ກອງປະຊຸມສົນທະນາ ລະຫວ່າງສື່ມວນຊົນລາວ-ຈີນພາຍໃຕ້ຫົວຂໍ້ ໜຶ່ງແລວໜຶ່ງເສັ້ນທາງ ໄດ້ຈັດຂຶ້ນໃນວັນທີ 20 ພະຈິກນີ້ ທີ່ນະຄອນຫຼວງວຽງຈັນ. ໂດຍມີ ທ່ານ ໂພສີ ແກ້ວມະນີວົງ ຮອງລັດຖະມົຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ, ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ໜັງສືພິມປະຊາຊົນ, ທ່ານ ຫວາງຊ້າງ ອຸປະທູດຈີນປະຈຳລາວ. ທ່ານ ຫູຈິ້ງຈຸ່ນ ຮອງຜູ້ອຳນວຍການໃຫຍ່ວິທະຍຸໂທລະພາບສູນກາງຈີນ ພ້ອມດ້ວຍອຳນວຍການສື ຈາກ ລາວ-ສປ ຈີນເຂົ້າຮ່ວມ.
ຈຸດປະສົງຂອງກອງປະຊຸມໃນຄັ້ງນີ້: ແມ່ນເພື່ອເປັນການ ແລກປ່ຽນຄຳຄິດ ຄິດເຫັນຢ່າງເລິກເຊິ່ງ ໂດຍປິ່ນອ້ອມຫົວຂໍ້ກ່ຽວກັບໜ້າທີ່ຮັບຜິດຊອບຂອງສື່ມວນຊົນພາຍໃຕ້ຂໍ້ລິເລີ່ມໜຶ່ງແລວໜຶ່ງເສັ້ນທາງ ຊຶ່ງຜູ້ເຂົ້າຮ່ວມປະຊຸມຈະໄດ້ເປັນເອກະພາບກັນເຫັນວ່າ ລາວ-ຈີນ ໃນຖານະເປັນປະເທດບ້ານໃກ້ຄຽງທີ່ມີສາຍພູ ສາຍນ້ຳຕິດຈອດກັນ ຈະກາຍເປັນຄູ່ຮ່ວມຊາຕາກຳທີ່ມີເສັ້ນທາງໄປມາຫາສູ່ກັນ, ປະຊາຊົນມີຄວາມສະໜິດສະໜົມ ແລະ ເຂົ້າໃຈຊຶ່ງກັນ ແລະ ກັນ ໂດຍຜ່ານການສ້າງສາ ໜຶ່ງແລວໜຶ່ງເສັ້ນທາງ ຮ່ວມກັນ. ສື່ມວນຊົນສອງປະເທດລາວ-ຈີນ ຈະລົງເລິກການຮ່ວມມືກັນ ເພື່ອເພີ່ມພະລັງແຮງໃໝ່ເຂົ້າໃນ ໜຶ່ງແລວໜຶ່ງເສັ້ນທາງ.
ທ່ານ ໂພສີ ແກ້ວມະນີວົງ ກ່າວວ່າ, ການຈັດກອງປະຊຸມສົນທະນາໃນຄັ້ງນີ້ຂຶ້ນ ໂດຍດຳເນີນການແລກປ່ຽນ ແລະ ການຮ່ວມມືຢ່າງເລິກຊຶ່ງໂດຍປິ່ນອ້ອມຂໍ້ລິເລີ່ມ ໜຶ່ງແລວໜຶ່ງເສັ້ນທາງ ນັ້ນ ກໍເປັນການຈັດຕັ້ງປະຕິບັດຄວາມຮັບຮູ້ ທີ່ເປັນເອກະພາບກັນລະຫວ່າງຜູ້ນຳສອງປະເທດ ແລະ ສັນຍາລະຫວ່າງສອງພາກຢ່າງ ເປັນຮູບປະທຳ. ພວກເຮົາມີຄວາມຫວັງເປັນຢ່າງຍິ່ງວ່າ ບົນພື້ນຖານຈຸດເລີ່ມຕົ້ນທີ່ສູງໃນປັດຈຸບັນ, ຈະໄດ້ລົງເລິກການຮ່ວມມືກັບວິທະຍຸ ໂທລະພາບສູນກາງຈີນ, ຊົມໃຊ້ຂໍ້ມູນຂ່າວສານຮ່ວມກັນ, ແລກປ່ຽນໃນດ້ານບຸກຄະລາກອນ, ຮັກສາການຕິດຕໍ່ ພົວພັນໃນຂົງເຂດຕ່າງໆ ເຊັ່ນ: ວິທະຍຸ, ໂທລະພາບ ແລະ ໜັງສືພິມເປັນຕົ້ນ, ຍົກລະດັບການຮ່ວມມືໃຫ້ສູງຂຶ້ນ.
