ເປີດຝຶກອົບຮົມ ວຽກງານແຂ່ງຂັນ-ຍ້ອງຍໍໃຫ້ພະນັກງານ ຫສພ

ເນື້ອໃນບົດຮຽນທີ່ໄດ້ນຳມາສະເໜີຄັ້ງນີ້ປະກອບມີ 5 ຫົວຂໍ້ຄື: 1. ການກໍາເນີດ ແລະ ການຂະຫຍາຍຕົວ ຂອງວຽກງານສະດຸດີ (ຍ້ອງຍໍ); 2. ວຽກງານແຂ່ງຂັນ; 3. ວຽກງານຍ້ອງຍໍ; 4. ວຽກງານຄຸ້ມຄອງນາມມະຍຸດ; 5. ວິທີການປະດັບການຍ້ອງຍໍ ຊຶ່ງໃຫ້ກຽດນຳສະເໜີໂດຍນັກວິທະຍາກອນທີ່ມາຈາກກົມແຂ່ງຂັນ ແລະ ຍ້ອງຍໍ ຂອງ ກະຊວງພາຍໃນກໍຄືຄະນະຈັດຕັ້ງສູນກາງພັກ; ການຝຶກອົບຮົມໃນຄັ້ງນີ້ເພື່ອໃຫ້ຜູ້ເຂົ້າຮ່ວມໄດ້ຍົກລະດັບຄວາມຮັບຮູ້ ແລະ ເຂົ້າໃຈຄວາມໝາຍຄວາມສໍາຄັນ ຂອງວຽກງານແຂ່ງຂັນ - ຍ້ອງຍໍ, ກໍາແໜ້ນໄດ້ບັນດານິຕິກໍາທີ່ເປັນບ່ອນອີງໃນ ການຄົ້ນຄວ້າ, ຫຼັກການ, ຄາດໝາຍ, ຂອບເຂດ, ເນື້ອໃນ ແລະ ຂັ້ນຕອນການແຂ່ງຂັນ- ຍ້ອງຍໍ, ເພື່ອຮັບປະກັນໃຫ້ ແກ່ການຈັດຕັ້ງປະຕິບັດວຽກງານແຂ່ງຂັນ-ຍ້ອງຍໍ ໃຫ້ຖືກຕ້ອງສອດຄ່ອງຕາມລະບຽບຫຼັກການ, ຜົນສໍາເລັດວຽກງານ ຕົວຈິງ, ເລືອກເຟັ້ນບຸກຄົນ ແລະ ການຈັດຕັ້ງ ທີ່ມີຜົນງານດີເດັ່ນແທ້ຈິງ.

ໂອກາດນີ້, ສະຫາຍ ຄຳຜາ ພິມມະສອນ ໄດ້ຮຽກຮ້ອງໃຫ້ບັນດາທ່ານຜູ້ທີ່ເຂົ້າຝຶກອົບຮົມໃນຄັ້ງນີ້ ເປັນເຈົ້າການເອົາໃຈໃສ່ຄົ້ນຄວ້າຮໍ່າຮຽນ, ຖອດຖອນບົດຮຽນນໍານັກວິທະຍາກອນໃຫ້ມີປະສົບການ, ແລກປ່ຽນບົດ ຮຽນກັບຜູ້ເຂົ້າຮ່ວມຝຶກອົບຮົມດ້ວຍກັນ ໃຫ້ມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງສາມາດນໍາໄປຈັດຕັ້ງປະຕິ ບັດໃຫ້ປະກົດຜົນເປັນຈິງ. ຍາດແຍ່ງເອົາຄວາມຮູ້ນໍາບັນດານັກວິທະຍາກອນ ຜູ້ທີ່ມີປະສົບປະການສູງໃນການ ຖ່າຍທອດບົດຮຽນ ເພື່ອນໍາມາພັດທະນາວຽກງານຂອງຕົນເອງກໍຄືຂອງການຈັດຕັ້ງໃນຕໍ່ໜ້າໃຫ້ສູງຂຶ້ນ

ຂ່າວ-ພາບ: ຫສພ