ວັນທີ 16 ຕຸລານີ້, ທີ່ແຂວງຫຼວງນໍ້າທາໄດ້ມີການເຜີຍແຜ່ການເຂົ້າເຖິງຂໍ້ມູນການຄ້າກັບປະເທດໃກ້ຄຽງຂອງຈຸນລະວິສາຫະກິດໃນແຂວງພາກເໜືອຂອງປະເທດລາວ ຊຶ່ງຈັດຂຶ້ນທີ່ສະໂມສອນແຂວງຫຼວງນໍ້າທາ. ໂດຍການເປັນປະທານ ຂອງ ທ່ານ ສົມຈິດ ອິນທະມິດ ທີ່ປຶກສາກິດຕິມະສັກ ສະພາການຄ້າ ແລະ ອຸດສາຫະກໍາແຫ່ງຊາດລາວ, ມີຜູ້ຕາງໜ້າຈາກກະຊວງອຸດສາຫະກໍາ ແລະ ການຄ້າ,ສະພາການຄ້າ-ອຸດສາຫະກໍາ ແລະ ຜູ້ປະກອບການ,ຂະແໜງການທີ່ກ່ຽວຂ້ອງເຂົ້າຮ່ວມ.
ສູນບໍລິການວິສາຫະກິດຂະໜາດນ້ອຍ ແລະ ກາງ (ສບວ) ສະພາການຄ້າ ແລະ ອຸດສາຫະກໍາແຫ່ງຊາດ ຮ່ວມກັບກົມສົ່ງເສີມວິສາຫະກິດຂະໜາດນ້ອຍ ແລະ ກາງ ກະຊວງອຸດສາຫະກໍາແລະການຄ້າ ພາຍໃຕ້ການສະໜັບສະໜູນຂອງໂຄງການອາຊຽນ ເອັດເອັມອີ(ASEAN SME)ໄລຍະທີ 2, ໄດ້ເຫັນເຖິງຄວາມສໍາຄັນຂອງການຄ້າຂ້າມຊາຍແດນພາກເໜືອ ໂດຍສະເພາະແຂວງຫຼວງນໍ້າທາ, ທີ່ເປັນສູນກາງການຄ້າທີ່ສໍາຄັນຂອງພາກພື້ນ. ເປັນທີ່ຕັ້ງຂອງຕະຫຼາດຊາຍແດນຫຼາຍແຫ່ງ, ເປັນບ່ອນຄ້າຂາຍສິນຄ້າລະຫວ່າງລາວ, ຈີນ ແລະ ຫວຽດນາມ. ຕະຫຼາດຊາຍແດນທີ່ສໍາຄັນທີ່ສຸດ ແມ່ນເຂດເສດຖະກິດບໍ່ເຕ່ນ. ມີສູນການຄ້າຫຼາຍແຫຼ່ງຂອງແຂວງຫຼວງນໍ້າທາທີ່ມີທ່າແຮງອັນສໍາຄັນໃນການຂະຫຍາຍຕະຫຼາດໄປສູ່ຕະຫຼາດພາກພື້ນ. ດ້ວຍການສະໜອງຂໍ້ມູນດ້ານການຄ້າ, ການລົງທຶນ ແລະ ການເຊື່ອມຕໍ່ລະຫວ່າງ ລາວກັບບັນດາປະເທດອາຊຽນ (ຫວຽດນາມ ແລະ ຈີນ), ສູນກາງການຄ້ານີ້ ສາມາດຊ່ວຍຊຸກຍູ້ການເຕີບໂຕທາງດ້ານເສດຖະກິດ ແລະ ການພັດທະນາໃນພາກພື້ນ.
ພ້ອມດຽວກັນນັ້ນ, ການເປີດສູນບໍລິການ SME ແຫ່ງໃໝ່ ຢູ່ແຂວງຫຼວງນໍ້າທາກໍເພື່ອສ້າງຄວາມເຂັ້ມແຂງໃຫ້ ບັນດາຫົວໜ່ວຍທຸລະກິດສາມາດເຂົ້າເຖິງ ການບໍລິການ SME ຕ່າງໆເປັນຕົ້ນແມ່ນການຝຶກອົບຮົມ, ໃຫ້ຄໍາປຶກສາ, ການເຂົ້າເຖິງການເງິນ ແລະ ການຕະຫຼາດພາກພື້ນ. ທັງນີ້ກໍເພື່ອຊ່ວຍໃຫ້ຜູ້ປະກອບການພາຍໃນແຂວງໄດ້ຮັບຮູ້ ແລະ ເຂົ້າໃຈບັນດາແນວທາງ ແລະ ລະບຽບການ ໃນການສ້າງເຄືອຂ່າຍຕະຫຼາດທັງພາຍໃນ ແລະ ພາກພື້ນສາກົນ ໂດຍສະເພາະບັນດາປະເທດອາຊຽນ ໃນຮູບແບບການຄ້າຕ່າງໆ, ທັງເປັນການແລກປ່ຽນຄວາມຄິດເຫັນ ເພື່ອສ້າງຄວາມຮູ້ ຄວາມເຂົ້າໃຈ ໃນການພັດທະນາຫົວໜ່ວຍທຸລະກິດໃຫ້ເຂັ້ມແຂງ, ເພື່ອປະກອບສ່ວນໃນການພັດທະນາເສດຖະກິດ-ສັງຄົມໃຫ້ຂະຫຍາຍຕົວຢ່າງຕໍ່ເນື່ອງ.
