 |
ປະເທດ. ຄຽງຄູ່ກັນນັ້ນ, ຈີນໄດ້ເຜີຍແຜ່ແຜນການດຳເນີນງານການຮ່ວມມືພັດທະນາປັນຍາປະດິດ ໂດຍປະກາດມາດຕະການຕົວຈິງ 8 ປະການ ເພື່ອຕອບຮັບຂໍ້ລິເລີ່ມຂອງອົງການສະຫະປະຊາຊາດໃນດ້ານຕ່າງໆເຊັ່ນ: ການເພີ່ມທະວີການຮ່ວມມືສາກົນດ້ານປັນຍາປະ
ດິດ, ອັດຊ່ອງວ່າງດ້ານດີຈີຕອນ, ຊຸກຍູ້ປັນຍາປະດິດ ເພື່ອສ້າງຄວາມເຂັ້ມແຂງໃຫ້ແກ່ການພັດທະນາແບບ ຍືນຍົງ.
ເມື່ອຫວນຄືນຜົນສຳເລັດຂອງຈີນໃນການພັດທະນາປັນຍາປະ ດິດ AI ຈີນໄດ້ລິເລີ່ມສ້າງຕັ້ງອົງ ການຮ່ວມມືປັນຍາປະດິດໂລກໃນປີ 2025 ແລະ ເວລາຜ່ານໄປພຽງໜຶ່ງປີຂໍ້ລິເລີ່ມດັ່ງກ່າວກໍໄດ້ຫັນຈາກແຜນວາດກາຍເປັນຜົນງານຕົວຈິງ ຖືວ່າເປັນຜົນງານໃໝ່ທີ່ພິສູດໃຫ້ເຫັນເຖິງການເຄື່ອນໄຫວຂອງຈີນຢ່າງມີຜົນສຳເລັດ. ຈີນໄດ້ລົງເລິກຂະຫຍາຍການພັດທະນາ “ປັນຍາປະດິດ+” ຊຶ່ງເຮັດໃຫ້ອັດຕາການນຳໃຊ້ເຕັກໂນໂລຊີປັນຍາປະດິດຂອງວິສາຫະກິດອຸດສາຫະກຳການຜະລິດຂະໜາດໃຫຍ່ທີ່ມີລາຍຮັບຈາກການດຳເນີນທຸລະກິດຕົ້ນ ຕໍຫຼາຍກວ່າ 20 ລ້ານຢວນຕໍ່ປີໄດ້ບັນລຸກວ່າ 30%, ແບບຈຳລອງປັນຍາປະດິດແບບເປີດກວ້າງຂະໜາດ ໃຫຍ່ຂອງຈີນບັນລຸຍອດດາວໂຫຼດ
ທົ່ວໂລກຫຼາຍກວ່າ 10 ຕື້ເທື່ອ. ພ້ອມກັນນັ້ນ, ໂຄງປະກອບອຸດສາຫະກຳຍັງໄດ້ຮັບການປັບປຸງດີຂຶ້ນຢ່າງຕໍ່ເນື່ອງ. ຈີນໄດ້ກຳນົດມາດຕະ ຖານແຫ່ງຊາດແບບບັງຄັບໃຊ້ໃໝ່ຈຳ ນວນ 114 ຂໍ້ ແລະ ມາດຕະຖານຂະ ແໜງອຸດສາຫະກຳໃໝ່ຈຳນວນ 1.403 ຂໍ້. ການລົງທຶນໃນຂົງເຂດທີ່ພັດທະນາໃໝ່ເຊັ່ນ: ການຜະລິດຄອມພິວເຕີອຸປະກອນເຮັດວຽກຢູ່ຫ້ອງການ, ການຜະລິດເຮືອບິນຍານອະວະກາດ ແລະ ອຸປະກອນທີ່ກ່ຽວຂ້ອງອື່ນໆໄດ້ເພີ່ມຂຶ້ນຫຼາຍກວ່າ 10%. ສະເພາະໃນ 5 ເດືອນຕົ້ນປີ 2026, ຈັງຫວະການເຕີບໂຕດ້ານກຳໄລຂອງວິສາຫະກິດຂະ ໜາດກາງ ແລະ ນ້ອຍທີ່ມີວິຊາການສະເພາະ, ມີຄວາມລະອຽດ, ເປັນເອກະລັກພິເສດນະວັດຕະກຳໃໝ່ ອ່ຽມ ແລະ ວິສາຫະກິດເຕັກໂນໂລຊີທັນສະໄໝໃນຂະແໜງອຸດສາຫະກຳຂະໜາດໃຫຍ່ຂອງຈີນ ເມື່ອທຽບໃສ່ໄລຍະດຽວກັນຂອງປີຜ່ານມາໄດ້ບັນລຸຫຼາຍກວ່າ 20%.
