 |
ໂຄງການ “ຫໍສະໝຸດ 2030” ຄັ້ງທີ 17 ດຳເນີນພາຍໃຕ້ຫົວຂໍ້ “ແສງພະອາທິດຫວຽດບົນສາຍທາລາແມ່ນ້ຳຂອງ” ໂດຍປະກອບມີ ການສ້າງຫ້ອງສະໝຸດ 1 ຫ້ອງ, ປື້ມຫຼາຍກວ່າ 1,000 ຫົວ, ທຶນການສຶກສາ 60 ທຶນ ແລະ ອຸປະກອນການຮຽນ 500 ຊຸດ, ລວມມູນຄ່າ 1,5 ຕື້ດົ້ງ.
ພາຍໃນພິທີ ໄດ້ມີການມອບໃບຍ້ອງຍໍໃຫ້ແກ່ຜູ້ມີຜົນງານດີເດັ່ນ, ມອບອຸປະກອນການຮຽນໃຫ້ນັກຮຽນ 500 ຄົນ, ມອບທຶນການສຶກສາ 60 ທຶນ ໃຫ້ນັກຮຽນເຊື້ອຊາດຫວຽດນາມ ແລະ ທຶນການສຶກສາ 8 ທຶນ ໃຫ້ນັກຮຽນທີ່ຮຽນເກັ່ງ.
ໂຮງຮຽນມິດຕະພາບລາວ-ຫວຽດນາມ ລະດັບປະຖົມ ເລີ່ມສ້າງຕັ້ງໃນສົກຮຽນ 2007-2008 ແລະ ລະດັບມັດທະຍົມຕອນຕົ້ນໃນສົກຮຽນ 2022-2023. ສົກຮຽນ 2025-2026 ໂຮງຮຽນມີຄູ-ອາຈານ 22 ຄົນ ແລະ ນັກຮຽນ 494 ຄົນ, ໃນນັ້ນມີນັກຮຽນເຊື້ອຊາດຫວຽດນາມ 19 ຄົນ.
 |
ການສຶກສາແມ່ນຮາກຖານສຳຄັນໃນການພັດທະນາຄົນ ແລະ ເປັນພະລັງສຳຄັນຕໍ່ການພັດທະນາເສດຖະກິດ-ສັງຄົມ. ການຮ່ວມມືດ້ານການສຶກສາລາວ-ຫວຽດນາມ ຈຶ່ງບໍ່ພຽງແຕ່ເປັນການຊ່ວຍເຫຼືອດ້ານວັດຖຸ ແຕ່ຍັງເປັນສັນຍາລັກແຫ່ງມິດຕະພາບ, ຄວາມສາມັກຄີ, ຄວາມຫວັງ ແລະ ໂອກາດສຳລັບຄົນຮຸ່ນໃໝ່.
ໃນໂອກາດນີ້ ຕາງໜ້າສອງຝ່າຍໄດ້ຮ່ວມລົງນາມບົດບັນທຶກຮ່ວມມື ເພື່ອສືບຕໍ່ຜັນຂະຫຍາຍການຮ່ວມມືດ້ານການສຶກສາໃຫ້ເລິກເຊິ່ງ ແລະ ເປັນຮູບປະທຳ, ພ້ອມຮ່ວມສ້າງໂອກາດທາງການສຶກສາ ແລະ ພັດທະນາຄົນຮຸ່ນໃໝ່ ເພື່ອສືບຕໍ່ເສີມສ້າງມິດຕະພາບ ແລະ ການຮ່ວມມືອັນດີງາມລະຫວ່າງລາວ-ຫວຽດນາມ.ຂ່າວ:ມະນີວອນ
ຄໍາເຫັນ