ສະຫະລັດ ອາເມຣິກາ ຈະທຳລາຍສະຖິຕິການໃຊ້ໄຟຟ້າຢ່າງຕໍ່ເນື່ອງຈົນເຖິງປີໜ້າ

15:12 12/09/2025

ຂ່າວຕ່າງປະເທດລາຍງານ ເມື່ອບໍ່ດົນມານີ້ວ່າ: ອົງການຂໍ້ມູນຂ່າວສານດ້ານພະລັງງານຂອງ ສະຫະລັດ ອາເມຣິກາ (EIA) ໄດ້ເປີດເຜີຍບົດລາຍງານທ່າອ່ຽງພະລັງງານໄລຍະສັ້ນ (STEO) ໃນວັນ 9 ກັນຍາ ຜ່ານມາ ຄາດວ່າ, ຄວາມຕ້ອງການໃຊ້ໄຟຟ້າຂອງ ສະຫະລັດ ອາເມຣິກາ ຈະສືບຕໍ່ສ້າງສະຖິຕິສູງສຸດຄັ້ງໃໝ່ໃນປີ 2025 ແລະ 2026, ທຳລາຍສະຖິຕິທີ່ຜ່ານມາ 4,097 ພັນຕື້ກິໂລວັດຕໍ່ຊົ່ວໂມງ (kWh) ໃນປີ 2024. ໂດຍຈະເພີ່ມຂຶ້ນເປັນ 4,187 ພັນຕື້ kWh ໃນປີ 2025 ແລະ ເພີ່ມຂຶ້ນອີກເປັນ 4,305 ພັນຕື້ kWh ໃນປີ 2026 ຊຶ່ງປັດໄຈຕົ້ນຕໍມາຈາກການຂະຫຍາຍຕົວຂອງສູນຂໍ້ມູນທີ່ຮອງຮັບປັນຍາປະດິດ (AI) ແລະ cryptocurrencies, ລວມເຖິງການຫັນປ່ຽນຂອງຄົວເຮືອນ ແລະ ຂະແໜງທຸລະກິດ ທີ່ໃຊ້ໄຟຟ້າແທນນໍ້າມັນເຊື້ອໄຟໃນການເຮັດຄວາມຮ້ອນ ແລະ ການຂົນສົ່ງ.

ກ່ຽວກັບການຂາຍໄຟຟ້າ, EIA ຄາດວ່າໃນປີ 2025 ຈະເພີ່ມຂຶ້ນເປັນ 1,508 ພັນຕື້ kWh ສໍາລັບຄົວເຮືອນ, 1,482 ພັນຕື້ kWh ສໍາລັບການນໍາໃຊ້ໃນການຄ້າ ແລະ 1,055 ພັນຕື້ kWh ສໍາລັບອຸດສາຫະກໍາ. ເມື່ອປຽບທຽບກັບສະຖິຕິສູງສຸດທີ່ຜ່ານມາ ຢູ່ທີ່ 1,509 ພັນຕື້ kWh ສໍາລັບຄົວເຮືອນໃນປີ 2022, 1,434 ພັນຕື້ kWh ສໍາລັບຂະ ແໜງການຄ້າໃນປີ 2024 ແລະ 1,064 ພັນຕື້ kWh ສໍາລັບຂະແໜງອຸດສາຫະກໍາໃນປີ 2000.

EIA ຍັງໄດ້ຄາດຄະເນກ່ຽວກັບທ່າອ່ຽງອັດຕາສ່ວນພະລັງງານໃນການຜະລິດໄຟຟ້າ, ໂດຍອັດຕາສ່ວນອາຍແກ໊ສທໍາມະຊາດຈະຫຼຸດລົງຈາກ 42% ໃນປີ 2024 ເປັນ 40% ໃນປີ 2025 ແລະ 2026.

ອັດຕາສ່ວນຂອງຖ່ານຫີນຈະເພີ່ມຂຶ້ນຈາກ 16% ໃນປີ 2024 ເປັນ 17% ໃນປີ 2025, ກ່ອນທີ່ຈະຫຼຸດລົງເປັນ 16% ໃນປີ 2026. ໃນຂະນະດຽວກັນ, ອັດຕາສ່ວນຂອງພະລັງງານໝູນວຽນຄາດວ່າຈະເພີ່ມຂຶ້ນຈາກ 23% ໃນປີ 2024 ເປັນ 25% ໃນປີ 2025 ແລະ 26% ໃນປີ 2026.

ສຳລັບອັດຕາສ່ວນຂອງພະລັງງານນິວເຄລຍຈະຫຼຸດລົງຈາກ 19% ໃນປີ 2024 ເປັນ 18% ໃນປີ 2025 ແລະ 2026.

ຄໍາເຫັນ

ຂ່າວຕ່າງປະເທດ

ການສົ່ງອອກຂອງກຳປູເຈຍເພີ່ມຂຶ້ນ 14.8%

12/09/2025 15:10

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ກົມພາສີ ແລະ ອາກອນຂອງກຳປູເຈຍໄດ້ລາຍງານການສົ່ງອອກຜະລິດຕະພັນ ມູນຄ່າ 20.1 ຕື້ໂດລາ ໃນໄລຍະເດືອນມັງກອນ - ສິງຫາ ປີ 2025, ເພີ່ມຂຶ້ນ 14.8% ຈາກ 17.5 ຕື້ໂດລາ ໃນໄລຍະດຽວກັນຂອງປີ 2024.

