ລັດຖະມົນຕີ ກະຊວງສາທາລະນະສຸກ, ທ່ານ Vladimir A. KALININ ເອກອັກຄະລັດຖະທູດສະຫະພັນຣັດເຊຍ ປະຈໍາ ສປປ ລາວ, ທ່ານ ສອນໄຊ ລາດຊະວົງ ຜູ້ອໍານວຍການໂຮງໝໍມິດຕະພາບ, ທ່ານ Bakhodir BURKHANOV ຜູ້ປະສານງານອົງການສະຫະປະຊາຊາດ ປະຈໍາ ສປປ ລາວ ແລະ ພາກສ່ວນກ່ຽວຂ້ອງເຂົ້າຮ່ວມ. ໂຄງການບູລະນະສ້ອມແປງໂຮງໝໍມິດຕະພາບ ພາຍໃຕ້ການຊ່ວຍເຫຼືອຈາກ ສະຫະພັນຣັດເຊຍ ໂດຍຜ່ານອົງການ UNOPS ຄັ້ງນີ້, ໂດຍສະຫະພັນຣັດເຊຍ ໄດ້ຈັດສັນງົບຈຳນວນ 12,9 ລ້ານໂດລາ ໃຫ້ອົງການ UNOPS ໂດຍແຈ້ງຜ່ານກະຊວງການຕ່າງປະເທດມາຍັງກະຊວງສາທາລະນະສຸກເຖິງໂຮງໝໍມິດຕະພາບ ຊຶ່ງມີຈຸດປະສົງ ໃນການປັບປຸງປົວແປງ ໂຮງໝໍມິດຕະພາບລາວ-ໂຊຫວຽດ ຊຶ່ງເປັນສັນຍາລັກຂອງສາຍພົວພັນຮ່ວມມື ລະຫວ່າງ ສອງພັກ-ສອງລັດ ກໍຄືສະຫະພັນຣັດເຊຍ ແລະ ສປປ ລາວ ທີ່ໄດ້ເປີດນຳໃຊ້ມາແຕ່ປີ 1988 ຮອດປັດຈຸບັນກໍເປັນເວລາ 37 ປີ ແລ້ວ ຊຶ່ງເຫັນວ່າບາງຈຸດ, ບາງພາກສ່ວນກໍມີສະພາບເກົ່າແກ່ຊຸດໂຊມ, ເປ່ເພຫຼາຍສົມຄວນຈຶ່ງຈຳເປັນຕ້ອງໄດ້ບູລະນະຄືນໃໝ່ໃຫ້ຈົບງາມ ແລະ ມີໃບໜ້າໃໝ່, ພ້ອມກັນນັ້ນ. ກໍຍັງສະແດງໃຫ້ເຫັນເຖິງສາຍພົວພັນອັນດີງາມ ໄມຕີຈິດ ມິດຕະພາບ ລະຫວ່າງ ປະຊາຊົນ ກໍຄືລັດຖະບານສະຫະພັນຣັດເຊຍ ແລະ ສປປ ລາວ ອີກດ້ວຍ. ການຊ່ວຍເຫຼືອໃນການບູລະນະສ້ອມແປງໂຮງໝໍມິດຕະພາບຕຶກເກົ່າໃນຄັ້ງນີ້ ມີໜ້າວຽກຫຼາຍສົມຄວນ ເປັນຕົ້ນແມ່ນ: ວຽກກໍ່ສ້າງລະບົບຫ້ອງນ້ຳໃໝ່, ວຽກລະບົບນ້ຳ ລວມມີ ອ່າງເກັບນ້ຳ, ລະບົບທໍ່ສົ່ງ, ລະບົບປ້ຳ ແລະ ອື່ນໆ, ວຽກສ້ອມແປງອາຄານຕຶກເກົ່າ, ວຽກສ້ອມແປງຫໍພັກພະນັກງານ ແລະ ປັດຈຸບັນ ໂຮງໝໍມິດຕະພາບແມ່ນເປັນ 1 ໃນ 5 ຫົວໜ່ວຍງົບປະມານທີ່ລັດຖະບານມອບໃຫ້ຈັດຕັ້ງປະຕິບັດການເຮັດທົດລອງຫັນຫົວໜ່ວຍກຸ້ມຕົນເອງດ້ານງົບປະມານ ຊຶ່ງການບູລະນະສ້ອມແປງໂຮງໝໍມິດຕະພາບຕຶກເກົ່າແມ່ນຈະເປັນທ່າແຮງໃຫ້ທາງໂຮງໝໍຢ່າງຫຼວງຫຼາຍ ແລະ ເຮັດໃຫ້ປະຊາຊົນທີ່ມາໃຊ້ບໍລິການໃນໂຮງໝໍມີຄວາມສະດວກສະບາຍຫຼາຍຂຶ້ນ ຊຶ່ງສອດຄ່ອງກັບນະໂຍບາຍ 5 ດີ 1 ພໍໃຈ ທີ່ກະຊວງສາທາລະນະສຸກໄດ້ວາງອອກ.
(ຂ່າວ-ພາບ: ບຸນຕອມ)
ຄໍາເຫັນ