 |
ພ້ອມດຽວກັນນັ້ນ, ຍັງໄດ້ສະເໜີເພີ່ມເນື້ອໃນໃນມາດຕາ 83 ລະບຸຢ່າງຊັດເຈນວ່າ: "ເຫດຕິດຂັດແລະອຸບັດເຫດການບິນແມ່ນອົງການສືບສວນ-ສອບສວນໜຶ່ງທີ່ຄວນກຳນົດການຈັດຕັ້ງຕ່າງຫາກ". ການປັບປຸງມາດຕາ 84 (ສິດແລະໜ້າທີ່ຂອງອົງການສືບສວນ-ສອບສວນ)ສະເໜີໃຫ້ປ່ຽນຊື່ມາດຕາຈາກເນື້ອໃນເດີມມາເປັນ "ສິດແລະໜ້າທີ່ຂອງອົງການສືບສວນ-ສອບສວນ" ເພື່ອໃຫ້ສອດຄ່ອງກັບໂຄງປະກອບແລະ 5 ໝວດທີ່ກຳນົດໄວ້ໃນພາກດັ່ງກ່າວໃຫ້ມີຄວາມຊັດເຈນໃນດ້ານສິດແລະພັນທະ.
ການສະເໜີເພີ່ມເຕີມມາດຕາໃໝ່ (ການແກ້ໄຂຜົນຂອງການສືບສວນ-ສອບສວນ)ສະເໜີເພີ່ມເຕີມອີກໜຶ່ງມາດຕາເພື່ອກຳນົດກ່ຽວກັບ "ການແກ້ໄຂຜົນຂອງການສືບສວນ-ສອບສວນ" ຫຼືຜົນຂອງການດຳເນີນການໃນກໍລະນີທີ່ມີການສືບສວນ-ສອບສວນອຸບັດເຫດການບິນເກີດຂຶ້ນເພື່ອສົ່ງໃຫ້ພາກສ່ວນກ່ຽວຂ້ອງນຳໄປຈັດຕັ້ງປະຕິບັດຢ່າງເປັນຮູບປະທຳ.
ທ່ານ ນາງວີໄຊສຣິດທິຣາດສສຊເຂດເລືອກຕັ້ງທີ1 ນະຄອນຫຼວງວຽງຈັນ ໄດ້ສະເໜີເພີ່ມເຕີມຈຸດທີ1 ມາດຕາ 8 ເລື່ອງຄຳສັບທີ່ກຳນົດໄວ້ໃນມາດຕາ 8, ຖ້າເປັນໄປໄດ້ຢາກໃຫ້ຄົນທີ່ມີຄວາມຮູ້-ຄວາມສາມາດຫຼືປັນຍາປະດິດເອົາມາໃສ່ໄວ້ໃນມາດຕາ 3 ພ້ອມທັງອະທິບາຍຄຳສັບໃຫ້ເໝາະສົມກວ່າເກົ່າ. ຈຸດທີ 2 ມາດຕາ 187 ມາດຕະການຕໍ່ຜູ້ລະເມີດເພື່ອນຳໃຊ້ແທນການເສຍຫາຍ, ຖ້າເປັນໄປໄດ້ຢາກໃຫ້ກຳນົດມູນຄ່າທີ່ຊັດເຈນໃນການໃຊ້ແທນເພື່ອໃຫ້ມີຄວາມຊັດເຈນກວ່າເກົ່າ, ຈຸດທີ 3 ການກວດກາແລະຄຳສັບທີ່ຊ້ຳຊ້ອນຢາກໃຫ້ຄະນະຮັບຜິດຊອບຮຽບຮຽງແລະກວດກາຄືນຢ່າງລະອຽດໂດຍສະເພາະການໃຊ້ຄຳສັບປະເພດ "ສັນຍາສາກົນທີ່ກ່ຽວຂ້ອງ", "ລະບຽບການຕ່າງຫາກ" ແລະ "ລະບຽບການທີ່ກ່ຽວຂ້ອງ" ຊຶ່ງເຫັນວ່າມີການໃຊ້ຊ້ຳກັນຫຼາຍເທື່ອໃນກົດໝາຍສະບັບນີ້ເຊັ່ນ: ມີຄຳວ່າສັນຍາທີ່ກ່ຽວຂ້ອງ 10 ມາດຕາ, ລະບຽບການທີ່ກ່ຽວຂ້ອງ 12 ມາດຕາແລະລະບຽບການຕ່າງຫາກອີກ 6 ມາດຕາ). ດັ່ງນັ້ນ, ຈຶ່ງສະເໜີວ່າຖ້າເປັນໄປໄດ້ຄວນຮວບຮວມຫຼືໃຊ້ລະບຽບການ/ໝາຍເລກມາດຕາໃຫ້ກະທັດຮັດເພື່ອບໍ່ໃຫ້ເນື້ອໃນຍາວແລະຊ້ຳຊ້ອນຫຼາຍເກີນໄປເຮັດໃຫ້ຜູ້ປະຕິບັດສາມາດອ່ານແລ້ວເຂົ້າໃຈງ່າຍແລະນຳໄປຈັດຕັ້ງປະຕິບັດໄດ້ຢ່າງສະດວກສະບາຍ.
(ຂ່າວ-ພາບ: ແສງຈັນ+ພູວັນ)
ຄໍາເຫັນ