ໂຄງການລະບາຍນ້ຳ 4 ແຫ່ງຂອງຈີນ ໄດ້ຈັດເຂົ້າໃນບັນຊີລາຍຊື່ມໍລະດົກໂຄງການຊົນລະປະທານໂລກ

12/09/2025 15:06

ຂ່າວສານຊີອາໄອ ລາຍງານວ່າ: ກະຊວງຊົນລະປະທານຈີນໄດ້ແຈ້ງໃຫ້ຮູ້ວ່າ, ຫວ່າງບໍ່ດົນມານີ້ ໃນກອງປະຊຸມຄະນະບໍລິຫານງານສາກົນຄັ້ງທີ 76 ຂອງຄະນະກຳມະການຊົນລະປະທານ ແລະ ລະບາຍນ້ຳສາກົນ ທີ່ຈັດຂຶ້ນຢູ່ນະຄອນຫຼວງກົວລາລຳເປີ ປະເທດມາເລເຊຍ ໄດ້ເປີດເຜີຍບັນຊີລາຍຊື່ມໍລະດົກໂຄງການຊົນລະປະທານໂລກ (ຊຸດທີ 12) ປີ 2025 ຢ່າງເປັນທາງການ.

ຫວຽດນາມ ປະກາດຮູບແບບເສດຖະກິດພາກເອກະຊົນຮອບດ້ານ

12/09/2025 15:03

ວິທະຍຸກະຈາຍສຽງຫວຽດນາມ ລາຍງານວ່າ: ໃນວັນທີ 11 ກັນຍາ ຜ່ານມາ, ຄະນະຄົ້ນຄວ້າການພັດທະນາເສດຖະກິດພາກເອກະຊົນ (ຄະນະ 4, ສະພາໃຫ້ຄຳປຶກສາການປະຕິຮູບລະບຽບການບໍລິຫານຂອງນາຍົກລັດຖະ ມົນຕີ) ໄດ້ຈັດພິທີປະກາດ “ຮູບແບບເສດຖະກິດພາກເອກະຊົນຮອບດ້ານຂອງ ຫວຽດນາມ”.

ອິນໂດເນເຊຍ ກຽມຈະຊຸກຍູ້ການຊື້ລົດຈັກໄຟຟ້າ

12/09/2025 14:26

ຂ່າວຕ່າງປະເທດລາຍງານ ໃນວັນທີ 10 ກັນຍາ ຜ່ານມາວ່າ: ທ່ານ ຊູຊີວິໂຈໂນ ໂມເອກີອາຣໂຊ ເລຂາທິການກະຊວງປະສານງານດ້ານເສດຖະກິດຂອງອິນໂດເນເຊຍ ເປີດເຜີຍວ່າ: ລັດຖະບານອິນໂດເນເຊຍກໍາລັງກະກຽມການສະໜອງແຮງຈູງໃຈໃນການຊື້ລົດຈັກໄຟຟ້າ ຊຶ່ງເປັນສ່ວນໜຶ່ງຂອງມາດຕະການກະຕຸ້ນເສດຖະກິດໃນໄຕມາດທີສາມ (ເດືອນກໍລະກົດ ຫາ ເດືອນກັນຍາ) ເພື່ອເລັ່ງການຫັນປ່ຽນໄປສູ່ພະລັງງານສະອາດ ແລະ ຫຼຸດຜ່ອນການເພິ່ງພາອາໄສນໍ້າມັນເຊື້ອໄຟ.

ການທ່ອງທ່ຽວທົ່ວໂລກຂະຫຍາຍຕົວຢ່າງໄວວາໃນເຄິ່ງປີທຳອິດຂອງປີ 2025

12/09/2025 14:24

ຂ່າວຕ່າງປະເທດລາຍງານໃນວັນທີ 10 ກັນຍາ ຜ່ານມາວ່າ: ອົງການທ່ອງທ່ຽວໂລກ ຂອງອົງການສະຫະປະຊາຊາດ (UNWTO) ໄດ້ລາຍງານວ່າ, ການເດີນທາງທ່ອງທ່ຽວລະຫວ່າງປະເທດທົ່ວໂລກໃນເຄິ່ງທຳອິດຂອງປີ 2025 ເພີ່ມຂຶ້ນ 5% ເມື່ອທຽບໃສ່ປີກາຍ.

