ພະມະຫາກະສັດ ແລະ ປະທານສະພາ ກຳປູເຈຍ ສົ່ງສານອວຍພອນວັນຊາດ

ຣາຊະອານາຈັກກຳປູເຈຍ ໃຫ້ຄວາມສໍາຄັນຢ່າງຍິ່ງຕໍ່ມິດຕະພາບ ແລະ ການຮ່ວມມືອັນໃກ້ຊິດ ລະຫວ່າງສອງ ປະເທດຂອງພວກເຮົາ. ສາຍພົວພັນ ດັ່ງກ່າວນີ້ໄດ້ຮັບການພັດທະນາ ແລະ ຮັດແໜ້ນໃນ ໄລຍະຫຼາຍປີທີ່ຜ່ານມາ ໂດຍຜ່ານການຮ່ວມມືຢ່າງກວ້າງຂວາງໃນຫຼາຍຂົງເຂດ.

ຂ້າພະເຈົ້າມີຄວາມຍິນດີຕໍ່ບົດບາດອັນສ້າງສັນຂອງສອງປະເທດພວກເຮົາໃນການຮ່ວມມື ໃນຂອບ ອາຊຽນເພື່ອສັນຕິພາບ, ສະຖຽນລະພາບ ແລະ ຄວາມສົມບູນພູນສຸກໃນຂົງເຂດພາກພື້ນ, ຕະຫຼອດຮອດ ການຮ່ວມມືໃນຂອບຝຣັ່ງໂກໂຟນ. ເນື່ອງໃນໂອກາດນີ້, ຂ້າພະເຈົ້າ ມີຄວາມຍິນດີທີ່ສຸດ ຕໍ່ການເຂົ້າຮ່ວມ ຂອງ ສາທາລະນະລັດ ປະຊາທິປະໄຕ ປະຊາຊົນລາວໃນກອງປະຊຸມສຸດຍອດຝຣັ່ງໂກໂຟນ, ຊຶ່ງຈະໄດ້ ຈັດຂຶ້ນ ທີ່ ຣາຊະອານາຈັກກຳປູເຈຍ ໃນປີ 2026 ທີ່ຈະມາເຖິງນີ້.

ຂ້າພະເຈົ້າ, ຂໍອວຍພອນໄຊອັນປະເສີດມາຍັງ ພະນະທ່ານ ຈົ່ງມີສຸຂະພາບແຂງແຮງ ແລະ ປະ ສົບຜົນສໍາເລັດທຸກປະການ ແລະ ອວຍພອນໃຫ້ ປະຊາຊົນລາວ ຈົ່ງມີແຕ່ຄວາມສຸກ ແລະ ຄວາມຈະເລີນ ຮຸ່ງເຮືອງ. ດ້ວຍຄວາມເຄົາລົບ ແລະ ນັບຖືຢ່າງສູງ.

ໃນໂອກາດດຽວກັນ, ສົມເດັດອັກຄະມະຫາ ເສນາ ບໍດີ ເຕໂຈ ຮຸນ ແຊນ ປະທານສະພາສູງ ແຫ່ງ ຣາຊະອານາຈັກ ກຳປູເຈຍ ກໍໄດ້ສົ່ງສານອວຍພອນເຖິງ ພະນະທ່ານ ທອງລຸນ ສີສຸລິດ ເລຂາທິ ການໃຫຍ່ ຄະນະບໍລິຫານງານສູນກາງພັກ ປະຊາຊົນປະຕິວັດລາວ ປະທານປະເທດ ແຫ່ງ ສປປ ລາວ

ຊຶ່ງມີເນື້ອໃນວ່າ: ພະນະທ່ານ ຕາງໜ້າ ສະພາສູງແຫ່ງ ຣາຊະອານາຈັກກຳປູເຈຍ ແລະ ໃນນາມສ່ວນ ຕົວ, ຂ້າພະເຈົ້າຂໍອວຍພອນໄຊອັນອົບອຸ່ນມາຍັງພະນະທ່ານ ແລະ ປະຊາຊົນລາວ ເພື່ອນມິດທຸກຖ້ວນ ໜ້າເນື່ອງໃນໂອກາດສະເຫຼີມສະຫຼອງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ.

