 |
ໂອກາດນີ້, ທ່ານປະທານອົງການກາແດງແຫ່ງຊາດລາວ ໄດ້ສະແດງຄວາມຕ້ອນຮັບຢ່າງອົບອຸ່ນ ພ້ອມກ່າວລາຍງານໂດຍຫຍໍ້ ກ່ຽວກັບການຮ່ວມມືຂອງລາວ-ICRC ທີ່ມີມາແຕ່ດົນນານ ໂດຍສະເພາະຫຼ້າສຸດ ແມ່ນຄະນະຜູ້ແທນອົງການກາແດງແຫ່ງຊາດລາວ ເຂົ້າຮ່ວມກອງປະຊຸມຄະນະນໍາກາແດງ ແລະ ຊີກວົງເດືອນແດງ ອາຊີຕາເວັນອອກສ່ຽງໃຕ້ ຄັ້ງທີ 23 ທີ່ປະເທດມຽນມາ ລະຫວ່າງວັນທີ 7-9 ກັນຍາ 2026 ຜ່ານມາ ແລະ ກອງປະຊຸມສໍາຄັນອື່ນໆ ລວມທັງວຽກງານການປະຕິບັດໜ້າທີ່ດ້ານມະນຸດສະທໍາ ທັງພາຍໃນ ແລະ ຕ່າງປະເທດ ແລະ ການປະສານສົມທົບກັບບັນດາສໍານັກງານອົງການ ທັງພາຍລັດ-ເອກະຊົນ ທັງພາຍໃນ ແລະ ຕ່າງປະເທດ ໃນການປະຕິບັດໜ້າທີ່ດ້ານມະນຸດສະທໍາ ບັນເທົາທຸກ ໃຫ້ແກ່ພໍ່ແມ່ປະຊາຊົນຜູ້ທຸກຍາກຂາດເຂີນ ປະສົບໄພພິບັດ ແລະ ວຽກອື່ນໆ ຕາມພາລະບົດບາດໜ້າທີ່ຂອງອົງ ການກາແດງແຫ່ງຊາດລາວ ພ້ອມຍິນດີສືບຕໍ່ການຮ່ວມມືທາງດ້ານມະນຸດສະທໍາກັບ ICRC ແລະ ອວຍ ພອນທາງຄະນະຈົ່ງປະສົບຜົນສໍາເລັດໃນການປະຕິບັດໜ້າທີ່ ແລະ ເດີນທາງກັບຄືນປະເທດດ້ວຍຄວາມສະຫວັດດີພາບ.
ໂອກາດດັ່ງກ່າວ, ຄະນະກໍາມະການກາແດງສາກົນ (ICRC) ໄດ້ສະແດງຄວາມຂອບໃຈຢ່າງຍິ່ງຕໍ່ການຕ້ອນຮັບຢ່າງອົບອຸ່ນຂອງທ່ານປະທານອົງການກາແດງແຫ່ງຊາດລາວ ພ້ອມຄະນະ ແລະ ສະແດງຄວາມຍ້ອງຍໍຊົມເຊີຍ ຕໍ່ຜົນສໍາເລັດຫຼາຍດ້ານໃນການປະກອບສ່ວນ ການຮ່ວມມືກັບ ICRC ລວມທັງການປະຕິບັດໜ້າທີ່ທາງດ້ານມະນຸດສະທໍາ ທັງພາຍໃນ ແລະ ຕ່າງປະເທດ ຂອງອົງການກາແດງແຫ່ງຊາດລາວ ພ້ອມຈະສືບຕໍ່ໃຫ້ການສະໜັບສະໜູນ ແລະ ຮ່ວມມືກັບອົງການກາແດງແຫ່ງຊາດລາວ ຢ່າງໃກ້ຊິດ ເພື່ອຊຸກຍູ້ວຽກງານມະນຸດສະທໍາໃຫ້ມີຄວາມເຕີບໃຫຍ່ຂະຫຍາຍຕົວ ແລະ ເກີດປະໂຫຍດສູງສຸດແກ່ປະຊາ ຊົນລາວ ກໍຄືມວນມະນຸດໃນທົ່ວໂລກ.
(ຂ່າວ: ອົງການກາແດງ)
ຄໍາເຫັນ