ໃນພິທີ ສະຫາຍ ເຊຍ ຊູທາວ ກຳມະການສູນກາງພັກ, ຮອງຫົວໜ້າຜູ້ປະຈຳການ ໂຮງຮຽນພັກຂອງສູນກາງພັກກອມມູນິດຈີນ(ສະຖາບັນການປົກຄອງແຫ່ງຊາດປົກຄອງແຫ່ງຊາດ)ໄດ້ຍົກໃຫ້ເຫັນວ່າ: ເດືອນຕຸລາ ປີ 2025 ຜ່ານມາ, ພັກກອມມູນິດຈີນ ໄດ້ເປີດກອງປະຊຸມຄົບຄະນະຄັ້ງທີ 4 ສະໄໝ XX ຂອງສູນກາງພັກກອມມູນິດຈີນຂຶ້ນ ໂດຍໄດ້ພິຈາລະນາ ແລະ ຮັບຮອງເອົາ “ຂໍ້ສະເໜີ ຂອງສູນກາງພັກກອມມູນິດຈີນ ກ່ຽວກັບ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 15”, ຊຶ່ງປີໜ້ານີ້, ປະເທດຈີນຈະກ້າວເຂົ້າສູ່ໄລຍະ “ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 15”, ຊຶ່ງແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 15 ນີ້ ມີບົດບາດສໍາຄັນພິເສດຫຼາຍ. ກອງປະຊຸມໃຫຍ່ຂອງພັກກອມມູນິດຈີນໄດ້ກໍານົດເປົ້າໝາຍຍຸດທະສາດໃນການຫັນເປັນປະເທດສັງຄົມນິຍົມທັນສະໄໝໂດຍພື້ນຖານ, ນັບແຕ່່ນີ້ຮອດປີ 2035 ຍັງເວລາອີກ 10 ປີ ກໍຕ້ອງໄດ້ໃຊ້ “ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 15” ແລະ “ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 16” ມາສືບສານຊຸກຍູ້. “ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 15” ພໍດີມີບົດບາດສໍາຄັນໃນການສືບຕໍ່ໄປໜ້າ, ແມ່ນໄລຍະສໍາຄັນ ໃນການເຮັດໃຫ້ການບັນລຸສັງຄົມນິຍົມທັນສະໄໝໂດຍພື້ນຖານ ໄດ້ມີພື້ນຖານທີ່ໜັກແໜ້ນ ແລະ ສົ່ງກຳລັງແຮງຢ່າງຮອບດ້ານ. ຖ້າຫ້າປີນີ້ພັດທະນາໄດ້ດີແລ້ວ ກໍຈະສາມາດຍາດແຍ່ງໄດ້ຄວາມເປັນເຈົ້າການຍິ່ງຂຶ້ນ ເພື່ອເຮັດໃຫ້ເປົ້າໝາຍປີ 2035 ຍິ່ງມີພື້ນຖານທີ່ໜັກແໜ້ນຍິ່ງຂຶ້ນ.
ສະຫາຍ ເຊ້ຍຊູນທາວ ກ່າວຕື່ມວ່າ: ການປະຕິຮູບ ແລະ ເປີດປະຕູສູ່ພາຍນອກ ແມ່ນວິທີສໍາຄັນໜຶ່ງທີ່ຕັດສິນຊາຕາກໍາຂອງປະເທດຈີນໃນຍຸກປັດຈຸບັນ. ນັບແຕ່ກອງປະຊຸມໃຫຍ່ ຄັ້ງທີ 18 ຂອງພັກກອມມູນິດຈີນເປັນຕົ້ນມາ, ພາຍໃຕ້ການນໍາພາຂອງເລຂາທິການໃຫຍ່ ສີ ຈິ້ນຜິງ, ປະເທດຈີນໄດ້ລົງເລິກການປະຕິຮູບຢ່າງຮອບດ້ານ, ສູນກາງພັກໄດ້ສະເໜີມາດຕະການການປະຕິຮູບ 3100 