ຝຣັ່ງ ມີນາຍົກລັດຖະມົນຕີຄົນໃໝ່

12/09/2025 14:23

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 9 ກັນຍາ ຜ່ານມາ, ທ່ານ ແອມມານູຍແອນ ມາຄຣົງ ປະທານາທິບໍດີຝຣັ່ງ ໄດ້ແຕ່ງຕັ້ງທ່ານ ເຊບາສຕຽນ ເລີຄໍນູ ລັດຖະມົນຕີກະຊວງປ້ອງກັນປະເທດ ເປັນນາຍົກລັດຖະມົນຕີຄົນໃໝ່ຂອງປະເທດຝຣັ່ງ, ໃນສະພາບວິກິດການດ້ານການເມືອງ ພວມນັບມື້ນັບຮ້າຍແຮງຢູ່ພື້ນຖານເສດຖະກິດໃຫຍ່ອັນດັບ 2 ຢູ່ ເອີຣົບ.

ກອງປະຊຸມສະມັດຊາໃຫຍ່ ສປຊ ຊຸດທີ 80

12/09/2025 14:22

ວິທະຍຸກະຈາຍສຽງຫວຽດນາມ ລາຍງານວ່າ: ໃນວັນທີ 9 ກັນຍາ ຜ່ານມາ, ກອງປະຊຸມສະມັດຊາໃຫຍ່ ສປຊ ຊຸດທີ 80 (UNGA – 80) ໄດ້ເປີດຂຶ້ນຢ່າງເປັນທາງການຢູ່ສຳນັກງານ ສປຊ ທີ່ນະຄອນນິວຢອກ ສະຫະລັດ ອາເມຣິກາ.

ປະກາດດັດຊະນີການຄ້າລະຫວ່າງຈີນ ກັບປະເທດສະມາຊິກບຣິກສ

12/09/2025 14:20

ຂ່າວສານຊີອາໄອລາຍງານວ່າ: ໃນວັນທີ 9 ກັນຍາ ຜ່ານມາ, ດັັດຊະນີການຄ້າລະຫວ່າງຈີນ ກັບປະເທດສະມາຊິກບຣິກສ ທີ່ຮຽບຮຽງໂດຍອົງການພາສີຈີນໄດ້ປະກາດເປັນເທື່ອທຳອິດໃນໂອກາດຕະຫຼາດນັດການລົງທຶນ ແລະ ການຄ້າສາກົນຈີນ ຄັ້ງທີ 25. ດັດຊະນີນີ້ມີຄ່າພື້ນຖານ 100 ຈຸດໃນປີ 2009 ຊຶ່ງເປັນປີທີ່ຜູ້ນຳປະເທດບຣິກສຈັດການພົບປະກັນເປັນຄັ້ງທຳອິດ. ຈາກນັ້ນ, ໃນປີ 2024 ໄດ້ເພີ່ມຂຶ້ນເປັນ 301.51 ຈຸດ ຊຶ່ງໄດ້ສະແດງໃຫ້ເຫັນທ່າອ່ຽງການພັດທະນາໃນທາງບວກຢ່າງຕໍ່ເນື່ອງ.

ຣັດເຊຍ ຕັ້ງເປົ້າສ້າງສູນຂໍ້ມູນໃໝ່ 8 ແຫ່ງພາຍໃນປີ 2036

10/09/2025 12:35

ຂ່າວຕ່າງປະເທດລາຍງານ ໃນວັນທີ 9 ກັນຍາ ຜ່ານມາວ່າ: ທ່ານ ມິຄາອິລ ມິຊູສຕິນ ນາຍົກລັດຖະມົນຕີຣັດເຊຍ ປະກາດວ່າ: ຣັດເຊຍ ຈະສ້າງສູນຂໍ້ມູນໃໝ່ 8 ແຫ່ງ ແລະ ຂະຫຍາຍຕາໜ່າງການຂົນສົ່ງ, ພະລັງງານ ແລະ ການສື່ສານ ພາຍໃຕ້ແຜນການພັດທະນາຂະໜາດໃຫຍ່ເຖິງປີ 2036. ໂດຍສູນຂໍ້ມູນໃໝ່ຈະສ້າງຂຶ້ນເປັນໄລຍະ ແລະ ຈະຮອງຮັບຕູ້ເຊີເວີຫຼາຍກວ່າ 10,000 ຕູ້.

7-Eleven ຍີ່ປຸ່ນ ເລີ່ມທົດລອງໃຊ້ຫຸ່ນຍົນເພື່ອເຕີມສິນຄ້າ ແລະ ເຮັດຄວາມສະອາດ

10/09/2025 12:33

ຂ່າວຕ່າງປະເທດລາຍງານໃນວັນທີ 9 ກັນຍາ ຜ່ານມາວ່າ: ບໍລິສັດ Seven-Eleven ປະເທດຍີ່ປຸ່ນ ໄດ້ເລີ່ມທົດລອງນຳເອົາຫຸ່ນຍົນມາຊ່ວຍເຮັດວຽກໃນຮ້ານສະດວກຊື້ 7-Eleven ແຫ່ງໜຶ່ງໃນນະຄອນຫຼວງໂຕກຽວ ຊຶ່ງເປັນສ່ວນໜຶ່ງຂອງຄວາມພະຍາຍາມໃນການນຳລະບົບອັດຕະໂນມັດມາໃຊ້ເພື່ອແກ້ໄຂບັນຫາການຂາດແຄນແຮງງານຂອງຍີ່ປຸ່ນ.

ເພີ່ມເຕີມ