ກອງປະຊຸມຄະນະກໍາມະການ ອົງການອະນາໄມໂລກ ປະຈຳພາກພື້ນປາຊີຟິກຕາເວັນຕົກ ອົງການອະນາໄມໂລກ ໄດ້ປະກາດຢ່າງເປັນທາງການວ່າ ສປປ ລາວ ໄດ້ລຶບລ້າງພະຍາດຂາຊ້າງ ບໍ່ໃຫ້ເປັນບັນຫາທາງສາທາລະນະສຸກ ຂຶ້ນໃນວັນທີ 16 ຕຸລາ ຜ່ານມາ ທີ່ ມະນິລາ ປະເທດຟີລິບປິນ ໂດຍມີ ທ່ານ ເທດຣອສ ອັດຮານອມ ເກເເບຣເຢຊັສ (Tedros Adhanom Ghebreyesus) ຜູ້ອໍານວຍການໃຫຍ່ ອົງການອະນາໄມໂລກ, ທ່ານ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ ສປປ ລາວ ແລະ ມີພາກສ່ວນກ່ຽວຂ້ອງເຂົ້າຮ່ວມ.
ທ່ານ ບຸນແຝງ ພູມມະໄລສິດ ກ່າວວ່າ: ຜົນສໍາເລັດຂອງພວກເຮົາທີ່ຍາດມາໄດ້ໃນຄັ້ງນີ້ ແມ່ນມາຈາກເຫື່ອແຮງການຈັດຕັ້ງປະຕິບັດວຽກງານຮ່ວມກັນຂອງບັນດາບຸກຄະລາກອນສາທາລະນະສຸກ ແລະ ຍັງໄດ້ການສະໜັບສະໜູນຊ່ວຍເຫຼືອຈາກອົງການອະນາໄມໂລກ ແລະ ບັນດາຄູ່ຮ່ວມງານ ລວມທັງ ອົງການພັດທະນາສາກົນຂອງສະຫະລັດອາເມຣິກາ (USAID), ທະນາຄານພັດທະນາອາຊີ (ADB), ມູນນິທິ Margaret A. Cargill Foundation, ອົງການສາກົນເພື່ອສຸຂະພາບຄອບຄົວ 360 (FHI 360) ແລະ ອົງການ RTI International. ພະຍາດຂາຊ້າງ ຈະບໍ່ກັບຄືນມາມີທີ່ຢືນໃນປະເທດອີກ. ພວກເຮົາຈະສືບຕໍ່ຈັດຕັ້ງປະຕິບັດການກັນ ແລະ ຄວບຄຸມພະຍາດຜ່ານການເຝົ້າລະວັງ ແລະ ຕອບໂຕ້ທຸກກໍລະນີທີ່ເກີດຂຶ້ນໃໝ່ຢ່າງຮີບດ່ວນ.
ສປປ ລາວ ເປັນ 1 ໃນ 12 ປະເທດ ແລະ ເຂດປົກຄອງໃນພາກພື້ນປາຊີຟິກຕາເວັນຕົກ ທີ່ໄດ້ປະສົບຜົນສໍາເລັດໃນການລຶບລ້າງພະຍາດຂາຊ້າງບໍ່ໃຫ້ເປັນບັນຫາທາງດ້ານສາທາລະນະສຸກນັບຕັ້ງແຕ່ປີ 2000 ລວມມີ ປະເທດກໍາປູເຈຍ, ສປ ຈີນ, ຄຸກອິດສະແລນ, ກິຣີບາຕີ, ນີອູ, ມາດໂຊນ ອິດສະແລນ, ປາລາອູ, ສ ເກົາຫຼີ, ຕົງກາ, ວານູອາຕູ, ຫວຽດນາມ ແລະ ວາລິດ ແລະ ຟູຕູນາ.