 |
ຕໍ່ການຮ່ວມມືສາກົນ, ສປ ຈີນໄດ້ຮວ່ມລົງນາມສັນຍາວ່າດ້ວຍ ການສ້າງຕັ້ງອົງການຮ່ວມມືປັນຍາປະດິດໂລກກັບຜູ້ຕາງໜ້າ 29 ປະ
ເທດ, ໃນນັ້ນ ລວມມີ ສປປ ລາວ, ກາຊັກສະຖານ, ປາກິດສະຖານ, ຣັດເຊຍ, ອິນໂດເນເຊຍ ແລະ ປະເທດທີ່ໄດ້ລົງນາມກາຍເປັນປະເທດສະມາຊິກຜູ້ກໍ່ຕັ້ງອົງການດັ່ງກ່າວ. ຕໍ່ສປປ ລາວ, ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະ ເທດ ຕາງໜ້າລັດຖະບານ ແຫ່ງ ສປປ ລາວ ທີ່ໄດ້ເຂົ້າຮ່ວມລົງນາມເປັນປະເທດສະມາຊິກຜູ້ຮ່ວມກໍ່ຕັ້ງອົງການຮ່ວມມືປັນຍາປະດິດໂລກ (WAICO) ໃນວັນທີ 16 ກໍລະກົດ2026 ທີ່ນະຄອນຊຽງໄຮ້ ສປ ຈີນໄດ້ກ່າວວ່າ: ການເຂົ້າຮ່ວມລົງນາມ ຂອງ ສປປ ລາວ ໃນຄັ້ງນີ້ ເປັນການ ຜັນຂະຫຍາຍສາຍພົວພັນຄູ່ຮ່ວມມືຍຸດທະສາດຮອບດ້ານ ລາວ-ຈີນ ແລະ ການສ້າງຄູ່ຮ່ວມຊາຕາກຳລາວ-ຈີນທີ່ເຂັ້ມແຂງໜຽວແໜ້ນໃນທຸກສະພາບການຂອງຍຸກໃໝ່ ໂດຍສະເພາະການຮ່ວມມືດ້ານເຕັກໂນ ໂລຊີໃໝ່ ພາຍໃຕ້ຂອບການຮ່ວມ ມື WAICO. ສປປ ລາວ ເຊື່ອໝັ້ນວ່າ ຂອບການຮ່ວມມືດັ່ງກ່າວຈະ ປະກອບສ່ວນສຳຄັນເຂົ້າໃນການສ້າງຄູ່ຮ່ວມຊາຕາກຳມວນມະນຸດ; ການເຂົ້າຮ່ວມອົງການ WAICO ຍັງເປັນໂອກາດສຳຄັນສຳລັບ ສປປ ລາວ ເພື່ອຍາດແຍ່ງການຮ່ວມມືກັບສາກົນໃນການຮັບມືກັບສິ່ງທ້າທາຍທາງໄຊເບີ, ດຶງດູດການລົງທຶນຈາກຕ່າງປະເທດ ເພື່ອພັດທະນາໃນຂະແໜງ AI, ການຖ່າຍໂອນເຕັກໂນໂລຊີ, ຊຸກຍູ້ການນຳໃຊ້ AI ຢ່າງສ້າງສັນ ເພື່ອເປັນກຳລັງແຮງຂັບເຄື່ອນການພັດທະນາປະເທດຊາດຕາມຍຸກສະໄໝ, ຮັບປະກັນຄວາມໝັ້ນຄົງທາງດ້ານການເມືອງ, ເສດ ຖະກິດ ແລະ ວັດທະນະທຳ, ສອດຄ່ອງກັບແນວທາງນະໂຍບາຍຂອງພັກ-ລັດຖະບານວາງອອກກໍຄືການຈັດຕັ້ງປະຕິບັດວິໄສທັດ, ຍຸດທະສາດ ແລະ ແຜນພັດທະນາເສດຖະ ກິດດີຈີຕອນຂອງ ສປປ ລາວ ໃຫ້ປະກົດຜົນເປັນຈິງ. ໃນຂະນະທ່ານ ນາງ ແສງເດືອນ ໄຊຍະສອນ ຮອງປະທານຄະນະກຳມະການຮ່ວມມື ລາວ-ຈີນ ໄດ້ຢັ້ງຢືນວ່າ: ການທີ່ ສປປ ລາວ ໄດ້ກາຍເປັນສະມາຊິກຜູ້ກໍ່ຕັ້ງ “ອົງການການຮ່ວມມືດ້ານປັນຍາປະດິດໂລກ” ຖືເປັນກຽດ ແລະ ຄວາມຮັບຜິດຊອບອັນໃຫຍ່ຫຼວງ, ດັ່ງຄຳເຫັນຂອງທ່ານ ສີ ຈິ້ນຜິງ
