ຮ້ານອາຫານລາວ-ເກົາຫຼີ ຈໍານວນ 60 ຮ້ານ (ລາວ 40 ຮ້ານ ແລະ ເກົາຫຼີ 20 ຮ້ານ) ຈະຮ່ວມວາງສະແດງ ແລະ ຂາຍ ໃນເທດສະການອາຫານລາວ-ເກົາຫຼີ ຄັ້ງທີ 1 ທີ່ຈະຈັດຂຶ້ນໃນວັນທີ 3-5 ເມສາ ທີ່ຈະມາເຖິງນີ້ ທີ່ສວນເຈົ້າອະນຸວົງ (ແຄມຂອງ) ນະຄອນຫຼວງວຽງຈັນ; ນອກນີ້, ກໍຈະມີກິດຈະກຳຕ່າງໆ ທັງສິລະປະດົນຕີພື້ນເມືອງລາວ ແລະ ເຄ-ປ໊ອບ (K-pop) ຂອງເກົາຫຼີ ແລະ ກິດຈະກຳອື່ນໆ ໃນໄລຍະດຳເນີນງານ ຊຶ່ງເປັນໂອກາດໃນການແລກປ່ຽນວັດທະນະທໍາຂອງສອງປະເທດ ແລະ ເປັນການຊຸກຍູ້ສົ່ງເສີມອາຫານລາວສູ່ຊາວເກົາຫຼີ ສ້າງບັນຍາກາດແກ່ປີທ່ອງທ່ຽວລາວ 2024 ໃຫ້ມີຄວາມຄຶກຄື້ນ.
ໃນພິທີຖະແຫຼ່ງຂ່າວງານເທດສະການອາຫານລາວ-ເກົາຫຼີ ທີ່ໄດ້ຈັດຂຶ້ນໃນວັນທີ 13 ມີນາ ນີ້ ທີ່ສຳນັກງານສົ່ງເສີມຈຸນລະວິສາຫະກິດຂະໜາດນ້ອຍ ແລະ ກາງ ກະຊວງອຸດສາຫະກຳ ແລະ ການຄ້າ; ທ່ານ ວິທູນ ສິດທິມໍລະດາ ຫົວໜ້າກົມສົ່ງເສີມການຄ້າ ແລະ ຫັດຖະກຳ ໄດ້ກ່າວວ່າ: ປັດຈຸບັນ, ລັດຖະບານ ໄດ້ເອົາໃຈໃສ່ສົ່ງເສີມການຊົມໃຊ້ສິນຄ້າລາວ, ເທດສະການອາຫານ ກໍແມ່ນອົງປະກອບໜຶ່ງ ທີ່ເປັນການໂຄສະນາເຜີຍແຜ່ໃຫ້ທົ່ວໂລກໄດ້ຮັບຮູ້ເອກະລັກຄວາມເປັນລາວຫຼາຍຂຶ້ນ, ສົ່ງເສີມຄ່ານິຍົມຂອງປະຊາຊົນຫຼາຍຂຶ້ນ. ອາຫານ-ເຄື່ອງດື່ມ ເປັນໝາກຫົວໃຈໜຶ່ງຂອງການສື່ສານດ້ານຮີດຄອງ, ປະເພນີ ແລະ ເອກະລັກຂອງລາວໃນແຕ່ລະທ້ອງຖິ່ນ ເຜີຍແຜ່ຮີດຄອງວັດທະນະທໍາອັນດີງາມຂອງລາວແກ່ຊາວຕ່າງຊາດ.