ພະຍາດຂາຊ້າງ ແມ່ນພະຍາດແມ່ກາຝາກທີ່ມີຍຸງເປັນພາຫະນໍາເຊື້ອ ຊຶ່ງຈະພາໃຫ້ອະໄວຍະວະບາງສ່ວນຂອງຮ່າງກາຍໃຫຍ່ຂຶ້ນ ຊຶ່ງສົ່ງຜົນໃຫ້ມີອາການເຈັບປວດ, ພິການແບບຮຸນແຮງ, ຖືກລັງກຽດ ແລະ ມີຄວາມຫຍຸ້ງຍາກໃນທາງດ້ານການເງິນຕາມມາ.
ທ່ານ ເທດຣອສ ອັດຮານອມ ເກເເບຣເຢຊັສ ໄດ້ກ່າວສະແດງຄວາມຍິນດີມາຍັງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ໄດ້ຮັບການຢັ້ງຢືນການລຶບລ້າງພະຍາດຂາຊ້າງ ບໍ່ໃຫ້ເປັນບັນຫາທາງດ້ານສາທາລະນະສຸກ. ຜົນສຳເລັດດັ່ງກ່າວ ເປັນເຄື່ອງພິສູດໃຫ້ເຫັນເຖິງຄວາມເອົາໃຈໃສ່ໃນການປົກປ້ອງ ແລະ ສົ່ງເສີມສຸຂະພາບຂອງປະຊາຊົນລາວ ສະເໝີມາ. ພ້ອມນັ້ນ, ທ່ານ ເທດຣອສ ອັດຮານອມ ເກເເບຣເຢຊັສ ຍັງໄດ້ເປັນກຽດມອບໂລ້ ອັນເປັນເຄື່ອງໝາຍຄວາມສຳເລັດການລຶບລ້າງພະຍາດດັ່ງກ່າວ ໃຫ້ແກ່ ທ່ານ ບຸນແຝງ ພູມມະໄລສິດ. ເພື່ອເປັນການສະເຫຼີມສະຫຼອງຂີດໝາຍຄວາມສໍາເລັດດັ່ງກ່າວ. ສຳລັບຢູ່ ສປປ ລາວ ຈະຈັດພິທີສະເຫຼີມສະຫຼອງການລຶບລ້າງພະຍາດຂາຊ້າງ ຂຶ້ນໃນວັນທີ 27 ຕຸລາ 2023 ທີ່ແຂວງອັດຕະປື.
(ຂ່າວ: ວັນເພັງ, ຂໍ້ມູນ-ພາບ: ສູນຂ່າວສານການແພດ ກະຊວງສາທາລະນະສຸກ)
ທ່ານ ບຸນແຝງ ພູມມະໄລສິດ ກ່າວວ່າ: ຜົນສໍາເລັດຂອງພວກເຮົາທີ່ຍາດມາໄດ້ໃນຄັ້ງນີ້ ແມ່ນມາຈາກເຫື່ອແຮງການຈັດຕັ້ງປະຕິບັດວຽກງານຮ່ວມກັນຂອງບັນດາບຸກຄະລາກອນສາທາລະນະສຸກ ແລະ ຍັງໄດ້ການສະໜັບສະໜູນຊ່ວຍເຫຼືອຈາກອົງການອະນາໄມໂລກ ແລະ ບັນດາຄູ່ຮ່ວມງານ ລວມທັງ ອົງການພັດທະນາສາກົນຂອງສະຫະລັດອາເມຣິກາ (USAID), ທະນາຄານພັດທະນາອາຊີ (ADB), ມູນນິທິ Margaret A. Cargill Foundation, ອົງການສາກົນເພື່ອສຸຂະພາບຄອບຄົວ 360 (FHI 360) ແລະ ອົງການ RTI International. ພະຍາດຂາຊ້າງ ຈະບໍ່ກັບຄືນມາມີທີ່ຢືນໃນປະເທດອີກ. ພວກເຮົາຈະສືບຕໍ່ຈັດຕັ້ງປະຕິບັດການກັນ ແລະ ຄວບຄຸມພະຍາດຜ່ານການເຝົ້າລະວັງ ແລະ ຕອບໂຕ້ທຸກກໍລະນີທີ່ເກີດຂຶ້ນໃໝ່ຢ່າງຮີບດ່ວນ.
