 |
ສໍາລັບມາດຕະຖານໂຮງແຮມຂຽວອາຊຽນ ສປປ ລາວ ໄດ້ຮັບ 5 ລາງວັນ ຄື: ໂຮງແຮມສຸພັດຕຣາເຮີຣິເທຈ ນະຄອນຫຼວງວຽງຈັນ (ນວ), ໂຮງແຮມເດິແກຣນຫຼວງພະບາງ ແຂວງຫຼວງພະບາງ, ໂຮງແຮມອາມາຣີວຽງຈັນ ນວ, ໂຮງແຮມຢູຫຼວງພະບາງ ແຂວງຫຼວງພະບາງ, ໂດນຟຸກຣີສອດ ນວ; ລາງວັນມາດຕະຖານເມືອງທ່ອງທ່ຽວສະອາດອາຊຽນ ສປປ ລາວ ໄດ້ຮັບ 4 ລາງວັນ ຄື: ນະຄອນໄກສອນ ພົມວິຫານ ແຂວງສະຫວັນນະເຂດ, ນະຄອນປາກເຊ ແຂວງຈໍາປາສັກ, ນະຄອນຫຼວງພະບາງ ແຂວງຫຼວງພະບາງ, ເມືອງວຽງໄຊ ແຂວງຫົວພັນ; ລາງວັນມາດຕະຖານ ສະຖານທີ່ຈັດງານອາຊຽນ ສປປ ລາວ ໄດ້ຮັບ 10 ລາງວັນ ຄື: ປະເພດສະຖານທີ່ຈັດກອງປະຊຸມ 5 ລາງວັນ: ໂຮງແຮມຮໍລິເດອິນ ນວ, ໂຮງແຮມສຸພັດຕຣາວຽງຈັນ ນວ, ໂຮງແຮມລາດຊະວົງວັນດ້າວິສຕ້າ ນວ, ໂຮງແຮມເມືອງແທ່ງລັກເຊີລີວຽງຈັນ ນວ, ຫໍປະຊຸມແຂວງອັດຕະປື; ສ່ວນປະເພດສະຖານທີ່ຈັດງານເທສະການ 5 ລາງວັນ: ໂຮງແຮມສຸພັດຕຣາວຽງຈັນ ນວ, ໂຮງແຮມເດິແກຣນ ຫຼວງພະບາງ ແຂວງຫຼວງພະບາງ, ສູນການຄ້າວຽງຈັນເຊັນເຕີ ນວ, ໂຮງແຮມເມືອງແທ່ງລັກເຊີລີວຽງຈັນ ນວ, ສະຖານທີ່ຈັດງານເທສະການຕາດເລາະ ແຂວງສາລະວັນ. ລາງວັນການທ່ອງທ່ຽວແບບຍືນຍົງອາຊຽນ ສປປ ລາວ ໄດ້ຮັບ 2 ລາງວັນ ຄື: ຫໍພິພິທະພັນແຫ່ງຊາດ ແຂວງຫຼວງພະບາງ ເປັນລາງວັນສໍາລັບຜະລິດຕະພັນການທ່ອງທ່ຽວໃນຕົວເມືອງ, ນໍ້າກັດຢໍລະປ່າ ແຂວງອຸດົມໄຊ ເປັນລາງວັນສຳລັບຜະລິດຕະພັນການທ່ອງທ່ຽວເຂດຊົນນະບົດ. ນອກຈາກນີ້, ສປປ ລາວ ຍັງໄດ້ຮັບລາງວັນອີກຈໍານວນ 38 ລາງວັນ ຊຶ່ງຈະມີພິທີມອບລາງ ວັນທັງໝົດນີ້ຮ່ວມກັນອີກຄັ້ງຢູ່ພາຍໃນປະເທດ ໃນເດືອນກຸມພາ 2026 ນີ້ ເພື່ອເປັນການຍ້ອງຍໍຊົມເຊີຍທຸກພາກສ່ວນທີ່ໄດ້ຮັບລາງວັນອັນຊົງກຽດນີ້.
 |
ໃນພິທີໄດ້ມອບລາງວັນໃຫ້ພາກສ່ວນຕ່າງໆ ຈາກພາກລັດ, ພາກທຸລະກິດ ແລະ ຜູ້ປະກອບການຂອງຊຸມຊົນທ້ອງຖິ່ນ ຊຶ່ງຜົນສຳເລັດດັ່ງກ່າວແມ່ນໄດ້ຮັບການນໍາພາຈາກການນໍາຂັ້ນສູນກາງ, ຂັ້ນແຂວງ ແລະ ການມີສ່ວນຮ່ວມຈາກພາກລັດ, ພາກທຸລະກິດ, ອົງການຈັດຕັ້ງສາກົນ ແລະ ຄູ່ຮ່ວມພັດທະນາທີ່ກ່ຽວຂ້ອງ ໂດຍໄດ້ຮັບການສະໜັບສະໜູນດ້ານງົບປະມານຈາກລັດຖະບານແຫ່ງ ສປປ ລາວ ແລະ ໂຄງການພັດທະນາພື້ນຖານໂຄງລ່າງເພື່ອສົ່ງເສີມການທ່ອງທ່ຽວໄລຍະ 2 (ADB) (Second GMS Tourism Infrastructure for Inclusive Growth Project-TIIGP2).
ຂໍ້ມູນຈາກ: ກົມພັດທະນາການທ່ອງທ່ຽວ
ຄໍາເຫັນ