ທ່ານ ນາງ ຈັນທະຈອນ ວົງໄຊ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ ທັງເປັນປະທານສະມາຄົມນັກທຸລະກິດຍິງ ໃນນາມປະທານຮ່ວມຈັດງານເທດສະການອາຫານຄັ້ງນີ້ໄດ້ກ່າວວ່າ: ການຈັດງານຄັ້ງນີ້ ເພື່ອຮັດແໜ້ນສາຍພົວພັນມິດຕະພາບ, ການຮ່ວມມື ແລະ ສ້າງຄວາມສາມັກຄີ ລະຫວ່າງ ການສົ່ງເສີມການຄ້າ ແລະ ຫັດຖະກຳ, ສະມາຄົມນັກທຸລະກິດຍິງ ສປປ ລາວ, ສະມາຄົມແລກປ່ຽນວັດທະນະທໍາ ແລະ ສິລິປະ ສ ເກົາຫຼີ ໃຫ້ມີບົດບາດອັນໃໝ່ໃນລະດັບສາກົນ, ທັງເປັນການໂຄສະນາຮີດຄອງປະເພນີ ວັດທະນະທໍາດ້ານອາຫານລາວ ໃຫ້ກວ້າງຂວາງ ເປັນທີ່ຮູ້ຈັກຂອງປະເທດຕ່າງໆ ໃນໂອກາດປີທ່ອງທ່ຽວລາວ 2024. ພ້ອມນີ້, ກໍເພື່ອເຊື່ອມສານແລກປ່ຽນວັດທະນະທໍາອັນດີງາມ ແລະ ສິລະປະຂອງ ສ ເກົາຫຼີ ແລະ ມວນຊົນຊາວລາວໃນຍຸກສະໄໝສິລະປະກຳ ແລະ ວັດທະນະທໍາທີ່ບໍ່ມີພົມແດນ ພາຍໃນງານຈະມີການວາງສະແດງ ແລະ ຂາຍອາຫານລາວ ທີ່ເປັນອາຫານພື້ນເມືອງ ເປັນເອກະລັກຂອງລາວ, ພືດຜັກຜົນຜະລິດກະສິກຳປອດສານພິດ, ສະອາດ ແລະ ປອດໄພ, ອາຫານລາວປະຍຸກ. ສ່ວນອາຫານເກົາຫຼີ ແມ່ນຈະເນັ້ນໃສ່ບັນດາທຸລະກິດອາຫານທີ່ດຳເນີນກິດຈະການຢູ່ລາວ ແລະ ອາຫານທີ່ເປັນເອກະລັກຂອງ ສ ເກົາຫຼີ; ພ້ອມນີ້, ກໍຈະມີພໍ່ຄົວສີມືລະດັບສາກົນ ມາສາທິດການປຸ່ງແຕ່ງອາຫານ. ນອກນີ້, ກໍຍັງມີການວາງຂາຍເຄື່ອງຫັດຖະກຳລາວ, ມີການສະແດງສິລະປະດົນຕີພື້ນເມືອງລາວ, ສະແດງເຄ-ປ໊ອບ (K-pop) ຂອງເກົາຫຼີ ແລະ ສະແດງການເດີນແບບ ໃນຊຸດເກົາຫຼີ.
ທ່ານ ຢອນ ກະຢອງຊິກ ຫົວໜ້າຫ້ອງການສູນຝຶກອົບຮົມພາສາເກົາຫຼີ ຕາງໜ້າສະມາຄົມແລກປ່ຽນວັດທະນະທໍາ ແລະ ສິລະປະ ສ ເກົາຫຼີ ກ່າວວ່າ: ປັດຈຸບັນ ເປັນໄລຍະທີ່ນັກທ່ອງທ່ຽວຕ່າງປະເທດກຳລັງເຂົ້າມາ ສປປ ລາວ ຫຼາຍ. ສະນັ້ນ, ເພື່ອເຮັດໃຫ້ນັກທ່ອງທ່ຽວເຫຼົ່ານັ້ນ ໄດ້ສຳຜັດ ແລະ ຊິມອາຫານພື້ນເມືອງທີ່ເປັນເອກະລັກຂອງລາວ-ເກົາຫຼີ ທີ່ບໍ່ແມ່ນອາຫານສຳເລັດຮູບ ຈະເປັນການໂຄສະນາຄວາມຫຼາກຫຼາຍຂອງອາຫານສອງປະເທດ ໃຫ້ຊາວຕ່າງປະເທດໄດ້ຮູ້ຈັກໃນລະດັບສາກົນ. ຝ່າຍ ສ ເກົາຫຼີ ໄດ້ມີການລະດົມຊາວເກົາຫຼີ ທີ່ຢູ່ລາວ ແລະ ຜູ້ທີ່ຮູ້ຈັກ, ຢາກມາທ່ຽວລາວ ມາຮ່ວມງານນີ້ຢ່າງຄຶກຄື້ນ ແລະ ກໍໄດ້ກະກຽມບັນດາສິລະປິນຕ່າງໆ ທີ່ມີຊື່ສຽງຂອງ ສ ເກົາຫຼີ ມາຮ່ວມສ້າງສີສັນໃນງານນີ້ອີກດ້ວຍ.
