ຫົວໜ້າກົມຄຸ້ມຄອງເງິນຕາຕ່າງປະເທດ ທຫລ ແລະ ທ່ານ ວັນທອງ ສິດທິກຸນ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ, ຕາງໜ້າເຂົ້າຮ່ວມຂອງທ່ານ ຫງວຽນ ດຶກ ວູ໋ ຜູ້ອຳນວຍການໃຫຍ່ທະນາຄານຮ່ວມທຸລະກິດລາວ-ຫວຽດຈຳກັດ (LaoVietBank), ມີຕົວແທນຈາກສະຖານທູດ ສສຫວຽດນາມປະຈຳ ສປປ ລາວ, ສະມາຄົມທະນາຄານລາວ, ບັນດາທະນາຄານທຸລະກິດທີ່ກ່ຽວຂ້ອງເຂົ້າຮ່ວມ.
ທ່ານນາງ ມະໂນລາ ເມືອງມະນີ ກ່າວວ່າ: ອີງໃສ່ບົດບັນທຶກຄວາມເຂົ້າໃຈກ່ຽວກັບການສົ່ງເສີມການນຳໃຊ້ສະກຸນເງິນທ້ອງຖິ່ນລະຫວ່າງທະນາຄານແຫ່ງ ສປປ ລາວ ແລະ ທະນາຄານແຫ່ງລັດຫວຽດນາມໃນປີ 2023, ສອງຝ່າຍໄດ້ສ້າງຕັ້ງຄະນະຮັບຜິດຊອບເພື່ອຄົ້ນຄວ້າຈັດຕັ້ງຜັນຂະຫຍາຍນິຕິກຳກົນໄກທີ່ກ່ຽວຂ້ອງ. ມາຮອດປັດຈຸບັນນະໂຍບາຍສົ່ງເສີມການນຳໃຊ້ສະກຸນເງິນທ້ອງຖິ່ນກີບ-ດົງແມ່ນໄດ້ສຳເລັດ ແລະ ປະກາດໃຊ້ຂໍ້ຕົກລົງວ່າດ້ວຍການຄຸ້ມຄອງການໃຫ້ບໍລິການທຸລະກຳເງິນຕາຂ້າມສະກຸນ ສະບັບເລກທີ 1315, ລົງວັນທີ 16 ທັນວາ 2024ໂດຍໄດ້ແຕ່ງຕັ້ງໃຫ້ທະນາຄານຮ່ວມທຸລະກິດລາວ-ຫວຽດຈຳກັດ (LaoVietBank ) ເປັນໜຶ່ງໃນສອງທະນາຄານເປັນຜູ້ໃຫ້ບໍລິການຫຼັກເພື່ອຊຸກຍູ້ໃຫ້ຜູ້ເຄື່ອນໄຫວຊຳລະລະຫວ່າງລາວ-ຫວຽດນາມໃຫ້ມີຄວາມຮັບຮູ້-ເຂົ້າໃຈ ແລະ ຫັນມານຳໃຊ້ສະກຸນເງິນທ້ອງຖິ່ນກີບ-ດົງເຂົ້າໃນການຊຳລະການຄ້າ ແລະ ການລົງທຶນລະຫວ່າງກັນຫຼາຍຂຶ້ນ ທັງເປັນການຫຼຸດຜ່ອນຄວາມກົດດັນດ້ານຄວາມຕ້ອງການເງິນຕາຕ່າງປະເທດທີ່ກະທົບຕໍ່ຄັງສຳຮອງເງິນຕາຕ່າງປະເທດຂອງສອງປະເທດ.
ໃນພິທີທະນາຄານຮ່ວມທຸລະກິດລາວ-ຫວຽດຈຳກັດໄດ້ນຳສະເໜີຜະລິດຕະພັນຂອງຕົນ ແນໃສ່ຍົກສູງການຮັກສາຄ່າເງິນຕາສະກຸນທ້ອງຖິ່ນກີບ-ດົງໃຫ້ແກ່ການຄ້າ-ການລົງທຶນ ແລະ ເປັນທະນາຄານສູນກາງໃນການໃຫ້ບໍລິການທຸລະກຳເງິນຕາທ້ອງຖິ່ນກີບ-ດົງໃນ ສປປ ລາວ. ການບໍລິການດັ່ງກ່າວມີໃຫ້ສຳລັບລູກຄ້າບຸກຄົນ, ນິຕິບຸກຄົນ ແລະ ບັນດາທະນາຄານທຸລະກິດຢູ່ສປປ ລາວ ຜ່ານປ່ອງບໍລິການ, LVB DigiBankແລະ SWIFTໂດຍທີ່ລູກຄ້າບຸກຄົນ, ນິຕິບຸກຄົນສາມາດໂອນຊຳລະ ແລະ ຮັບຊຳລະໄດ້ຢູ່ທຸກທະນາຄານທຸລະກິດທົ່ວປະເທດທີ່ໄດ້ເຊັນສັນຍາຮ່ວມມືກັບ LaoVietBankຊຶ່ງຮູບແບບການໃຫ້ບໍລິການບໍ່ສະເພາະແຕ່ການໂອນ-ຮັບເງິນກີບ-ດົງ ແຕ່ຍັງລວມມີການຮັບຝາກສະກຸນດົງ, ແລກປ່ຽນຊື້ຂາຍສະກຸນດົງ, ສະໜອງສິນເຊື່ອສະກຸນດົງເປັນຕົວແທນໃນການນຳເງິນສະກຸນດົງ ເຂົ້າ-ອອກ ສສ ຫວຽດນາມ.
ຂ່າວ: ທະນາຄານລາວ-ຫວຽດ
ຄໍາເຫັນ