(ຂ່າວ-ພາບ:ກິ່ນນາລົມ ແອ່ນຖ່າຍໄທ)
ສູນບໍລິການວິສາຫະກິດຂະໜາດນ້ອຍ ແລະ ກາງ (ສບວ) ສະພາການຄ້າ ແລະ ອຸດສາຫະກໍາແຫ່ງຊາດ ຮ່ວມກັບກົມສົ່ງເສີມວິສາຫະກິດຂະໜາດນ້ອຍ ແລະ ກາງ ກະຊວງອຸດສາຫະກໍາແລະການຄ້າ ພາຍໃຕ້ການສະໜັບສະໜູນຂອງໂຄງການອາຊຽນ ເອັດເອັມອີ(ASEAN SME)ໄລຍະທີ 2, ໄດ້ເຫັນເຖິງຄວາມສໍາຄັນຂອງການຄ້າຂ້າມຊາຍແດນພາກເໜືອ ໂດຍສະເພາະແຂວງຫຼວງນໍ້າທາ, ທີ່ເປັນສູນກາງການຄ້າທີ່ສໍາຄັນຂອງພາກພື້ນ. ເປັນທີ່ຕັ້ງຂອງຕະຫຼາດຊາຍແດນຫຼາຍແຫ່ງ, ເປັນບ່ອນຄ້າຂາຍສິນຄ້າລະຫວ່າງລາວ, ຈີນ ແລະ ຫວຽດນາມ. ຕະຫຼາດຊາຍແດນທີ່ສໍາຄັນທີ່ສຸດ ແມ່ນເຂດເສດຖະກິດບໍ່ເຕ່ນ. ມີສູນການຄ້າຫຼາຍແຫຼ່ງຂອງແຂວງຫຼວງນໍ້າທາທີ່ມີທ່າແຮງອັນສໍາຄັນໃນການຂະຫຍາຍຕະຫຼາດໄປສູ່ຕະຫຼາດພາກພື້ນ. ດ້ວຍການສະໜອງຂໍ້ມູນດ້ານການຄ້າ, ການລົງທຶນ ແລະ ການເຊື່ອມຕໍ່ລະຫວ່າງ ລາວກັບບັນດາປະເທດອາຊຽນ (ຫວຽດນາມ ແລະ ຈີນ), ສູນກາງການຄ້ານີ້ ສາມາດຊ່ວຍຊຸກຍູ້ການເຕີບໂຕທາງດ້ານເສດຖະກິດ ແລະ ການພັດທະນາໃນພາກພື້ນ.
ພ້ອມດຽວກັນນັ້ນ, ການເປີດສູນບໍລິການ SME ແຫ່ງໃໝ່ ຢູ່ແຂວງຫຼວງນໍ້າທາກໍເພື່ອສ້າງຄວາມເຂັ້ມແຂງໃຫ້ ບັນດາຫົວໜ່ວຍທຸລະກິດສາມາດເຂົ້າເຖິງ ການບໍລິການ SME ຕ່າງໆເປັນຕົ້ນແມ່ນການຝຶກອົບຮົມ, ໃຫ້ຄໍາປຶກສາ, ການເຂົ້າເຖິງການເງິນ ແລະ ການຕະຫຼາດພາກພື້ນ. ທັງນີ້ກໍເພື່ອຊ່ວຍໃຫ້ຜູ້ປະກອບການພາຍໃນແຂວງໄດ້ຮັບຮູ້ ແລະ ເຂົ້າໃຈບັນດາແນວທາງ ແລະ ລະບຽບການ ໃນການສ້າງເຄືອຂ່າຍຕະຫຼາດທັງພາຍໃນ ແລະ ພາກພື້ນສາກົນ ໂດຍສະເພາະບັນດາປະເທດອາຊຽນ ໃນຮູບແບບການຄ້າຕ່າງໆ, ທັງເປັນການແລກປ່ຽນຄວາມຄິດເຫັນ ເພື່ອສ້າງຄວາມຮູ້ ຄວາມເຂົ້າໃຈ ໃນການພັດທະນາຫົວໜ່ວຍທຸລະກິດໃຫ້ເຂັ້ມແຂງ, ເພື່ອປະກອບສ່ວນໃນການພັດທະນາເສດຖະກິດ-ສັງຄົມໃຫ້ຂະຫຍາຍຕົວຢ່າງຕໍ່ເນື່ອງ.
(ຂ່າວ-ພາບ:ກິ່ນນາລົມ ແອ່ນຖ່າຍໄທ)
ຄໍາເຫັນ