ກອງປະຊຸມ ສ້າງຕັ້ງສະມາຄົມສົ່ງເສີມການທ່ອງທ່ຽວ ດ້ານວັດທະນະທໍາ ລາວ - ຈີນ ໄດ້ຈັດຂຶ້ນຢ່າງເປັນທາງການໃນວັນທີ 19 ກຸມພາ ນີ້ ທີ່ ໂຮງແຮມ ເລີ ທາດຫຼວງ ດໍ ບູຕິກ ໂດຍການໃຫ້ກຽດເຂົ້າຮ່ວມຂອງທ່ານ ອາລຸນ ບຸນມີໄຊ ຫົວໜ້າກົມຈັດຕັ້ງແລະພະນັກງານກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ(ຖວທ); ມີພາກສ່ວນທີ່ກ່ຽວຂ້ອງຈາກກະຊວງ ຖວທ ແລະ ກະຊວງພາຍໃນ; ມີບັນດາທ່ານໃນຄະນະຂົນຂວາຍ ພ້ອມດ້ວຍບັນດາສະມາຊິກສະມາຄົມເຂົ້າຮ່ວມ.
ທ່ານ ສາລີ ພິມພິນິດ ຄະນະຂົນຂວາຍສ້າງຕັ້ງສະມາຄົມດັ່ງກ່າວ ໄດ້ລາຍງານສະພາບກ່ຽວກັບຂະບວນການກະກຽມສ້າງຕັ້ງສະມາຄົມດັ່ງກ່າວ ຊຶ່ງປະກອບດ້ວຍ 3 ເນື້ອໃນຕົ້ນຕໍ ຄື: ທ່າແຮງ, ປັດໄຈ ແລະ ເງື່ອນໄຂໃນການສ້າງຕັ້ງສະມາຄົມ; ຂະບວນການກະກຽມ; ຜົນປະໂຫຍດທີ່ຈະໄດ້ຮັບ ແລະ ຄວາມມຸ່ງໝັ້ນໃນການດໍາເນີນງານ ໃຫ້ສອດຄ່ອງຕາມແນວທາງນະໂຍບາຍຂອງພັກ ແລະ ລັດຖະບານລາວ ທີ່ໄດ້ກໍານົດວຽກງານທ່ອງທ່ຽວ ເປັນວຽກງານບຸລິມະສິດໜຶ່ງທີ່ສໍາຄັນຢູ່ໃນແຜນພັດທະນາເສດຖະກິດ-ສັງຄົມແຫ່ງຊາດ ຊຶ່ງໃນໄລຍະຜ່ານມາ ລັດຖະບານໄດ້ລົງທຶນມະຫາສານ ເພື່ອກໍ່ສ້າງພື້ນຖານໂຄງລ່າງ, ສິ່ງອໍານວຍຄວາມສະດວກ ແລະຝຶກອົບຮົມບຸກຄາລະກອນ, ພ້ອມທັງການຮ່ວມມືກັບສາກົນ ໃນຫຼາຍຂອບການຮ່ວມມື ທັງເວທີພາກພື້ນ ແລະເວທີສາກົນ ເພື່ອສົ່ງເສີມການທ່ອງທ່ຽວລາວ ອອກສູ່ສາກົນ ແລະ ມີຜົນສໍາເລັດເປັນກ້າວໆຕະຫຼອດມາ. ເວົ້າສະເພາະການສົ່ງເສີມ ແລະ ດຶງດູດນັກທ່ອງທ່ຽວຈີນ ແມ່ນມີທ່າແຮງ ແລະ ກາລະໂອກາດທີ່ເອື້ອອໍານວຍທີ່ສຸດ ເພາະວ່າ ສປປ ລາວ ແລະ ສປ ຈີນ ມີຊາຍແດນ, ມີແມ່ນໍ້າ ແລະ ສາຍພູຕິດຈອດກັນ, ການຄົມມະນາຄົມລະຫວ່າງສອງປະເທດນັບມື້ໄດ້ຮັບການພັດທະນາທັງທາງບົກ, ທາງອາກາດ ແລະ ທາງນໍ້າ ໂດຍສະເພາະຢ່າງຍິ່ງແມ່ນການເຊື່ອມຈອດກັນດ້ວຍເສັ້ນທາງລົດໄຟຄວາມໄວສູງທີ່ໄດ້ເປີດບໍລິການການໄປມາຫາສູ່ ແລະ ການທ່ອງທ່ຽວລະຫວ່າງສອງປະເທດໄດ້ສອງປີກວ່າຜ່ານມາ. “ສອງປະເທດລາວ ແລະ ຈີນ ມີມູນເຊື້ອແຫ່ງຄວາມສໍາພັນເໝືອນຍາດພີ່ນ້ອງມາແຕ່ບູຮານນະການ, ມີການຊ່ວຍເຫຼືອຊຶ່ງກັນແລະກັນໃນທຸກຍຸກທຸກສະໄໝ.ຕະຫຼາດນັກທ່ອງທ່ຽວຈີນເປັນຕະຫຼາດໃຫຍ່ ແລະ ຂະຫຍາຍຕົວຢ່າງວ່ອງໄວ, ໃນປີ 2010 ມີຈໍານວນ 57,4 ລ້ານເທື່ອຄົນ, ມາໃນປີ 2019 ໄດ້ເພີ່ມຂຶ້ນເຖິງ 169 ລ້ານເທື່ອຄົນ, ເພີ່ມຂຶ້ນເກືອບ 3 ເທົ່າ (300%) ທຽບໃສ່ປີ 2010. ນັກທ່ອງທ່ຽວຈີນ ຍັງເປັນຕະຫຼາດນັກທ່ອງທ່ຽວ ທີ່ມີລາຍຈ່າຍສູງເປັນອັນດັບໜຶ່ງຂອງໂລກ ຄືໃນປີ 2019 ມີລາຍຈ່າຍເຖິງ 255 ຕື້ໂດລາ ນັກທ່ອງທ່ຽວຈີນ ແມ່ນກຸ່ມຕະຫຼາດນັກທ່ອງທ່ຽວສາກົນທີ່ສໍາຄັນຕໍ່ການທ່ອງທ່ຽວຂອງ ສປປ ລາວ ກໍຄືການທ່ອງທ່ອງຂອງຂົງເຂດອາຊີ-ປາຊີຟິກ ແລະ ພາກພື້ນອື່ນໆ. ສໍາລັບແຜນການຕ້ອນຮັບນັກທ່ອງທ່ຽວຈີນ ປີ 2023-2025 ຂອງກະຊວງ ຖວທ; ບັນດາຂໍ້ມູນ ແລະ ສະຖິຕິດ້ານການທ່ອງທ່ຽວຂອງລາວ, ຂອງຈີນ ກໍຄືຂອງພາກພື້ນແລະສາກົນ. ໄປຄຽງຄູ່ກັນນັ້ນ ກໍໄດ້ເອົາໃຈໃສ່ສຶກສາຄົ້ນຄວ້າບັນດານິຕິກໍາທີ່ກ່ຽວຂ້ອງ ໂດຍສະເພາະນິຕິກໍາກ່ຽວກັບສະມາຄົມ, ໃນນັ້ນມີດໍາລັດຂອງລັດຖະບານ ວ່າດ້ວຍສະມາຄົມ ສະບັບເລກທີ 238/ລບ, ລົງວັນທີ 11 ສິງຫາ 2017 ແລະ ຄໍາແນະນໍາຂອງກະຊວງພາຍໃນກ່ຽວກັບການຈັດຕັ້ງປະຕິບັດດໍາລັດວ່າດ້ວຍສະມາຄົມ ສະບັບເລກທີ 05/ພນ, ລົງວັນທີ 11 ຕຸລາ 2017.