ທ່ານ ຫູຈິ້ງຈຸ່ນ ໄດ້ກ່າວວ່າ:ໃນກອງປະຊຸມສຸດຍອດເວທີປຶກສາຫາລື ການຮ່ວມມື ສາກົນ ໜຶ່ງແລວ ໜຶ່ງເສັ້ນທາງ ຄັ້ງທີ 3, ທ່ານ ສີຈິ້ນຜິງ ແລະ ທ່ານ ທອງລຸນ ສີສຸລິດ ໄດ້ຮ່ວມກັນລົງນາມໃນ ແຜນການດຳເນີນການວ່າດ້ວຍການສ້າງຄູ່ຮ່ວມຊາຕາກຳຈີນ-ລາວ, ສ້າງໂອກາດສຳຄັນໃຫ້ແກ່ການລົງເລິກການຮ່ວມມື ຂົງເຂດ ສື່ມວນຊົນ. ໃນຖານະເປັນຜູ້ປະກອບການສື່ມວນຊົນໃນຍຸກໃໝ່, CMG ຍິນດີຮ່ວມກັບບັນດາໝູ່ຮ່ວມງານ ແລະ ບັນດາ ເພື່ອນມິດ, ເພີ່ມແຮງຂັບເຄື່ອນໃໝ່ເຂົ້າໃນການຮ່ວມກັນສ້າງ ໜຶ່ງແລວໜຶ່ງເສັ້ນທາງ, ປະກອບສ່ວນຫຼາຍກວ່າເກົ່າເຂົ້າໃນການລົງເລິກສາຍພົວພັນແບບຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບລາວ. ສືບຕໍ່ສ້າງເວທີ ສົນທະນາ ແລະ ແລກປ່ຽນອະລິຍະທຳແບບຂ້າມພາກພື້ນ ແລະ ເຄົາລົບຄວາມແຕກຕ່າງດ້ານອະລິຍະທຳ, ຊຸກຍູ້ການເຊື່ອມໂຍງ ຈິດໃຈປະຊາຊົນ, ຮ່ວມແຮງຮ່ວມໃຈກັນ, ປະກອບສ່ວນເຂົ້າໃນການແລກປ່ຽນອະລິຍະທຳລະຫວ່າງຈີນ ແລະລາວ.
ໃນກອງປະຊຸມ, ຜູ້ຕາງໜ້າສື່ມວນຊົນຝ່າຍລາວ ທ່ານ ຄຳເຜີຍ ພິລາພາ ຜູ້ອຳນວຍການໃຫຍ່ສຳນັກຂ່າວສານປະເທດລາວ, ທ່ານ ອຳຄາ ວົງໝື່ນກ້າ ຜູ້ອຳນວຍການໃຫຍ່ໂທລະພາບແຫ່ງຊາດລາວ ແລະ ຜູ້ຕາງໜ້າຝ່າຍຈີນ ທ່ານນາງ ຈ່າງຮຸຍ ຮອງຫົວໜ້າສູນອາຊີອາຝຣີກາຂອງວິທະຍຸໂທລະພາບສູນກາງຈີນ ຕ່າງໄດ້ປະກອບຄຳເຫັນກ່ຽວກັບໂອກາດກັບການທ້າທາຍທີ່ສື່ມວນຊົນກຳລັງປະເຊີນໜ້າໃນຂະບວນການສ້າງສາ ໜຶ່ງແລວໜຶ່ງເສັ້ນທາງ.