ທີ່ກ່າວໄວ້ວ່າ: “ສາຍພິນສາຍດຽວບໍ່ອາດບັນເລງເປັນທຳນອງ, ຕົ້ນໄມ້ຕົ້ນດຽວບໍ່ອາດເຕີບໃຫຍ່ເປັນປ່າ ດົງ” ຄຳເວົ້ານີ້ມີຄວາມໝາຍວ່າ ການພັດທະນາປັນຍາປະດິດບໍ່ຄວນເປັນກິດຈະກຳຂອງປະເທດໃດໜຶ່ງ, ແຕ່ຕ້ອງເປັນການຮ່ວມມືລະດັບໂລກ. ສ່ວນທ່ານ ໄຊລືຊາ ອິນສີຊຽງໃໝ່ ຮອງລັດຖະມົນຕີກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ກ່າວວ່າ: ສປປ ລາວ ຈະສືບຕໍ່ຮ່ວມມືຢ່າງໃກ້ຊິດກັບບັນດາປະເທດຄູ່ຮ່ວມມື ພາຍໃຕ້ຂອບການຮ່ວມມື Digital Silk Road ແລະ WAICO ເພື່ອຮ່ວມກັນສ້າງອະນາຄົດດີຈີຕອນທີ່ເປີດກວ້າງ, ປອດໄພ, ຍືນຍົງ ແລະ ທົ່ວເຖິງ ໂດຍໃຫ້ທຸກປະເທດ ແລະ ທຸກພາກສ່ວນສາມາດໄດ້ຮັບຜົນປະໂຫຍດຈາກນະວັດຕະກຳດີຈີຕອນຢ່າງເທົ່າທຽມ.
 |
ໃນຄວາມເຫັນຂອງຜູ້ຂຽນ, ເສັ້ນທາງການພັດທະນາ AI ແບບຈີນໄດ້ ສ້າງຜົນປະໂຫຍດຫຼາຍກວ່າເກົ່າໃຫ້ແກ່ໂລກ. ນີ້ສະແດງໃຫ້ເຫັນວ່າ ຄຳປາໄສສຳຄັນຂອງທ່ານ ສີ ຈິ້ນຜິງ ໃນພິທີເປີດກອງປະຊຸມ ພາຍໃຕ້ຫົວຂໍ້ “ຮ່ວມກັນສ້າງລະບົບການຄຸ້ມຄອງ
ປັນຍາປະດິດທົ່ວໂລກຢ່າງມີຄວາມຍຸຕິທຳ ແລະ ສົມເຫດສົມຜົນ” ເມື່ອກາງເດືອນກໍລະກົດ 2026 ແມ່ນມີທັດສະນະທີ່ມອງກວ້າງເບິ່ງໄກຢ່າງພາວະວິໄສ ແລະ ສັດຈະວິພາກທີ່ປະເທດຕ່າງໆ ຄວນຢຶດໝັ້ນຖືຄົນເປັນກົກ ແລະ ຢຶດໝັ້ນແນວຄວາມຄິດທີ່ກ້າວໄປສູ່ສິ່ງທີ່ດີງາມ ແລະ ກ້າວໜ້າ ເພື່ອເຮັດໃຫ້ປັນຍາປະດິດກາຍເປັນແຫຼ່ງພະລັງຂັບເຄື່ອນສຳຄັນທີ່ຊຸກຍູ້ຄວາມຈະ ເລີນຮຸ່ງເຮືອງຮ່ວມກັນ ແລະ ປົກປັກຮັກສາຄວາມໝັ້ນຄົງຮ່ວມກັນ, ຮ່ວມກັນສ້າງລະບົບການຄຸ້ມຄອງປັນ ຍາປະດິດທົ່ວໂລກຢ່າງມີຄວາມຍຸຕິທຳ ແລະ ສົມເຫດສົມຜົນ. ໃນນັ້ນ,” ເພື່ອບັນລຸເປົ້າໝາຍການພັດທະນາຮ່ວມກັນ, ທ່ານ ສີ ຈິ້ນຜິງ ໄດ້ສະເໜີ 4 ຂໍ້ກ່ຽວກັບການຮວ່ມມື
