 |
ຫຼັງຈາກນັ້ນໄດ້ເຂົ້າຮ່ວມກອງປະຊຸມພົບປະສອງຝ່າຍລະຫວ່າງກະຊວງ ປກສ ແຫ່ງ ສປປລາວ ແລະ ສະພາຄວາມໝັ້ນຄົງແຫ່ງ ສ.ຣັດເຊຍ ເພື່ອສືບຕໍ່ການພົວພັນຮ່ວມມືສອງຝ່າຍທາງດ້ານວຽກງານ ປກສ. ໂອກາດນີ້, ທ່ານ ພົນເອກ ວິໄລ ຫຼ້າຄໍາຟອງ ຕາງໜ້າກຳລັງ ປກສ ກ່າວວ່າ: ກໍາລັງ ປກສ ແຫ່ງ ສປປລາວ ມີຄວາມປິຕິຊື່ນຊົມເປັນຢ່າງຍິ່ງທີ່ເຫັນວ່າການຮ່ວມມືລະຫວ່າງສອງປະເທດ ລາວ-ຣັດເຊຍ ໄດ້ຮັບການເສີມຂະຫຍາຍເປັນກ້າວໆມາ ໂດຍສະເພາະຂົງເຂດວຽກງານ ປກຊ-ປກສ, ຕາງໜ້າໃຫ້ກໍາລັງ ປກສ ຂໍສະແດງຄວາມຮູ້ບຸນຄຸນ ແລະ ຂອບໃຈຢ່າງສູງມາຍັງພັກ, ລັດຖະບານ ສ.ຣັດເຊຍ ກໍຄືສະພາຄວາມໝັ້ນຄົງ, ອົງການຮັກສາຄວາມໝັ້ນຄົງ ແລະ ກະຊວງພາຍໃນແຫ່ງ ສ.ຣັດເຊຍ ທີ່ໄດ້ໃຫ້ການຮ່ວມມື, ຊ່ວຍເຫຼືອ ແລະ ສະໜັບສະໜູນກໍາລັງ ປກສ ລາວດ້ວຍດີຕະຫຼອດມາ.
 |
ຈາກນັ້ນ, ຄະນະຜູ້ແທນຂັ້ນສູງສະພາຄວາມໝັ້ນຄົງແຫ່ງ ສ.ຣັດເຊຍ ໄດ້ເດີນທາງໄປຢ້ຽມຢາມໂຮງງານມິດຕະພາບກອງທັບລາວຫຼັກ 9 ລາວ-ຣັດເຊຍຕື່ມອີກ.
 |
ພາບ-ຂ່າວ: ຄຳໂຖ
ຄໍາເຫັນ