ກວ່າຂໍ້. ກອງປະຊຸມຄົບຄະນະ ຄັ້ງທີ 3 ສະໄໝທີ XX ຂອງສູນກາງພັກກອມມູນິດຈີນ ໃນປີຜ່ານມາ ຍັງໄດ້ວາງແຜນການລົງເລິກປະຕິຮູບຢ່າງຮອບດ້ານຕື່ມອີກ, ໂດຍໄດ້ສະເໜີໜ້າທີ່ການປະຕິຮູບ 300 ກວ່າຂໍ້. ການປະຕິຮູບ 300 ກວ່າຂໍ້ນີ້ ລ້ວນແຕ່ຈະຕ້ອງໄດ້ເຮັດສຳເລັດໃນໄລຍະ “ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ15”, ຊຶ່ງຕ້ອງໄດ້ທັບມ້າງເພີກຖອນ ສິ່ງກີດຂວາງຕໍ່ກົນໄກລະບອບລະບຽບການພັດທະນາດ້ວຍຄຸນນະພາບສູງໃນການປະຕິຮູບໃນລະດັບເລິກ, ເຮັດໃຫ້ຈຸດຂອດຕັນແຕ່ລະບ່ອນຊອດລ່ວງກັນດີ, ເຮັດໃຫ້ກຳລັງຂັບເຄື່ອນ ແລະ ກຳລັງຊີວິດຊີວາຂອງການພັດທະນາສືບຕໍ່ເຂັ້ມແຂງຂຶ້ນ, ໃນນັ້ນ, ການຫັນເປັນທັນສະໄໝແບບຈີນ ແມ່ນການຫັນເປັນທັນສະໄໝທີ່ມີຄວາມສີວິໄລດ້ານວັດຖຸ ແລະ ມີຄວາມສີວິໄລດ້ານຈິດໃຈປະສານກົມກຽວກັນ, ຄວາມຈະເລີນຮຸ່ງເຮືອງວັດທະນາຖາວອນຂອງວັດທະນະທໍາ ແມ່ນຂີດໝາຍສໍາຄັນຂອງການຫັນເປັນທັນສະໄໝແບບຈີນ,ກອງປະຊຸມໃຫຍ່ຂອງສູນກາງພັກກອມມູນິດຈີນໄດ້ສະເໜີເປົ້າໝາຍການສ້າງເປັນປະເທດເຂັ້ມແຂງດ້ານວັດທະນະທໍາໃນປີ2035,ໃນໄລຍະ“ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 15” ຕ້ອງມີຄວາມໝັ້ນໃຈຕົນເອງດ້ານວັດທະນະທີ່ເດັດດ່ຽວຍິ່ງຂຶ້ນ. ເລຂາທິການໃຫຍ່ ສີ ຈິ້ນຜິງ ເນັ້ນໜັກວ່າ ຄວາມໝັ້ນໃຈດ້ານວັດທະນະທໍາແມ່ນຄວາມໝັ້ນໃຈທີ່ມີພື້ນຖານຍິ່ງຂຶ້ນ, ກວ້າງຂວາງຍິ່ງຂຶ້ນ ແລະ ເລິກເຊິ່ງຍິ່ງຂຶ້ນ. ພວກເຮົາຕ້ອງຍຶດໝັ້ນບົດບາດຊີ້ນໍາຂອງລັດທິມາກໃນຂົງເຂດຮູບຖານຈິດສໍານຶກ, ສືບຕໍ່ເສີມຂະຫຍາຍວັດທະນະທໍາມູນເຊື້ອອັນດີງາມຂອງຈີນ, ສ້າງຮູບຖານແນວຄິດສັງຄົມນິຍົມທີ່ມີກຳລັງເຕົ້າໂຮມຄວາມສາມັກຄີ ແລະ ກຳລັງນໍາພາທີ່ເຂັ້ມແຂງ. ຕ້ອງປຸກລະດົມກຳລັງວັງຊາຂອງການປະດິດສ້າງໃໝ່ ແລະ ການຜະລິດໃໝ່ຂອງປະຊາຊົນບັນດາເຜົ່າທັງປວງຢ່າງບໍ່ຢຸດຢັ້ງ, ເຮັດໃຫ້ພາລະກິດວັດທະນະທໍາມີຄວາມຮຸ່ງເຮືອງ, ເລັ່ງລັດການພັດທະນາການຜະລິດວັດທະນະທໍາ, ເຮັດໃຫ້ຊີວິດວັດທະນະທໍາດ້ານຈິດໃຈຂອງຄົນມີຄວາມອຸດົມສົມບູນຍິ່ງຂຶ້ນ. (ຂ່າວ-ພາບ: ສຳນານ)
ຄໍາເຫັນ