ຍົກການຄາດຄະເນການເຕີບໂຕ GDP ຫວຽດນາມ ໃນປີ 2025

UOB ຍົກການຄາດຄະເນການເຕີບໂຕ GDP ຫວຽດນາມ ໃນປີ 2025 ຂຶ້ນເປັນ7%

13:52 13/01/2025

ວິທະຍຸກະຈາຍສຽງຫວຽດນາມ ລາຍງານໃນທ້າຍອາທິດຜ່ານມາວ່າ: ທະນາຄານ United Overseas Bank (UOB, Singapore), ໄດ້ຍົກການຄາດຄະເນການເຕີບໂຕ GDP ຂອງ ຫວຽດນາມ ໃນປີ 2025 ຂຶ້ນເປັນ 7%,

ແທນທີ່ລະດັບ 6.6% ໃນກ່ອນໜ້ານັ້ນ.

ຂ່າວລະບຸວ່າ: ດ້ວຍໝາກຜົນການເຕີບໂຕຢ່າງຕັ້ງໜ້າໃນປີ 2024 ແລະ ຄິດໄລ່ເຖິງບັນດາຄວາມສ່ຽງ ແລະ ຄວາມບໍ່ສະດວກຈາກການຂັດແຍ່ງດ້ານການຄ້າຕໍ່ໄປຈາກອຳນາດການປົກຄອງໃໝ່ຂອງ ອາເມຣິກາ, ທະນາຄານ United Overseas Bank (UOB, Singapore), ໄດ້ຍົກການຄາດຄະເນການເຕີບໂຕ GDP ຂອງ ຫວຽດນາມ ໃນປີ 2025 ຂຶ້ນເປັນ 7%, ແທນທີ່ລະດັບ 6,6% ໃນກ່ອນໜ້ານັ້ນ. ນີ້ແມ່ນເນື້ອໃນທີ່ໜ້າສົນໃຈໃນບົດລາຍງານແງ່ຫວັງເສດຖະກິດ ຫວຽດນາມ 2025 ຂອງ UOB ທີ່ປະກາດໃນວັນທີ 9 ມັງກອນ ຜ່ານມາ.

ບັນດານັກຊ່ຽວຊານ UOB ກ່າວວ່າ:ຫວຽດນາມ ໄດ້ສິ້ນສຸດປີ 2024 ໂດຍບັນລຸຜົນສຳເລັດທີ່ສຸດ ດ້ວຍລະດັບການເຕີບໂຕ GDP ໃນຕົວຈິງແມ່ນ 7,55% ໃນໄຕມາດທີ 4 ປີ 2024. ໂຕເລກນີ້ສູງກວ່າຫຼາຍເທົ່າເມື່ອທຽບໃສ່ການຄາດຄະເນສະເລ່ຍຂອງຕະຫຼາດແມ່ນ 6,7% ແລະ ການຄາດຄະເນຂອງ UOB ແມ່ນ 5,2%. ຂົງເຂດການຜະລິດ ແລະ ການບໍລິການສືບຕໍ່ແມ່ນກຳລັງໜູນເຕີບໂຕຕົ້ນຕໍ, ໃນຂະນະທີ່ການເຄື່ອນໄຫວດ້ານການຄ້າຕ່າງປະເທດຍັງຮັກສາລະດັບເຕີບໂຕຢ່າງແຮງໃນຕະຫຼອດປີ 2024. ໂດຍອີງໃສ່ວິທີສຳຜັດສຸມໃສ່ກົດລະບຽບການເງິນ ແລະ ວິທີລົງທຶນສາທາລະນະທີ່ໄດ້ປ່ອຍແຫຼ່ງທຶນມາຮອດປັດຈຸບັນ, ບັນດານັກຊ່ຽວຊານຂອງ UOB ໃຫ້ຂໍ້ສັງເກດວ່າ, ເປົ້າໝາຍ 8% ເບິ່ງຄືວ່າແມ່ນຄວາມຫວັງທີ່ສູງ, ແຕ່ຍັງມີໂອກາດເພື່ອບັນລຸໄດ້.

