 |
ທ່ານ ກິແກ້ວ ໄຂຄໍາພິທູນ ໄດ້ກ່າວວ່າ: ເນື້ອໃນເອກະສານທີ່ນໍາມາເຊື່ອມຊຶມໃນຄັ້ງນີ້ປະກອບມີເອກະສານສໍາຄັນຄື: ແຜນວຽກຈຸດສຸມໃນລາຍງານການເມືອງກອງປະຊຸມໃຫຍ່ ສະເໜີໂດຍ ທ່ານ ນາງ ບຸດສະດີ ທະນະເມືອງ ກໍາມະການສູນກາງພັກ ຮອງປະທານ ສນຊ; ກົດລະບຽບຂອງແນວລາວສ້າງຊາດ ສະໄໝທີ XII ສະເໜີໂດຍ ທ່ານ ນາງ ໄຊທິດາ ພົມວິຫານ ຮອງປະທານ ສນຊ; ມະຕິກອງປະຊຸມໃຫຍ່ ແລະ ແຜນພັດທະນາ ອົງການແນວລາວສ້າງຊາດ ປີ 2026-2030 ສະເໜີໂດຍ ທ່ານ ລາວປາວຊົ່ງ ນະວົງໄຊ ກໍາມະການສູນກາງພັກ ຮອງປະທານ ສນຊ. ພ້ອມນີ້, ບັນດາທ່ານເຂົ້າຮ່ວມຍັງໄດ້ປະກອບຄຳເຫັນຕາມການເຈາະຈີ້ມ ຢ່າງກົງໄປກົງມາ, ມີບັນຍາກາດ ສ້າງສັນ ແລະ ຟົດຟື້ນ.
 |
ການເຜີຍແຜ່ເຊື່ອມຊຶມຜົນສໍາເລັດກອງປະຊຸມໃຫຍ່ໃນຄັ້ງນີ້, ເພື່ອໃຫ້ທຸກພາກສ່ວນ, ບຸກຄົນ ກໍາມະການ ສນຊ, ພ້ອມດ້ວຍພະນັກງານຫຼັກແຫຼ່ງທີ່ເຂົ້າຮ່ວມເຂົ້າໃຈຢ່າງເລິກເຊິ່ງ, ກໍາແໜ້ນໄດ້ເນື້ອໃນສໍາຄັນ ເພື່ອນຳໄປຈັດຕັ້ງປະຕິບັດເຂົ້າໃນວຽກງານຂອງຕົນຢ່າງມີປະສິດທິຜົນ.
 |
ໃນໂອກາດສໍາຄັນນີ້, ທ່ານ ກິແກ້ວ ໄຂຄໍາພິທູນ ໄດ້ສັງລວມຄໍາເຫັນ ແລະ ມີທິດຊີ້ນໍາ ເພື່ອເປັນທິດທາງໃນການເຄື່ອນໄຫວວຽກງານຂອງແນວລາວສ້າງຊາດ ໃນຕໍ່ໜ້າ, ໂດຍໄດ້ເນັ້ນໜັກໃຫ້ທຸກພາກສ່ວນການຈັດຕັ້ງພາຄີ ແລະ ບຸກຄົນກໍາມະການ ສນຊ ສະ ໄໝທີ XII ສຸມໃສ່ຈັດຕັ້ງຜັນຂະຫຍາຍຜົນສໍາເລັດກອງປະຊຸມໃຫຍ່ຕິດພັນກັບການຜັນຂະຫຍາຍມະຕິ XII ຂອງພັກ, ແຜນພັດທະນາເສດຖະກິດ-ສັງຄົມແຫ່ງ ຊາດ 5 ປີ ຄັ້ງທີ X ໃຫ້ປະກົດຜົນເປັນຈິງ, ສ້າງຄວາມສາມັກຄີເປັນເອກະພາບ ແລະ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດໃຫ້ນັບມື້ຈະເລີນຮຸ່ງເຮືອງ.
 |
(ຂ່າວ-ພາບ: ວັນເພັງ)
ຄໍາເຫັນ