ກອງປະຊຸມດັ່ງກ່າວແມ່ນມີຈຸດປະສົງເພື່ອເສີມສ້າງ,ປົກປ້ອງ ແລະ ຍົກສູງບົດບາດອັນສຳຄັນຂອງແມ່ຍິງໃນພາກພື້ນແລະສາກົນເພື່ອມີຄວາມເທົ່າທຽມກັນຊາຍ ແລະ ຍິງ ໃນປະຈຸບັນໄດ້ກາຍເປັນສິ່ງທີ່ສັງຄົມລະດັບໂລກພ້ອມພຽງກັນສົ່ງເສີມຄວາມກ້າວໜ້າແລະໂດດເດັ່ນເພີ່ມທະວີບົດບາດຂອງແມ່ນໃຫ້ພົ້ນເດັ່ນ. ຍົກສູງລະດັບການສຶກສາຂອງແມ່ຍິງໃຫ້ສູງຂຶ້ນຢ່າງຕໍ່ເນືອງ ແລະ ສົ່ງເສີມແມ່ຍິງໃຫ້ໄດ້ຮັບບົດບາດສຳຄັນດ້ານການພັດທະນາເສດຖະກິດ,ການເມືອງ,ວັດທະນະທຳ ແລະ ສັງຄົມ, ສົ່ງເສີມແມ່ຍິງໃຫ້ມີຄວາມພັດທະນາ ແລະ ມີບົດບາດກ້າວສູ່ເວທີສາກົນ.
 |
ທ່ານ ສີ ຈິ້ນຜິງໄດ້ກ່າວຄຳປາໄສທີ່ກອງປະຊຸມໂດຍຫົວຂໍ້ສຳຄັນວ່າ: “ສືບຕໍ່ນ້ຳໃຈຂອງກອງປະຊຸມແມ່ຍິງໂລກປັກກິ່ງ ແລະ ສົ່ງເສີມຂະບວນການໃໝ່ທີ່ເຮັດໃຫ້ການພັດທະນາຂອງແມ່ຍິງໃນທຸກດ້ານໃຫ້ກ້າວໄປຂ້າງໜ້າໄດ້ໄວຂຶ້ນ”
ທ່ານ ສີ ຈິ້ນຜິງໄດ້ກ່າວຕໍ່ກອງປະຊຸມອີກວ່າ: ແມ່ຍິງມີບົດບາດສຳຄັນທາງດ້ານຄວາມຄິດທີ່ສ້າງສັນ,ຜະລິດຜົນ ແລະ ສືບຕໍ່ມະນຸດສະທຳ, ມີຄວາມຮັບຜິດຊອບລະດັບສາກົນຮ່ວມກັນໂດຍສະເພາະແມ່ນວຽກງານຂອງເຂົາເຈົ້າ, ເມື່ອ 30 ປີກ່ອນ ກອງປະຊຸມແມ່ຍິງທົ່ວໂລກຄັ້ງທີ 4 ໄດ້ມີການກຳນົດເປົ້າໝາຍຄື: “ການປະຕິບັດເພື່ອຄວາມເທົ່າທຽມ,ການພັດທະນາ ແລະ ສັນຕິພາບ” ໄດ້ປະກາດຮັບຮອງເອົາ ແລະ ແຜນປະຕິບັດ,ຄວາມເທົ່າທຽມທາງເພດໄດ້ກາຍເປັນບັນຫາສຳຄັນໃນຍຸກສະໄໝແຫ່ງການພັດທະນາຂອງໂລກ ແລະ ເປັນພະລັງແຮງພັກດັນໃຫ້ທົ່ວໂລກກ້າວສູ່ເປົ້າໝາຍນີ້, ແລະ ຕະຫຼອດ 30ປີຜ່ານມາການພັດທະນາວຽກງານຂອງແມ່ຍິງໄດ້ຮັບຄວາມກ້າວໜ້າໄປທົ່ວໂລກ.
 |
ພາຍໃນກອງປະຊຸມທ່ານ ສີ ຈິ້ນຜິງ ຍັງໄດ້ເນັ້ນອີກວ່າ, ຈົ່ງແກ້ໄຂບັນຫາທີ່ຊ້ຳຊ້ອນ ແລະ ອຸປະສັກໃນການພັດທະນາທຸກດ້ານຂອງແມ່ຍິງ ແລະ ຄວາມເທົ່າທຽມຂອງຂອງຜູ້ຊາຍແລະແມ່ຍິງຍັງເປັນພາລະກິດທີ່ຍາກຈະບັນລຸເຊິ່ງທ່ານໄດ້ແນະນຳສີ່ຂໍ້ຕ້ອງປະຕິບັດຄື; ໜຶ່ງ. ຕ້ອງຮ່ວມມືກັນສ້າງສິ່ງແວດລ້ອມເພື່ອສົ່ງເສີມການເຕີບໃຫຍ່ຂອງແມ່ຍິງ ປ້ອງກັນການໃຊ້ຄວາມຮຸນແຮງ ແລະ ມີສັນຕິພາບ. ສອງ. ສ້າງແຮງຂັບເຄື່ອນຂອງການພັດທະນາຄຸນນະພາບສູງຂອງບັນດາແມ່ຍິງ, ເຮັດໃຫ້ແມຍິງທຸກຄົນຮັບຜົນປະໂຫຍດເທົ່າກັນ. ສາມ. ຕ້ອງພັດທະນາໂຄງການບໍລິຫານເພື່ອປົກປ້ອງສິດແລະ ຜົນປະໂຫຍດຂອງຜູ້ຍິງ, ສີ່. ເຮັດໃຫ້ຄວາມເທົ່າທຽໃ ແລະ ຄວາມຮ່ວມມືຂອງແມ່ຍິງກັບສັງຄົມໃນທົ່ວໂລກ.
ນອກຈາກນີ້ຍັງມີຕາງໜ້າບັນດາປະເທດຂຶ້ນກ່າວຕໍ່ວຽກງານແມ່ຍິງທີ່ກອງປະຊຸມດັ່ງກ່າວເຊັ່ນ; ທ່ານ ນາງ ອາມີນາ ໂມຫາເມັດ ຮອງເລຂາທິການສະຫະປະຊາຊາດ, ທ່ານ ຈອນ ດຣາມານີ ມາຮາມາ ປະທານປະເທດຂອງການາ ແລະ ທ່ານອື່ນໆອີກ, ກອງປະຊຸມດັ່ງກ່າວແມ່ນໄດ້ດຳເນີນເປັນເວລາຟວັນຈຶ່ງສຳເລັດ.
ຂ່າວ:ໄມຕຣີ
ຄໍາເຫັນ