ຄໍາເຫັນ

ຂ່າວຕ່າງປະເທດ

ເສັ້ນທາງການພັດທະນາການທ່ອງທ່ຽວທີ່ມີເອກະລັກຂອງຈີນ

10/07/2026 11:35

ຈາກຖ້ຳຫີນເກົ່າແກ່ຮອດໂຮງງານທັນສະໄໝ, ຈາກເຂດພາກເໜືອທີ່ມີຫິມະ ແລະ ນ້ຳກ້ອນ ຮອດ ເມືອງແຄມນ້ຳທາງພາກແມ່ນ້ຳຢາງຊີກ້ຽງ, ຈີນກຳລັງບຸກເບີກເສັ້ນທາງພັດທະນາການທ່ອງທ່ຽວທີ່ມີເອກະລັກຂອງຕົນ, ສຳລັບການເຊື່ອມໂຍງວັດທະນະທຳກັບການທ່ອງທ່ຽວຢ່າງເລິກເຊິ່ງ, ແມ່ນສັນຍາລັກພົ້ນເດັ່ນທີ່ສຸດຂອງເສັ້ນທາງດັ່ງກ່າວ.

ຈຳນວນຜູ້ເສຍຊີວິດຍ້ອນພະຍາດອີໂບລາ ໃນກົງໂກ ເກີນ 500 ຄົນ

09/07/2026 13:23

ສຳນັກຂ່າວສານຊິນຮວາລາຍງານໃນວັນທີ 8 ກໍລະກົດ ຜ່ານມາວ່າ: ອົງການອະນາໄມໂລກ (WHO) ລາຍງານວ່າການລະບາດຂອງພະຍາດອີໂບລາ ສາຍພັນ Bundibugyo ໃນພາກຕາເວັນອອກຂອງສາທາລະນະລັດ ປະຊາທິປະໄຕ ກົງໂກ ຫຼື DR Congo ຍັງສືບຕໍ່ແຜ່ລະບາດ, ໂດຍຍັງບໍ່ສາມາດຢືນຢັນຂອບເຂດທີ່ແນ່ນອນຂອງການລະບາດໄດ້ ແລະ ສະຖານະການຍັງຄົງບໍ່ແນ່ນອນ.

ອາກາດຮ້ອນຮຸນແຮງ ສົ່ງຜົນກະທົບຕໍ່ສຸຂະພາບຈິດຂອງໄວໜຸ່ມ

09/07/2026 13:16

ສຳນັກຂ່າວສານຊິນຮວາລາຍງານໃນວັນທີ 7 ກໍລະກົດ ຜ່ານມາວ່າ: ການສຶກສາທີ່ສຳຄັນທີ່ນຳພາໂດຍມະຫາ ວິທະຍາໄລຊິດນີຂອງອົສຕຣາລີ ຊຶ່ງໄດ້ຕີພິມໃນວາລະສານສະຖາບັນຈິດຕະແພດເດັກ ແລະ ໄວໜຸ່ມ ຂອງ ສະຫະລັດ ອາເມຣິກາ ເປີດເຜີຍວ່າ: ສະພາບອາກາດຮ້ອນຮຸນແຮງເຮັດໃຫ້ໄວໜຸ່ມສ່ຽງຕໍ່ການເຂົ້າໂຮງໝໍຍ້ອນບັນຫາສຸຂະພາບຈິດ ເພີ່ມຂຶ້ນຢ່າງຫຼວງຫຼາຍ, ສະທ້ອນໃຫ້ເຫັນເຖິງຄວາມກັງວົນດ້ານສາທາລະນະສຸກທີ່ເພີ່ມຂຶ້ນຈາກການປ່ຽນແປງຂອງດິນຟ້າອາກາດ. ທ່ານ ໄຊເບລ ເດ ນັກຈິດຕະແພດເດັກ ແລະ ໄວໜຸ່ມຈາກໂຮງໝໍເດັກຊິດນີ ໄດ້ກ່າວວ່າ: ການປ່ຽນແປງຂອງດິນຟ້າອາກາດກຳລັງສົ່ງຜົນກະທົບຕໍ່ສຸຂະພາບຈິດຂອງເດັກນ້ອຍ ແລະ ໄວໜຸ່ມໃນຫຼາຍດ້ານ.

