ສະຫວັນນະເຂດ ປັບປຸງການຈັດຕັ້ງຫຼາຍຕໍາແໜ່ງ

 ພະແນກການຕ່າງປະເທດແຂວງ ແລະ ສະຫະພັນແມ່ຍິງແຂວງ ພາຍໃຕ້ການເປັນປະທານຂອງທ່ານ ພູວັງ ເກດແກ້ວພົມພອນ ຮອງເລຂາພັກແຂວງ ຜູ້ຊີ້ນຳວຽກງານການເມືອງ-ແນວຄິດ, ວຽກພັກ-ພະນັກງານ ແລະ ອົງການຈັດຕັ້ງມະຫາຊົນ.
ທ່ານ ໄກ່ສອນ ອິນທິຈັກ ຮອງຫົວໜ້າຄະນະຈັດຕັ້ງແຂວງ ໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າແຂວງສະຫວັນນະເຂດ ວ່າດ້ວຍການແຕ່ງຕັ້ງ ແລະ ຍົກຍ້າຍພະນັກງານ, ໃນນີ້ ໄດ້ຕົກລົງຍົກຍ້າຍ-ແຕ່ງຕັ້ງທ່ານ ວັນແສງ ແກ້ວບຸນພັນ ຫົວໜ້າພະແນກອຸດສາຫະກຳ ແລະ ການຄ້າແຂວງ ໄປເປັນຫົວໜ້າພະແນກການຕ່າງປະເທດແຂວງ, ຕົກລົງແຕ່ງຕັ້ງທ່ານ ສີໂທ ທໍລະທາ ເປັນວ່າການຫົວໜ້າພະແນກອຸດສາຫະກຳ ແລະ ການຄ້າແຂວງ, ໄດ້ຕົກລົງຍົກຍ້າຍ-ແຕ່ງຕັ້ງທ່ານ ນາງ ມະໄລທອງ ທຳມະຕິກາ ຫົວໜ້າພະແນກການຕ່າງປະເທດແຂວງ ໄປເປັນປະທານສະຫະພັນແມ່ຍິງແຂວງ ແລະ ຍັງໄດ້ຕົກລົງຍົກຍ້າຍທ່ານ ນາງ ວຽງສະໝອນ ພະທິທັກ ວ່າການປະທານສະຫະພັນແມ່ຍິງແຂວງ ໄປປະຈຳການຢູ່ຫ້ອງວ່າການແຂວງ ແລະ ໄດ້ຜ່ານມະຕິຕົກລົງຂອງຄະນະປະຈຳພັກແຂວງສະຫວັນນະເຂດ ວ່າດ້ວຍການບົ່ງຕົວແຕ່ງຕັ້ງສະຫາຍ ວັນແສງ ແກ້ວບຸນພັນ ເປັນເລຂາໜ່ວຍພັກຮາກຖານພະແນກການຕ່າງປະເທດແຂວງ, ບົ່ງຕົວແຕ່ງຕັ້ງສະຫາຍ ສີໂທ ທໍລະທາ ເປັນເລຂາຄະນະພັກຮາກຖານພະແນກອຸດສາຫະກຳ ແລະ ການຄ້າແຂວງ ແລະ ບົ່ງຕົວແຕ່ງຕັ້ງສະຫາຍ ນາງ ມະໄລທອງ ທຳມະຕິກາ ເປັນເລຂາໜ່ວຍພັກຮາກຖານສະຫະພັນແມ່ຍິງແຂວງ.
ໂອກາດນີ້, ທ່ານ ພູວັງ ເກດແກ້ວພົມພອນ ກໍໄດ້ມອບມະຕິຕົກລົງ ແລະ ຂໍ້ຕົກລົງໃຫ້ບັນດາທ່ານທີ່ຖືກແຕ່ງຕັ້ງ-ຍົກຍ້າຍໃນຄັ້ງນີ້.
(ແຫຼ່ງຂ່າວ: ແຂວງສະຫວັນນະເຂດ)