ກັນໃນຕໍ່ໜ້າຄື: ໜຶ່ງ, ຢຶດໝັ້ນເປີດປະຕູສູ່ພານອກ, ຮ່ວມມືກັນແບບຕ່າງຝ່າຍຕ່າງໄດ້ຮັບຜົນປະໂຫຍດ ແລະ ຂັບເຄື່ອນການພັດທະນາດ້ວຍການປະດິດສ້າງ; ສອງ, ເພີ່ມສະຕິຄວາມສ່ຽງ ແລະ ຮັບປະກັນຄວາມປອດໄພ ແລະ ສາມາດຄວບຄຸມໄດ້; ສາມ, ສົ່ງເສີມຄວາມກວມລວມທຸກສິ່ງ, ຊຸກຍູ້ການຮຽນຮູ້ ແລະ ຖອດຖອນບົດຮຽນຊຶ່ງກັນ ແລະ ກັນລະຫວ່າງອະລິຍະທຳຕ່າງໆ; ສີ, ສົ່ງເສີມການຮ່ວມແຮງຮ່ວມໃຈກັນຜ່ານຜ່າຄວາມຫຍຸ້ງຍາກ ແລະ ປັບປຸງການບໍລິຫານທົ່ວໂລກ. ນີ້ເປັນການຢັ້ງຢືນວ່າ ບໍ່ວ່າຈະເປັນປະເທດເພື່ອນບ້ານໃກ້ຄຽງທີ່ຊ່ວຍເຫຼືອຊຶ່ງກັນ ແລະ ກັນ ຫຼື ອົງການຈັດຕັ້ງສາ ກົນທີ່ມີໜ້າທີ່ບໍລິຫານທົ່ວໂລກ, ລ້ວນແຕ່ເປັນຄູ່ຮ່ວມມືຂອງຈີນໃນການເກາະແຂນກັນມຸ່ງໜ້າສູ່ອະນາ ຄົດຮ່ວມກັນ. ແນວໃດກໍຕາມ, ມີພຽງແຕ່ທົ່ວໂລກຮ່ວມມືກັນ ແລະ ໝູນໃຊ້ສະຕິປັນຍາຂອງມວນມະນຸດ ແລະ ຄວາມຮັບຮູ້ທີ່ເປັນເອກະພາບກັນຂອງສາກົນນຳພາການພັດທະ ນາປັນຍາປະດິດຢ່າງສະເໝີຕົ້ນສະເໝີປາຍເທົ່ານັ້ນ, ຈຶ່ງຈະສາມາດເຮັດໃຫ້ປັນຍາປະດິດກາຍເປັນພະລັງທາງບວກອັນເຂັ້ມແຂງແຫ່ງການເພີ່ມຄວາມຜາສຸກໃຫ້ແກ່ມວນມະນຸດ ແລະ ຊຸກຍູ້ຄວາມກ້າວໜ້າດ້ານອະລິຍະທຳຂອງມວນມະນຸດຢ່າງແທ້ຈິງ.
ເພື່ອຈັດຕັ້ງຜັນຂະຫຍາຍເນື້ອໃນຈິດໃຈຄຳປາໄສສຳຄັນຂອງທ່ານ ສີ ຈິ້ນຜິງ ປະທານປະເທດຈີນທີ່ກ່າວຕໍ່ພິທີເປີດກອງປະຊຸມປັນຍາປະດິດໂລກ 2026 ແລະ ກອງປະ ຊຸມຂັ້ນສູງວ່າດ້ວຍການຄຸ້ມຄອງປັນ ຍາປະດິດໂລກ, ທ່ານ ເຊີ້ນ ໄຫສົງ ຜູ້ອຳນວຍການໃຫຍ່ CMG ໄດ້ກ່າວວ່າ: ປັດຈຸບັນ, ການປ່ຽນແປງດ້ານປັນຍາປະດິດກຳລັງຂະຫຍາຍຕົວຢ່າງວ່ອງໄວ, ງານມະໂຫລານ AI ຈີນ 2026 ໄດ້ປິ່ນອ້ອມຫົວຂໍ້ຫຼັກ “AI ຢູ່ຄຽງຄູ່ກັນ” ສະແດງໃຫ້ເຫັນຢ່າງຮອບດ້ານເຖິງຜົນງານຫຼ້າສຸດ ຂອງປັນຍາປະດິດຈີນໃນຂົງເຂດຕ່າງໆເຊັ່ນ: ການຄົ້ນຄວ້າຂັ້ນພື້ນ ຖານ, ການບຸກທະລຸດ້ານເຕັກໂນໂລຊີ, ການປະຍຸກໃຊ້ໃນອຸດສາຫະກຳຕ່າງໆ ແລະ ອື່ນໆ, ນີ້ສະແດງໃຫ້ຊາວໂລກໄດ້ຮັບຮູ້ເຖິງເສັ້ນທາງການພັດທະນາ AI ແບບຈີນ, ເຮັດໃຫ້ສະຕິປັນຍາຈີນໄດ້ສ້າງຜົນປະ ໂຫຍດຫຼາຍກວ່າເກົ່າໃຫ້ແກ່ໂລກ.