ທ່ານ ສາລີ ພິມພິນິດ ກ່າວຕື່ມວ່າ: ພາຍຫຼັງສະມາຄົມສົ່ງເສີມການທ່ອງທ່ຽວດ້ານວັດທະນະທໍາລາວ-ຈີນ ໄດ້ຮັບການສ້າງຕັ້ງ ແລະ ດໍາເນີນການເຄື່ອນໄຫວວຽກງານ, ສະມາຄົມຈະປະກອບສ່ວນຢ່າງຕັ້ງໜ້າເຂົ້າໃນຂະແໜງການທ່ອງທ່ຽວຂອງລາວ ຊຶ່ງຄາດວ່າຈະນໍາເອົາຜົນປະໂຫຍດຫຼາຍດ້ານ ຄື: (1)ການຄຸ້ມຄອງ - ຊີ້ນໍາຂອງພາກລັດ ຕໍ່ບັນດາຫົວໜ່ວຍທຸລະກິດທີ່ບໍລິການນັກທ່ອງທ່ຽວຈີນ ໂດຍຜ່ານສະມາຄົມ ຈະມີຄວາມສະດວກ, ວ່ອງໄວ; ເຮັດໃຫ້ການເຄື່ອນໄຫວຂອງບັນດາຫົວໜ່ວຍທຸລະກິດຖືກຕ້ອງຕາມລະບຽບກົດໝາຍ, ສະກັດກັ້ນການບໍລິການນອກລະບົບ, ຕີຖອຍປະກົດການຫຍໍ້ທໍ້ຕ່າງໆ; (2) ຍົກລະດັບຄວາມຮູ້ຄວາມສາມາດຂອງບຸກຄະລາກອນລະດັບຜູ້ຈັດການໃນການບໍລິຫານ - ບໍລິການການທ່ອງທ່ຽວໃຫ້ເປັນມືອາຊີບ ໂດຍຜ່ານເວທີສໍາມະນາ, ຝຶກອົບຮົມ ແລະ ທັດສະນະສຶກສາຢູ່ ສປ ຈີນ; (3) ສະມາຄົມສົ່ງເສີມການທ່ອງທ່ຽວດ້ານວັດທະນະທໍາລາວ-ຈີນ ຈະກາຍເປັນເຄື່ອງມື ແລະ ກົນໄກສໍາລັບການພົວພັນ ແລະ ສົ່ງເສີມການທ່ອງທ່ຽວລະຫວ່າງສອງປະເທດ ສປປ ລາວ ແລະ ສປ ຈີນ, ໂດຍສະເພາະໃນວຽກງານການໂຄສະນາດຶງດູດນັກທ່ອງທ່ຽວຈີນມາຍັງ ສປປ ລາວ; (4) ຄາດວ່າຈໍານວນນັກທ່ອງທ່ຽວຈີນທີ່ຕັດສິນໃຈເດີນທາງມາທ່ຽວລາວຈະເພີ່ມຂຶ້ນ ດ້ວຍຈັງຫວະແບບກະໂດດຂັ້ນ ຊຶ່ງຈະເປັນການປະກອບສ່ວນສ້າງລາຍຮັບຂອງການທ່ອງທ່ຽວ ລາວເປັນຢ່າງດີ.
ພ້ອມນີ້ກອງປະຊຸມໄດ້ຕົກລົງເລືອກເອົາທ່ານ ສາລີ ພິມພິນິດ ເປັນປະທານສະມາຄົມສົ່ງເສີມການທ່ອງທ່ຽວ ດ້ານວັດທະນະທໍາ ລາວ - ຈີນ; ທ່ານ ນາງ ສີສະໄໝ ຫຼວງຈັນດາວົງ ຮອງປະທານ; ທ່ານ ບຸນລັບ ດວງພູມີ ກໍາມະການ ແລະ ຄະນະກວດກາຂອງສະມາຄົມສົ່ງເສີມການທ່ອງທ່ຽວ ດ້ານວັດທະນະທໍາ ລາວ - ຈີນ 3 ທ່ານ.
ທ່ານ ສາລີ ພິມພິນິດ ຄະນະຂົນຂວາຍສ້າງຕັ້ງສະມາຄົມດັ່ງກ່າວ ໄດ້ລາຍງານສະພາບກ່ຽວກັບຂະບວນການກະກຽມສ້າງຕັ້ງສະມາຄົມດັ່ງກ່າວ ຊຶ່ງປະກອບດ້ວຍ 3 ເນື້ອໃນຕົ້ນຕໍ ຄື: ທ່າແຮງ, ປັດໄຈ ແລະ ເງື່ອນໄຂໃນການສ້າງຕັ້ງສະມາຄົມ; ຂະບວນການກະກຽມ; ຜົນປະໂຫຍດທີ່ຈະໄດ້ຮັບ ແລະ ຄວາມມຸ່ງໝັ້ນໃນການດໍາເນີນງານ ໃຫ້ສອດຄ່ອງຕາມແນວທາງນະໂຍບາຍຂອງພັກ ແລະ ລັດຖະບານລາວ ທີ່ໄດ້ກໍານົດວຽກງານທ່ອງທ່ຽວ ເປັນວຽກງານບຸລິມະສິດໜຶ່ງທີ່ສໍາຄັນຢູ່ໃນແຜນພັດທະນາເສດຖະກິດ-ສັງຄົມແຫ່ງຊາດ ຊຶ່ງໃນໄລຍະຜ່ານມາ ລັດຖະບານໄດ້ລົງທຶນມະຫາສານ ເພື່ອກໍ່ສ້າງພື້ນຖານໂຄງລ່າງ, ສິ່ງອໍານວຍຄວາມສະດວກ ແລະຝຶກອົບຮົມບຸກຄາລະກອນ, ພ້ອມທັງການຮ່ວມມືກັບສາກົນ ໃນຫຼາຍຂອບການຮ່ວມມື ທັງເວທີພາກພື້ນ ແລະເວທີສາກົນ ເພື່ອສົ່ງເສີມການທ່ອງທ່ຽວລາວ ອອກສູ່ສາກົນ ແລະ ມີຜົນສໍາເລັດເປັນກ້າວໆຕະຫຼອດມາ. ເວົ້າສະເພາະການສົ່ງເສີມ ແລະ ດຶງດູດນັກທ່ອງທ່ຽວຈີນ ແມ່ນມີທ່າແຮງ ແລະ ກາລະໂອກາດທີ່ເອື້ອອໍານວຍທີ່ສຸດ ເພາະວ່າ ສປປ ລາວ ແລະ ສປ ຈີນ ມີຊາຍແດນ, ມີແມ່ນໍ້າ ແລະ ສາຍພູຕິດຈອດກັນ, ການຄົມມະນາຄົມລະຫວ່າງສອງປະເທດນັບມື້ໄດ້ຮັບການພັດທະນາທັງທາງບົກ, ທາງອາກາດ ແລະ ທາງນໍ້າ ໂດຍສະເພາະຢ່າງຍິ່ງແມ່ນການເຊື່ອມຈອດກັນດ້ວຍເສັ້ນທາງລົດໄຟຄວາມໄວສູງທີ່ໄດ້ເປີດບໍລິການການໄປມາຫາສູ່ ແລະ ການທ່ອງທ່ຽວລະຫວ່າງສອງປະເທດໄດ້ສອງປີກວ່າຜ່ານມາ. “ສອງປະເທດລາວ ແລະ ຈີນ ມີມູນເຊື້ອແຫ່ງຄວາມສໍາພັນເໝືອນຍາດພີ່ນ້ອງມາແຕ່ບູຮານນະການ, ມີການຊ່ວຍເຫຼືອຊຶ່ງກັນແລະກັນໃນທຸກຍຸກທຸກສະໄໝ.ຕະຫຼາດນັກທ່ອງທ່ຽວຈີນເປັນຕະຫຼາດໃຫຍ່ ແລະ ຂະຫຍາຍຕົວຢ່າງວ່ອງໄວ, ໃນປີ 2010 ມີຈໍານວນ 57,4 ລ້ານເທື່ອຄົນ, ມາໃນປີ 2019 ໄດ້ເພີ່ມຂຶ້ນເຖິງ 169 ລ້ານເທື່ອຄົນ, ເພີ່ມຂຶ້ນເກືອບ 3 ເທົ່າ (300%) ທຽບໃສ່ປີ 2010. ນັກທ່ອງທ່ຽວຈີນ ຍັງເປັນຕະຫຼາດນັກທ່ອງທ່ຽວ ທີ່ມີລາຍຈ່າຍສູງເປັນອັນດັບໜຶ່ງຂອງໂລກ ຄືໃນປີ 2019 ມີລາຍຈ່າຍເຖິງ 255 ຕື້ໂດລາ ນັກທ່ອງທ່ຽວຈີນ ແມ່ນກຸ່ມຕະຫຼາດນັກທ່ອງທ່ຽວສາກົນທີ່ສໍາຄັນຕໍ່ການທ່ອງທ່ຽວຂອງ ສປປ ລາວ ກໍຄືການທ່ອງທ່ອງຂອງຂົງເຂດອາຊີ-ປາຊີຟິກ ແລະ ພາກພື້ນອື່ນໆ. ສໍາລັບແຜນການຕ້ອນຮັບນັກທ່ອງທ່ຽວຈີນ ປີ 2023-2025 ຂອງກະຊວງ ຖວທ; ບັນດາຂໍ້ມູນ ແລະ ສະຖິຕິດ້ານການທ່ອງທ່ຽວຂອງລາວ, ຂອງຈີນ ກໍຄືຂອງພາກພື້ນແລະສາກົນ. ໄປຄຽງຄູ່ກັນນັ້ນ ກໍໄດ້ເອົາໃຈໃສ່ສຶກສາຄົ້ນຄວ້າບັນດານິຕິກໍາທີ່ກ່ຽວຂ້ອງ ໂດຍສະເພາະນິຕິກໍາກ່ຽວກັບສະມາຄົມ, ໃນນັ້ນມີດໍາລັດຂອງລັດຖະບານ ວ່າດ້ວຍສະມາຄົມ ສະບັບເລກທີ 238/ລບ, ລົງວັນທີ 11 ສິງຫາ 2017 ແລະ ຄໍາແນະນໍາຂອງກະຊວງພາຍໃນກ່ຽວກັບການຈັດຕັ້ງປະຕິບັດດໍາລັດວ່າດ້ວຍສະມາຄົມ ສະບັບເລກທີ 05/ພນ, ລົງວັນທີ 11 ຕຸລາ 2017.