ສປປ ລາວ ເປັນ 1 ໃນ 12 ປະເທດ ແລະ ເຂດປົກຄອງໃນພາກພື້ນປາຊີຟິກຕາເວັນຕົກ ທີ່ໄດ້ປະສົບຜົນສໍາເລັດໃນການລຶບລ້າງພະຍາດຂາຊ້າງບໍ່ໃຫ້ເປັນບັນຫາທາງດ້ານສາທາລະນະສຸກນັບຕັ້ງແຕ່ປີ 2000 ລວມມີ ປະເທດກໍາປູເຈຍ, ສປ ຈີນ, ຄຸກອິດສະແລນ, ກິຣີບາຕີ, ນີອູ, ມາດໂຊນ ອິດສະແລນ, ປາລາອູ, ສ ເກົາຫຼີ, ຕົງກາ, ວານູອາຕູ, ຫວຽດນາມ ແລະ ວາລິດ ແລະ ຟູຕູນາ.
ພະຍາດຂາຊ້າງ ແມ່ນພະຍາດແມ່ກາຝາກທີ່ມີຍຸງເປັນພາຫະນໍາເຊື້ອ ຊຶ່ງຈະພາໃຫ້ອະໄວຍະວະບາງສ່ວນຂອງຮ່າງກາຍໃຫຍ່ຂຶ້ນ ຊຶ່ງສົ່ງຜົນໃຫ້ມີອາການເຈັບປວດ, ພິການແບບຮຸນແຮງ, ຖືກລັງກຽດ ແລະ ມີຄວາມຫຍຸ້ງຍາກໃນທາງດ້ານການເງິນຕາມມາ.
ທ່ານ ເທດຣອສ ອັດຮານອມ ເກເເບຣເຢຊັສ ໄດ້ກ່າວສະແດງຄວາມຍິນດີມາຍັງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ໄດ້ຮັບການຢັ້ງຢືນການລຶບລ້າງພະຍາດຂາຊ້າງ ບໍ່ໃຫ້ເປັນບັນຫາທາງດ້ານສາທາລະນະສຸກ. ຜົນສຳເລັດດັ່ງກ່າວ ເປັນເຄື່ອງພິສູດໃຫ້ເຫັນເຖິງຄວາມເອົາໃຈໃສ່ໃນການປົກປ້ອງ ແລະ ສົ່ງເສີມສຸຂະພາບຂອງປະຊາຊົນລາວ ສະເໝີມາ. ພ້ອມນັ້ນ, ທ່ານ ເທດຣອສ ອັດຮານອມ ເກເເບຣເຢຊັສ ຍັງໄດ້ເປັນກຽດມອບໂລ້ ອັນເປັນເຄື່ອງໝາຍຄວາມສຳເລັດການລຶບລ້າງພະຍາດດັ່ງກ່າວ ໃຫ້ແກ່ ທ່ານ ບຸນແຝງ ພູມມະໄລສິດ. ເພື່ອເປັນການສະເຫຼີມສະຫຼອງຂີດໝາຍຄວາມສໍາເລັດດັ່ງກ່າວ. ສຳລັບຢູ່ ສປປ ລາວ ຈະຈັດພິທີສະເຫຼີມສະຫຼອງການລຶບລ້າງພະຍາດຂາຊ້າງ ຂຶ້ນໃນວັນທີ 27 ຕຸລາ 2023 ທີ່ແຂວງອັດຕະປື.
(ຂ່າວ: ວັນເພັງ, ຂໍ້ມູນ-ພາບ: ສູນຂ່າວສານການແພດ ກະຊວງສາທາລະນະສຸກ)
ຄໍາເຫັນ