 |
ສັງລວມແລ້ວ, ຈີນລິເລີ່ມສ້າງຕັ້ງອົງການຮ່ວມມືປັນຍາປະດິດໂລກຖືເປັນບາດກ້າວສຳຄັນທີ່ມີຊີ ວິດຊີວາອີກຄັ້ງໜຶ່ງໃນການຊຸກຍູ້ການສ້າງປະຊາຄົມຮ່ວມຊາຕາກຳມວນມະນຸດ ແລະ ຈັດຕັ້ງປະຕິບັດຂໍ້ລິເລີ່ມການບໍລິຫານທົ່ວໂລກແລະ ໃນຕໍ່ໜ້າ, ຈີນຍາມໃດກໍມີຄວາມມຸ່ງຫວັງຮ່ວມກັບບັນດາປະເທດສະມາຊິກ ເພື່ອຊຸກຍູ້ໃຫ້ອົງ ການດັ່ງກ່າວດຳເນີນງານໂດຍໄວຢ່າງມີຜົນສຳເລັດ. ສປປ ລາວ ເຊື່ອໝັ້ນບົດບາດນຳພາຂອງ ຈີນ ໃນການສ້າງລະບົບຄຸ້ມຄອງປັນຍາປະດິດລະດັບໂລກໃຫ້ມີຄວາມຍຸຕິທຳ, ດັ່ງບົດປາໄສອັນສຳຄັນຂອງທ່ານ ສີ ຈິ້ນຜິງ ກ່ຽວກັບວິໄສທັດການພັດທະນາ ແລະ ການຄຸ້ມຄອງປັນຍາປະດິດ (AI) ລະດັບໂລກ ໄດ້ຕີລາຄາສູງຕໍ່ວິໄສທັດທາງຍຸດທະ ສາດທີ່ເບິ່ງກວ້າງມອງໄກ ແລະ ຄວາມຮັບຜິດຊອບຂອງຈີນ ໃນຖານະປະເທດໃຫຍ່ທີ່ສຸມໃສ່ຊ່ວຍເຫຼືອບັນດາປະເທດຊີກໂລກໃຕ້ ເພື່ອຫຼຸດຜ່ອນຊ່ອງວ່າງທາງດີຈີຕອນ ແລະ ປ້ອງກັນບໍ່ໃຫ້ເກີດຄວາມບໍ່ເປັນທຳໃນຍຸກເຕັກໂນໂລຊີໃໝ່.
ທັງໝົດນີ້ແມ່ນຖືກຕ້ອງຕາມຄຳເວົ້າຂອງທ່ານ ສີ ຈິ້ນຜິງ ປະທານປະເທດ ສປ ຈີນ ທີ່ໄດ້ກ່າວໄວ້ວ່າ: WAICO ຈະເປັນ “ຈຸດໝາຍສຳ ຄັນໃນປະຫວັດການພັດທະນາ AI”.
ຂະນະທີ່ທ່ານ ອັນໂຕນິໂອ ກູເຕເຣສ ເລຂາທິການໃຫຍ່ອົງການສະຫະປະຊາຊາດກໍໄດ້ກ່າວໄວ້ວ່າ: “ເຕັກໂນໂລຊີທີ່ຈະກຳນົດອະນາຄົດຂອງ ມວນມະນຸດ ຄວນຖືກກຳນົດຮ່ວມກັນໂດຍທົ່ວໂລກ ບໍ່ແມ່ນໂດຍພຽງບາງປະເທດ ຫຼື ບາງບໍລິສັດ” ເທົ່ານັ້ນ.
ໂດຍ: ດວງຈິດ ສະຫວັດບຸນມີ
ຄໍາເຫັນ