ໃນພິທີ ທ່ານໂພສີ ແກ້ວມະນີວົງ ແລະ ທ່ານ ຫູຈິ້ງຈຸ່ນ ໄດ້ຮ່ວມກັນເປີດປ້າຍໃຫ້ແກ່ການສ້າງສູນຝຶກອົບຮົມຜູ້ວິເຄາະຂ່າວທີ່ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ ຮ່ວມກັນສ້າງຂຶ້ນ ເພື່ອຮ່ວມກັນຝຶກອົບຮົມວິຊາການດ້ານສື່.
ຂ່າວ ບຸນຕອມ - ພາບ: ວັນເພັງ
ຈຸດປະສົງຂອງກອງປະຊຸມໃນຄັ້ງນີ້: ແມ່ນເພື່ອເປັນການ ແລກປ່ຽນຄຳຄິດ ຄິດເຫັນຢ່າງເລິກເຊິ່ງ ໂດຍປິ່ນອ້ອມຫົວຂໍ້ກ່ຽວກັບໜ້າທີ່ຮັບຜິດຊອບຂອງສື່ມວນຊົນພາຍໃຕ້ຂໍ້ລິເລີ່ມໜຶ່ງແລວໜຶ່ງເສັ້ນທາງ ຊຶ່ງຜູ້ເຂົ້າຮ່ວມປະຊຸມຈະໄດ້ເປັນເອກະພາບກັນເຫັນວ່າ ລາວ-ຈີນ ໃນຖານະເປັນປະເທດບ້ານໃກ້ຄຽງທີ່ມີສາຍພູ ສາຍນ້ຳຕິດຈອດກັນ ຈະກາຍເປັນຄູ່ຮ່ວມຊາຕາກຳທີ່ມີເສັ້ນທາງໄປມາຫາສູ່ກັນ, ປະຊາຊົນມີຄວາມສະໜິດສະໜົມ ແລະ ເຂົ້າໃຈຊຶ່ງກັນ ແລະ ກັນ ໂດຍຜ່ານການສ້າງສາ ໜຶ່ງແລວໜຶ່ງເສັ້ນທາງ ຮ່ວມກັນ. ສື່ມວນຊົນສອງປະເທດລາວ-ຈີນ ຈະລົງເລິກການຮ່ວມມືກັນ ເພື່ອເພີ່ມພະລັງແຮງໃໝ່ເຂົ້າໃນ ໜຶ່ງແລວໜຶ່ງເສັ້ນທາງ.
ທ່ານ ໂພສີ ແກ້ວມະນີວົງ ກ່າວວ່າ, ການຈັດກອງປະຊຸມສົນທະນາໃນຄັ້ງນີ້ຂຶ້ນ ໂດຍດຳເນີນການແລກປ່ຽນ ແລະ ການຮ່ວມມືຢ່າງເລິກຊຶ່ງໂດຍປິ່ນອ້ອມຂໍ້ລິເລີ່ມ ໜຶ່ງແລວໜຶ່ງເສັ້ນທາງ ນັ້ນ ກໍເປັນການຈັດຕັ້ງປະຕິບັດຄວາມຮັບຮູ້ ທີ່ເປັນເອກະພາບກັນລະຫວ່າງຜູ້ນຳສອງປະເທດ ແລະ ສັນຍາລະຫວ່າງສອງພາກຢ່າງ ເປັນຮູບປະທຳ. ພວກເຮົາມີຄວາມຫວັງເປັນຢ່າງຍິ່ງວ່າ ບົນພື້ນຖານຈຸດເລີ່ມຕົ້ນທີ່ສູງໃນປັດຈຸບັນ, ຈະໄດ້ລົງເລິກການຮ່ວມມືກັບວິທະຍຸ ໂທລະພາບສູນກາງຈີນ, ຊົມໃຊ້ຂໍ້ມູນຂ່າວສານຮ່ວມກັນ, ແລກປ່ຽນໃນດ້ານບຸກຄະລາກອນ, ຮັກສາການຕິດຕໍ່ ພົວພັນໃນຂົງເຂດຕ່າງໆ ເຊັ່ນ: ວິທະຍຸ, ໂທລະພາບ ແລະ ໜັງສືພິມເປັນຕົ້ນ, ຍົກລະດັບການຮ່ວມມືໃຫ້ສູງຂຶ້ນ.
ທ່ານ ຫູຈິ້ງຈຸ່ນ ໄດ້ກ່າວວ່າ:ໃນກອງປະຊຸມສຸດຍອດເວທີປຶກສາຫາລື ການຮ່ວມມື ສາກົນ ໜຶ່ງແລວ ໜຶ່ງເສັ້ນທາງ ຄັ້ງທີ 3, ທ່ານ ສີຈິ້ນຜິງ ແລະ ທ່ານ ທອງລຸນ ສີສຸລິດ ໄດ້ຮ່ວມກັນລົງນາມໃນ ແຜນການດຳເນີນການວ່າດ້ວຍການສ້າງຄູ່ຮ່ວມຊາຕາກຳຈີນ-ລາວ, ສ້າງໂອກາດສຳຄັນໃຫ້ແກ່ການລົງເລິກການຮ່ວມມື ຂົງເຂດ ສື່ມວນຊົນ. ໃນຖານະເປັນຜູ້ປະກອບການສື່ມວນຊົນໃນຍຸກໃໝ່, CMG ຍິນດີຮ່ວມກັບບັນດາໝູ່ຮ່ວມງານ ແລະ ບັນດາ ເພື່ອນມິດ, ເພີ່ມແຮງຂັບເຄື່ອນໃໝ່ເຂົ້າໃນການຮ່ວມກັນສ້າງ ໜຶ່ງແລວໜຶ່ງເສັ້ນທາງ, ປະກອບສ່ວນຫຼາຍກວ່າເກົ່າເຂົ້າໃນການລົງເລິກສາຍພົວພັນແບບຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບລາວ. ສືບຕໍ່ສ້າງເວທີ ສົນທະນາ ແລະ ແລກປ່ຽນອະລິຍະທຳແບບຂ້າມພາກພື້ນ ແລະ ເຄົາລົບຄວາມແຕກຕ່າງດ້ານອະລິຍະທຳ, ຊຸກຍູ້ການເຊື່ອມໂຍງ ຈິດໃຈປະຊາຊົນ, ຮ່ວມແຮງຮ່ວມໃຈກັນ, ປະກອບສ່ວນເຂົ້າໃນການແລກປ່ຽນອະລິຍະທຳລະຫວ່າງຈີນ ແລະລາວ.
ໃນກອງປະຊຸມ, ຜູ້ຕາງໜ້າສື່ມວນຊົນຝ່າຍລາວ ທ່ານ ຄຳເຜີຍ ພິລາພາ ຜູ້ອຳນວຍການໃຫຍ່ສຳນັກຂ່າວສານປະເທດລາວ, ທ່ານ ອຳຄາ ວົງໝື່ນກ້າ ຜູ້ອຳນວຍການໃຫຍ່ໂທລະພາບແຫ່ງຊາດລາວ ແລະ ຜູ້ຕາງໜ້າຝ່າຍຈີນ ທ່ານນາງ ຈ່າງຮຸຍ ຮອງຫົວໜ້າສູນອາຊີອາຝຣີກາຂອງວິທະຍຸໂທລະພາບສູນກາງຈີນ ຕ່າງໄດ້ປະກອບຄຳເຫັນກ່ຽວກັບໂອກາດກັບການທ້າທາຍທີ່ສື່ມວນຊົນກຳລັງປະເຊີນໜ້າໃນຂະບວນການສ້າງສາ ໜຶ່ງແລວໜຶ່ງເສັ້ນທາງ.
ໃນພິທີ ທ່ານໂພສີ ແກ້ວມະນີວົງ ແລະ ທ່ານ ຫູຈິ້ງຈຸ່ນ ໄດ້ຮ່ວມກັນເປີດປ້າຍໃຫ້ແກ່ການສ້າງສູນຝຶກອົບຮົມຜູ້ວິເຄາະຂ່າວທີ່ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ ຮ່ວມກັນສ້າງຂຶ້ນ ເພື່ອຮ່ວມກັນຝຶກອົບຮົມວິຊາການດ້ານສື່.
ຂ່າວ ບຸນຕອມ - ພາບ: ວັນເພັງ
ຄໍາເຫັນ