ພວກຂ້າພະເຈົ້າ ຕີລາຄາສູງຕໍ່ບັນດາຜົນສຳເລັດອັນໃຫຍ່ຫຼວງຮອບດ້ານໃນການສ້າງສາພັດທະນາປະເທດຊາດ ທີ່ ປະຊາຊົນ ບຣູໄນ ດາຣູຊາລາມ ສາມາດຍາດມາໄດ້ ພາຍໃຕ້ການນຳພາອັນເດັດດ່ຽວ ແລະ ສະຫຼາດສ່ອງໃສ ຂອງສົມເດັດ, ເຮັດໃຫ້ ບຣູໄນ ດາຣູຊາລາມ ສືບຕໍ່ມີສະຖຽນລະພາບ, ມີການພັດທະນາຢ່າງເຂັ້ມແຂງ ແລະ ອິດທິພົນບົດບາດ ນັບມື້ນັບພົ້ນເດັ່ນຂຶ້ນຢູ່ເວທີພາກພື້ນ ແລະ ສາກົນ.
ສປປ ລາວ ຖືສຳຄັນໃນການສືບຕໍ່ ເພີ່ມທະວີສາຍພົວພັນມິດຕະພາບ ແລະ ການຮ່ວມມືອັນດີງາມ ຖານຄູ່ຮ່ວມຍຸດທະສາດ ກັບ ບຣູໄນ ດາຣູຊາລາມ ໃຫ້ແໜ້ນແຟ້ນ ແລະ ກ້າວເຂົ້າສູ່ລວງເລິກຢ່າງບໍ່ຢຸດຢັ້ງ ເພື່ອນຳເອົາຜົນປະໂຫຍດຕົວຈິງ ມາສູ່ປະຊາຊົນສອງຊາດ ລາວ - ບຣູໄນ ກໍຄື ເພື່ອສັນຕິພາບ, ສະຖຽນສະພາບ ແລະ ການຮ່ວມມື ເພື່ອການພັດທະນາແບບຍືນຍົງໃນພາກພື້ນ ແລະ ສາກົນ.
ຂ້າພະເຈົ້າ ຂໍຖືໂອກາດອັນສະຫງ່າລາສີນີ້ ອວຍພອນໄຊໃຫ້ ສົມເດັດ ແລະ ພະບໍລົມວົງສານຸວົງທຸກພະອົງ ຈົ່ງມີພະກະເສມສໍາລານ, ມີພະລະນາໄມສົມບູນ, ມີຄວາມຜາສຸກ ແລະ ອວຍພອນໃຫ້ປະຊາຊົນ ບຣູໄນ ເພື່ອນມິດ ພາຍໃຕ້ພະບໍໍຣົມໂພທິສົມພານ ຂອງສົມເດັດ ຈົ່ງສືບຕໍໍ່ມີຄວາມຈະເລີນກ້າວໜ້າ ແລະ ວັດທະນາຖາວອນ.
ໃນໂອກາດດຽວກັນ, ພະນະທ່ານ ສອນໄຊ ສີພັນດອນ ນາຍົກລັດຖະມົນຕີ ແລະ ພະນະທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ກໍໄດ້ສົ່ງສານສະແດງ ຄວາມຊົມເຊີຍ ເຖິງ ຄູ່ຮ່ວມຕຳແໜ່ງ ແຫ່ງ ບຣູໄນ ດາຣູຊາລາມ ເຊັ່ນດຽວກັນ.
ຄໍາເຫັນ