ແລະ ກິດຈະກໍາລົງຢ້ຽມຢາມທັດສະນະສຶກສາໂຄງການຕ່າງປະເທດຂອງລັດວິສາຫະກິດຈີນ ທີ່ໄດ້ຈັດຂຶ້ນໃນວັນທີ 24 ສິງຫາຜ່ານມານີ້ ທີ່ແຂວງຫຼວງພະບາງ ສປປ ລາວໂດຍມີນັກຂ່າວທີ່ມາຈາກສຳນັກງານຂ່າວ: ໜັງສືພິມປະຊາຊົນລາວ, ຂ່າວສານປະເທດລາວ, ວິທະຍຸກະຈາຍສຽງແຫ່ງຊາດລາວ, ວາລະສານຈຳປາ, ວິທະຍຸກະຈາຍສຽງຊາວໜຸ່ມລາວສິນໄຊຍຸກໃໝ່, Vientiane Times ແລະ ສື່ມວນຊົນຈາກ ສປຈີນ; ນັກຂ່າວຈາກສໍານັກຂ່າວຊິນຮວາ, ເວັບໄຊປະຊາຊົນຈີນ ແລະ ສື່ມວນຊົນທາງການອື່ນໆຂອງຈີນ; ນັກວິຊາການຈາກ ຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດລາວ ແລະ ອື່ນໆ, ໂດຍທ່ານ ຜ່ານເຫວີຍ (Pan Wei)ຜູ້ຈັດການຝ່າຍຕິດຕາມຄຸ້ມຄອງຄວາມປອດໄພຂອງ ພະແນກຜະລິດ ແລະ ດໍາເນີນງານບໍລິສັດສາຍສົ່ງໄຟຟ້າແຫ່ງຊາດລາວ ທີ່ເປັນບໍລິສັດຮ່ວມທຶນລະຫວ່າງ ບໍລິສັດຕາຂ່າຍໄຟຟ້າພາກໃຕ້ຈີນ ແລະ ລັດວິສາຫະກິດໄຟຟ້າລາວ ໃຫ້ການຕ້ອນຮັບ.
ທ່ານ ຜ່ານເຫວີຍ ໄດ້ໃຫ້ຮູ້ຂໍ້ມູນກ່ຽວກັບການຮ່ວມມືລາວ-ຈີນ ໃນການຮັບປະກັນວຽກງານກໍ່ສ້າງພື້ນຖານໂຄງລ່າງດ້ານພະລັງງານໄຟຟ້າຂອງລາວ ຕໍ່ທາງຄະນະຢ້ຽມຢາມໃນຄັ້ງນີ້ວ່າ: ສະຖານີໄຟຟ້າແສນສຸກ 115kVບໍລິຫານງານໂດຍລັດວິສາຫະກິດໄຟຟ້າລາວ, ນອກຈາກຕ້ອງຮັບປະກັນການສະໜອງໄຟຟ້າໃຫ້ແກ່ທາງລົດໄຟລາວ-ຈີນແລ້ວ, ຍັງໄດ້ຕອບສະໜອງການນຳໃຊ້ໄຟຟ້າປະມານ 1/4 ໃຫ້ປະຊາຊົນ ແຂວງຫຼວງພະບາງອີກດ້ວຍ.ພ້ອມນັ້ນ, ທາງລົດໄຟລາວ-ຈີນ ແມ່ນທາງລົດໄຟໄຟຟ້າສາຍທໍາອິດຂອງລາວ ຊຶ່ງໂຄງການສະໜອງໄຟຟ້າຈາກພາຍນອກໃນສ່ວນຂອງຈີນ ແລະ ລາວນັ້ນລົງທຶນກໍ່ສ້າງ ແລະ ດໍາເນີນງານໂດຍບໍລິສັດຕາຂ່າຍໄຟຟ້າພາກໃຕ້ຈີນສາຂາຢຸນນານ ແລະ ບໍລິສັດລົງທຶນໄຟຟ້າລາວ-ຈີນ (ຮ່ວມທຶນກໍ່ຕັ້ງໂດຍບໍລິສັດຕາຂ່າຍໄຟຟ້າ ພາກໃຕ້ຈີນແມ່ນໍ້າລ້ານຊ້າງ-ແມ່ນໍ້າຂອງ ພະລັງງານສາກົນຈໍາກັດ ແລະ ລັດວິສາຫະກິດໄຟຟ້າລາວ).ການຮ່ວມມືລາວ-ຈີນ ດ້ານພະລັງງານໄຟຟ້າບໍ່ພຽງແຕ່ສຸມໃສ່ການຍົກລະດັບສະຖຽນລະພາບດ້ານການສະໜອງໄຟຟ້າ ແລະ ການພັດທະນາເສດຖະກິດຂອງລາວເທົ່ານັ້ນຍັງໄດ້ກໍ່ສ້າງບຸກຄະລາກອນດ້ານພະລັງງານໄຟຟ້າໃຫ້ແກ່ລາວ ແລະ ໄດ້ຂັບເຄື່ອນຄວາມກ້າວໜ້າດ້ານເຕັກໂນໂລຊີ ແລະ ເພີ່ມປະສິດທິພາບ ດ້ານການບໍລິຫານຄຸ້ມຄອງ ໃຫ້ແກ່ອຸດສາຫະກໍາພະລັງງານໄຟຟ້າຂອງລາວພ້ອມທັງຊຸກຍູ້, ປັບປຸງມາດຕະຖານດ້ານພະລັງງານໄຟຟ້າໃຫ້ດີຂຶ້ນອີກດ້ວຍ.ໃນໂອກາດນີ້, ທ່ານ ຜ່ານເຫວີຍ ຍັງໄດ້ຕອບຄໍາຖາມທີ່ຜູ້ເຂົ້າຮ່ວມຢ້ຽມຢາມຍົກຂຶ້ນມາຕື່ມອີກ.
(ຂ່າວ-ພາບ: ວັນເພັງ)
ຄໍາເຫັນ