ທ່ານ ສາລີ ພິມພິນິດ ກ່າວຕື່ມວ່າ: ພາຍຫຼັງສະມາຄົມສົ່ງເສີມການທ່ອງທ່ຽວດ້ານວັດທະນະທໍາລາວ-ຈີນ ໄດ້ຮັບການສ້າງຕັ້ງ ແລະ ດໍາເນີນການເຄື່ອນໄຫວວຽກງານ, ສະມາຄົມຈະປະກອບສ່ວນຢ່າງຕັ້ງໜ້າເຂົ້າໃນຂະແໜງການທ່ອງທ່ຽວຂອງລາວ ຊຶ່ງຄາດວ່າຈະນໍາເອົາຜົນປະໂຫຍດຫຼາຍດ້ານ ຄື: (1)ການຄຸ້ມຄອງ - ຊີ້ນໍາຂອງພາກລັດ ຕໍ່ບັນດາຫົວໜ່ວຍທຸລະກິດທີ່ບໍລິການນັກທ່ອງທ່ຽວຈີນ ໂດຍຜ່ານສະມາຄົມ ຈະມີຄວາມສະດວກ, ວ່ອງໄວ; ເຮັດໃຫ້ການເຄື່ອນໄຫວຂອງບັນດາຫົວໜ່ວຍທຸລະກິດຖືກຕ້ອງຕາມລະບຽບກົດໝາຍ, ສະກັດກັ້ນການບໍລິການນອກລະບົບ, ຕີຖອຍປະກົດການຫຍໍ້ທໍ້ຕ່າງໆ; (2) ຍົກລະດັບຄວາມຮູ້ຄວາມສາມາດຂອງບຸກຄະລາກອນລະດັບຜູ້ຈັດການໃນການບໍລິຫານ - ບໍລິການການທ່ອງທ່ຽວໃຫ້ເປັນມືອາຊີບ ໂດຍຜ່ານເວທີສໍາມະນາ, ຝຶກອົບຮົມ ແລະ ທັດສະນະສຶກສາຢູ່ ສປ ຈີນ; (3) ສະມາຄົມສົ່ງເສີມການທ່ອງທ່ຽວດ້ານວັດທະນະທໍາລາວ-ຈີນ ຈະກາຍເປັນເຄື່ອງມື ແລະ ກົນໄກສໍາລັບການພົວພັນ ແລະ ສົ່ງເສີມການທ່ອງທ່ຽວລະຫວ່າງສອງປະເທດ ສປປ ລາວ ແລະ ສປ ຈີນ, ໂດຍສະເພາະໃນວຽກງານການໂຄສະນາດຶງດູດນັກທ່ອງທ່ຽວຈີນມາຍັງ ສປປ ລາວ; (4) ຄາດວ່າຈໍານວນນັກທ່ອງທ່ຽວຈີນທີ່ຕັດສິນໃຈເດີນທາງມາທ່ຽວລາວຈະເພີ່ມຂຶ້ນ ດ້ວຍຈັງຫວະແບບກະໂດດຂັ້ນ ຊຶ່ງຈະເປັນການປະກອບສ່ວນສ້າງລາຍຮັບຂອງການທ່ອງທ່ຽວ ລາວເປັນຢ່າງດີ.
ພ້ອມນີ້ກອງປະຊຸມໄດ້ຕົກລົງເລືອກເອົາທ່ານ ສາລີ ພິມພິນິດ ເປັນປະທານສະມາຄົມສົ່ງເສີມການທ່ອງທ່ຽວ ດ້ານວັດທະນະທໍາ ລາວ - ຈີນ; ທ່ານ ນາງ ສີສະໄໝ ຫຼວງຈັນດາວົງ ຮອງປະທານ; ທ່ານ ບຸນລັບ ດວງພູມີ ກໍາມະການ ແລະ ຄະນະກວດກາຂອງສະມາຄົມສົ່ງເສີມການທ່ອງທ່ຽວ ດ້ານວັດທະນະທໍາ ລາວ - ຈີນ 3 ທ່ານ.
ຂ່າວ: ຍຸພິນທອງ
ຄໍາເຫັນ