິຕິກຳ,ກົນໄກຕ່າງໆໃນການພັດທະນາພະລັງງານໂຟຟ້າຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 12 ມິຖຸນານີ້ ພາຍໄຕ້ການເປັນປະທານຂອງທ່ານ ສົມມາດ ພົນເສນາ ຮອງປະທານສະພາແຫ່ງຊາດ.

ທິດທາງ ແລະ ມາດຕະການແກ້ໄຂບັນຫາ ແລະ ພັດທະນາໄຟຟ້າ

12/06/2025 16:00

ນັບແຕ່ເລີ່ມປະຕິບັດແນວທາງປ່ຽນແປງໃໝ່ ໂດຍເປີດຮັບການລົງທຶນຂອງເອກະຊົນ ດ້ວຍນະໂຍບາຍພິເສດຫຼາຍຢ່າງ ຊຶ່ງກໍມີອັນທີ່ເຮັດໃຫ້ປະເທດເສຍປຽບຫຼາຍ ໃນໄລຍະຜ່ານມາ; ມາຮອດປັດຈຸບັນ, ສະພາບການມີການປ່ຽນແປງລັດຖະບານຈຶ່ງມີທິດທາງສ້າງການຫັນປ່ຽນປະເທດເຮົາ ຈາກການເປັນ “ໝໍ້ໄຟໃຫ້ແກ່ກຳໄລຂອງຕ່າງປະເທດ” ມາເປັນ “ເສດຖະກິດທີ່ມີອຸດສາຫະກຳເຂັ້ມແຂງດ້ວຍພະລັງງານຕົນເອງ” ຕາມທິດເສດຖະກິດເອກະລາດ ເປັນເຈົ້າຕົນເອງ ເພື່ອທີ່ຈະສ້າງເສດຖະກິດທີ່້ເຂັ້ມແຂງ ບົນພື້ນຖານການມີຂະແໜງພະລັງງານເປັນແຮງຂັບເຄື່ອນໃນອະນາຄົດ.

ເພີ່ມເຕີມ