ການເຕີບໂຕຂອງອຸດສາຫະກໍາທີ່ກ່ຽວຂ້ອງກັບປັນຍາປະດິດຂອງຈີນ ຈະບັນລຸຫຼາຍກວ່າ 30%

09/07/2026 13:06

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 8 ກໍລະກົດ ຜ່ານມາວ່າ: ຄະນະກຳມະການພັດທະນາ ແລະ ປະຕິຮູບແຫ່ງຊາດຈີນໄດ້ເປີດເຜີຍໃນວັນທີ 7 ກໍລະກົດ ຜ່ານມາວ່າ, ປີກາຍນີ້ ຍອດມູນຄ່າອຸດສາຫະກໍາທີ່ກ່ຽວຂ້ອງກັບປັນຍາປະດິດຂອງຈີນມີຫຼາຍກວ່າ 1,000 ຕື້ຢວນ, ອີງຕາມການຄາດຄະເນໃນເບື້ອງຕົ້ນ, ຈັງຫວະການເຕີບໂຕຂອງອຸດສາຫະກໍາດັ່ງກ່າວໃນປີນີ້ຈະບັນລຸຫຼາຍກວ່າ 30%. ພ້ອມດຽວກັນນີ້, ຈີນຈະຕິດຕາມຜົນສະທ້ອນຂອງປັນຍາປະດິດຕໍ່ການປະກອບອາຊີບ ເພື່ອຊຸກຍູ້ໃຫ້ປັນຍາປະດິດສ້າງອາຊີບໃໝ່ ແລະ ເພີ່ມຄວາມສາມາດໃຫ້ແກ່ອາຊີບດັ້ງເດີມ, ລວມເຖິງການສົ່ງເສີມການປະຍຸກໃຊ້ປັນຍາປະດິດໃນອາຊີບທີ່ “ອັນຕະລາຍ, ເປີະເປື້ອນ, ເໝື່ອຍ ແລະ ໜັກ” ເປັນບຸລິມະສິດ.

5 ປີຜ່ານມາ ກຳປູເຈຍ ຜະລິດຄຳໄດ້ປະມານ 20 ໂຕນ

09/07/2026 13:06

ສຳນັກຂ່າວສານຊິນຮວາລາຍງານ ໃນວັນທີ 8 ກໍລະກົດ ຜ່ານມາວ່າ: ກະຊວງບໍ່ແຮ່ ແລະ ພະລັງງານຂອງກຳປູເຈຍລາຍງານວ່າ, ກຳປູເຈຍສາມາດຜະລິດຄຳແທ່ງບໍລິສຸດ ໄດ້ປະມານ 20 ໂຕນພາຍໃນ 5 ປີ ຫຼັງຈາກເລີ່ມການຂຸດຄົ້ນຄຳໃນເດືອນມິຖຸນາ 2021 ແລະ ປັດຈຸບັນ, ມີບໍລິສັດ 7 ແຫ່ງໄດ້ຮັບໃບອະນຸຍາດໃຫ້ຂຸດຄົ້ນຄຳໃນຫຼາຍແຂວງ, ລວມທັງແຂວງມົນທົນຄີຣີ, ກຣະແຈະ, ພຣະວິຫານ ແລະ ກຳປົງທົມ.