(ຂ່າວ-ພາບ: ສຸກສະຫວັນ)
ໃນພິທີຖະແຫຼ່ງຂ່າວງານເທດສະການອາຫານລາວ-ເກົາຫຼີ ທີ່ໄດ້ຈັດຂຶ້ນໃນວັນທີ 13 ມີນາ ນີ້ ທີ່ສຳນັກງານສົ່ງເສີມຈຸນລະວິສາຫະກິດຂະໜາດນ້ອຍ ແລະ ກາງ ກະຊວງອຸດສາຫະກຳ ແລະ ການຄ້າ; ທ່ານ ວິທູນ ສິດທິມໍລະດາ ຫົວໜ້າກົມສົ່ງເສີມການຄ້າ ແລະ ຫັດຖະກຳ ໄດ້ກ່າວວ່າ: ປັດຈຸບັນ, ລັດຖະບານ ໄດ້ເອົາໃຈໃສ່ສົ່ງເສີມການຊົມໃຊ້ສິນຄ້າລາວ, ເທດສະການອາຫານ ກໍແມ່ນອົງປະກອບໜຶ່ງ ທີ່ເປັນການໂຄສະນາເຜີຍແຜ່ໃຫ້ທົ່ວໂລກໄດ້ຮັບຮູ້ເອກະລັກຄວາມເປັນລາວຫຼາຍຂຶ້ນ, ສົ່ງເສີມຄ່ານິຍົມຂອງປະຊາຊົນຫຼາຍຂຶ້ນ. ອາຫານ-ເຄື່ອງດື່ມ ເປັນໝາກຫົວໃຈໜຶ່ງຂອງການສື່ສານດ້ານຮີດຄອງ, ປະເພນີ ແລະ ເອກະລັກຂອງລາວໃນແຕ່ລະທ້ອງຖິ່ນ ເຜີຍແຜ່ຮີດຄອງວັດທະນະທໍາອັນດີງາມຂອງລາວແກ່ຊາວຕ່າງຊາດ.
ທ່ານ ນາງ ຈັນທະຈອນ ວົງໄຊ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ ທັງເປັນປະທານສະມາຄົມນັກທຸລະກິດຍິງ ໃນນາມປະທານຮ່ວມຈັດງານເທດສະການອາຫານຄັ້ງນີ້ໄດ້ກ່າວວ່າ: ການຈັດງານຄັ້ງນີ້ ເພື່ອຮັດແໜ້ນສາຍພົວພັນມິດຕະພາບ, ການຮ່ວມມື ແລະ ສ້າງຄວາມສາມັກຄີ ລະຫວ່າງ ການສົ່ງເສີມການຄ້າ ແລະ ຫັດຖະກຳ, ສະມາຄົມນັກທຸລະກິດຍິງ ສປປ ລາວ, ສະມາຄົມແລກປ່ຽນວັດທະນະທໍາ ແລະ ສິລິປະ ສ ເກົາຫຼີ ໃຫ້ມີບົດບາດອັນໃໝ່ໃນລະດັບສາກົນ, ທັງເປັນການໂຄສະນາຮີດຄອງປະເພນີ ວັດທະນະທໍາດ້ານອາຫານລາວ ໃຫ້ກວ້າງຂວາງ ເປັນທີ່ຮູ້ຈັກຂອງປະເທດຕ່າງໆ ໃນໂອກາດປີທ່ອງທ່ຽວລາວ 2024. ພ້ອມນີ້, ກໍເພື່ອເຊື່ອມສານແລກປ່ຽນວັດທະນະທໍາອັນດີງາມ ແລະ ສິລະປະຂອງ ສ ເກົາຫຼີ ແລະ ມວນຊົນຊາວລາວໃນຍຸກສະໄໝສິລະປະກຳ ແລະ ວັດທະນະທໍາທີ່ບໍ່ມີພົມແດນ ພາຍໃນງານຈະມີການວາງສະແດງ ແລະ ຂາຍອາຫານລາວ ທີ່ເປັນອາຫານພື້ນເມືອງ ເປັນເອກະລັກຂອງລາວ, ພືດຜັກຜົນຜະລິດກະສິກຳປອດສານພິດ, ສະອາດ ແລະ ປອດໄພ, ອາຫານລາວປະຍຸກ. ສ່ວນອາຫານເກົາຫຼີ ແມ່ນຈະເນັ້ນໃສ່ບັນດາທຸລະກິດອາຫານທີ່ດຳເນີນກິດຈະການຢູ່ລາວ ແລະ ອາຫານທີ່ເປັນເອກະລັກຂອງ ສ ເກົາຫຼີ; ພ້ອມນີ້, ກໍຈະມີພໍ່ຄົວສີມືລະດັບສາກົນ ມາສາທິດການປຸ່ງແຕ່ງອາຫານ. ນອກນີ້, ກໍຍັງມີການວາງຂາຍເຄື່ອງຫັດຖະກຳລາວ, ມີການສະແດງສິລະປະດົນຕີພື້ນເມືອງລາວ, ສະແດງເຄ-ປ໊ອບ (K-pop) ຂອງເກົາຫຼີ ແລະ ສະແດງການເດີນແບບ ໃນຊຸດເກົາຫຼີ.
ທ່ານ ຢອນ ກະຢອງຊິກ ຫົວໜ້າຫ້ອງການສູນຝຶກອົບຮົມພາສາເກົາຫຼີ ຕາງໜ້າສະມາຄົມແລກປ່ຽນວັດທະນະທໍາ ແລະ ສິລະປະ ສ ເກົາຫຼີ ກ່າວວ່າ: ປັດຈຸບັນ ເປັນໄລຍະທີ່ນັກທ່ອງທ່ຽວຕ່າງປະເທດກຳລັງເຂົ້າມາ ສປປ ລາວ ຫຼາຍ. ສະນັ້ນ, ເພື່ອເຮັດໃຫ້ນັກທ່ອງທ່ຽວເຫຼົ່ານັ້ນ ໄດ້ສຳຜັດ ແລະ ຊິມອາຫານພື້ນເມືອງທີ່ເປັນເອກະລັກຂອງລາວ-ເກົາຫຼີ ທີ່ບໍ່ແມ່ນອາຫານສຳເລັດຮູບ ຈະເປັນການໂຄສະນາຄວາມຫຼາກຫຼາຍຂອງອາຫານສອງປະເທດ ໃຫ້ຊາວຕ່າງປະເທດໄດ້ຮູ້ຈັກໃນລະດັບສາກົນ. ຝ່າຍ ສ ເກົາຫຼີ ໄດ້ມີການລະດົມຊາວເກົາຫຼີ ທີ່ຢູ່ລາວ ແລະ ຜູ້ທີ່ຮູ້ຈັກ, ຢາກມາທ່ຽວລາວ ມາຮ່ວມງານນີ້ຢ່າງຄຶກຄື້ນ ແລະ ກໍໄດ້ກະກຽມບັນດາສິລະປິນຕ່າງໆ ທີ່ມີຊື່ສຽງຂອງ ສ ເກົາຫຼີ ມາຮ່ວມສ້າງສີສັນໃນງານນີ້ອີກດ້ວຍ.
(ຂ່າວ-ພາບ: ສຸກສະຫວັນ)
ຄໍາເຫັນ