ຕະຫຼອດໄລຍະເຄິ່ງສັດຕະວັດແຫ່ງບົດທົດສອບທີ່ເຂັ້ມແຂງ, ຄວາມມຸ່ງມາດປາດຖະໜາ ແລະ ຄວາມ ສາມັກຄີຂອງປວງຊົນລາວ ພາຍໃຕ້ການຊີ້ນໍາ ນຳພາອັນສະຫຼາດສ່ອງໃສຂອງ ພັກປະຊາຊົນ ປະຕິ ວັດລາວ. ຄວາມກ້າວໜ້າທີ່ພັກ, ລັດ ແລະ ປວງຊົນລາວ ຍາດມາໄດ້ນັ້ນ ໄດ້ສະແດງອອກໃນການພັດ ທະນາເສດຖະກິດ-ສັງຄົມຢ່າງຕໍ່ເນື່ອງ, ການຫຼຸດຜ່ອນຄວາມທຸກຍາກ ແລະ ຍົກສູງຄຸນນະພາບຊີວິດຂອງ ປະຊາຊົນລາວແມ່ນເປັນສິ່ງທີ່ຍົກຍ້ອງສັນລະເສີນຢ່າງແທ້ຈິງ. ຂ້າພະເຈົ້າມີຄວາມເຊື່ອໝັ້ນຢ່າງສູງວ່າພາຍ ໃຕ້ການຊີ້ນຳອັນສະຫຼາດສ່ອງໃສຂອງ ພັກປະຊາຊົນ ປະຕິວັດລາວ, ປະເທດຊາດ ແລະ ປະຊາຊົນລາວ ຈະສືບຕໍ່ມີຄວາມຈະເລີນຮຸ່ງເຮືອງໃນອີກທົດສະວັດຕໍ່ໜ້ານີ້.

ຂ້າພະເຈົ້າມີຄວາມປິຕິຍິນດີທີ່ເຫັນວ່າ ສາຍພົວພັນລະຫວ່າງສອງພັກ, ລັດ ແລະ ປະຊາຊົນສອງຊາດພວກເຮົາ ຈະສືບຕໍ່ໄດ້ຮັບການພັດທະນາຢ່າງເປັນຮູບປະທໍາ ເພື່ອຜົນປະໂຫຍດຮ່ວມກັນ, ບົນພື້ນ ຖານການຮ່ວມມືຢ່າງໃກ້ຊິດໃນຫຼາຍຂົງເຂດເຊັ່ນ: ດ້ານການເມືອງ, ວຽກງານປ້ອງກັນຊາດ, ການຄ້າ, ການລົງທຶນ, ພະລັງງານ, ການທ່ອງທ່ຽວ, ການເຊື່ອມໂຍງເຊື່ອມຈອດ ແລະ ການຮ່ວມມືຫຼາຍຝ່າຍ. ຜ່ານຄວາມພະຍາຍາມຮ່ວມກັນຂອງພວກເຮົາ ແລະ ບົນຈິດໃຈມິດຕະພາບອັນເປັນມູນເຊື້ອ, ຄວາມສາມັກ ຄີເປັນຈິດໜຶ່ງໃຈດຽວ, ຖານບ້ານໃກ້ເຮືອນຄຽງທີ່ດີ, ຄວາມເຂົ້າໃຈເຊິ່ງກັນ ແລະ ກັນ ແລະ ການເປັນຄູ່ຮ່ວມມືຍຸດທະສາດຮອບດ້ານ ແລະ ໝັ້ນຄົງຍາວນານ, ກຳປູເຈຍ ແລະ ລາວ ຈະສືບຕໍ່ມີຄວາມພະຍາ ຍາມຮ່ວມກັນບັນລຸໃນຂົງເຂດຂະແໜງການຮ່ວມມືຕ່າງໆ.

ຂ້າພະເຈົ້າ ຈະສືບຕໍ່ຮ່ວມເຮັດວຽກຮ່ວມກັບ ພະນະທ່ານ ແລະ ຂໍອວຍພອນໄຊອັນປະເສີດມາ ຍັງພະນະທ່ານ ຈົ່ງມີສຸຂະພາບເຂັ້ມແຂງ, ປະສົບຜົນສຳເລັດ ແລະ ຂໍໃຫ້ ສປປ ລາວສືບຕໍ່ມີຄວາມ ຈະເລີນກ້າວໜ້າ ແລະ ວັດທະນາຖາວອນ.

ຂະນະດຽວກັນ, ນາຍົກລັດຖະມົນຕີ ແລະ ລັດຖະມົນຕີກະຊວງການຕ່າງປະເທດ ແຫ່ງ ຣາຊະອາ ນາຈັກ ກຳປູເຈຍ ກໍໄດ້ສົ່ງສານອວຍພອນ ເຖິງຄູ່ຮ່ວມຕຳແໜ່ງ ແຫ່ງ ສປປ ລາວ ເຊັ່ນດຽວກັນ.