ນະຄອນຫຼວງຮ່າໂນ້ຍ ຕ້ອງເຕີບໂຕຢ່າງວ່ອງໄວ ແລະ ມີຄຸນນະພາບ

09/07/2026 13:02

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 8 ກໍລະກົດ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ປະທານປະເທດ ຫວຽດນາມ ໄດ້ເປັນປະທານການເຮັດວຽກກັບຄະນະພັກນະຄອນຫຼວງຮ່າໂນ້ຍ ກ່ຽວກັບສະພາບການປະຕິບັດໜ້າທີ່ 6 ເດືອນຕົ້ນປີ; ບັນດາໜ້າທີ່, ມາດຕະການຮັບປະກັນປະຕິບັດໜ້າທີ່ປີ 2026; ຜັນຂະຫຍາຍປະຕິບັດມະຕິຂອງກົມການເມືອງວ່າດ້ວຍການກໍ່ສ້າງ ແລະ ພັດທະນານະຄອນຫຼວງຮ່າໂນ້ຍ ໃນສັງກາດໃໝ່.

ອິນໂດເນເຊຍ ເປີດໂຄງການຈັບຄູ່ທຸລະກິດອອນລາຍ

09/07/2026 10:44

ສຳນັກຂ່າວສານຊິນຮວາລາຍງານໃນວັນທີ 7 ກໍລະກົດ ຜ່ານມາວ່າ: ກະຊວງການຄ້າອິນໂດເນເຊຍເປີດເຜີຍວ່າ ອິນໂດເນເຊຍມີມູນຄ່າການເຮັດທຸລະກຳ ປະມານ 107.34 ລ້ານໂດລາ ຜ່ານໂຄງການຈັບຄູ່ທຸລະກິດອອນລາຍສຳລັບວິສາຫະກິດຂະໜາດນ້ອຍ, ຂະໜາດນ້ອຍ ແລະ ຂະໜາດກາງ (MSMEs) ໃນລະຫວ່າງເດືອນມັງກອນ ຫາ ເດືອນເມສາ 2026.

ການອອກກຳລັງກາຍຊ່ວຍເພີ່ມອັດຕາການເຊົາສູບຢາ

08/07/2026 11:57

ສຳນັກຂ່າວສານຊິນຮວາລາຍງານ ຫວ່າງມໍ່ໆມານີ້ວ່າ: ຜົນການສຶກສາຈາກມະຫາວິທະຍາໄລ Adelaide ໃນອົດສຕຣາລີ ພົບວ່າ, ການອອກກຳລັງກາຍສາມາດຊ່ວຍເພີ່ມໂອກາດໃນການເຊົາສູບຢາໄດ້ໃນລະດັບໜຶ່ງ. ນັບເປັນວິທີປະຢັດທີ່ຊ່ວຍໃຫ້ສາມາດເຊົາສູບຢາຄຽງຄູ່ກັບການປິ່ນປົວແບບດັ້ງເດີມ. ໂດຍການອອກກຳລັງກາຍຊ່ວຍໃຫ້ຜູ້ທີ່ຕ້ອງການເຊົາສູບຢາຫຼຸດຜ່ອນປະລິມານການຢາສູບ, ຫຼຸດຜ່ອນຄວາມຢາກສູບຢາ ແລະ ເພີ່ມໂອກາດໃນການເຊົາສູບຢາ.

ແອັດສະປາຍ ກຳລັງປະສົບກັບຄື້ນຄວາມຮ້ອນຄັ້ງທີສອງ

08/07/2026 11:55

ສຳນັກຂ່າວສານຊິນຮວາລາຍງານໃນວັນທີ 7 ກໍລະກົດ ຜ່ານມາວ່າ: ລະບົບຕິດຕາມການເສຍຊີວິດປະຈຳວັນຂອງກະຊວງສາທາລະນະສຸກແອັດສະປາຍລາຍງານວ່າ, ມີຜູ້ເສຍຊີວິດຫຼາຍກວ່າ 150 ຄົນຈາກອຸນຫະພູມທີ່ສູງຂຶ້ນໃນຕົ້ນເດືອນກໍລະກົດ, ປັດຈຸບັນແອັດສະປາຍກຳລັງປະເຊີນກັບຄື້ນຄວາມຮ້ອນຄັ້ງທີສອງຂອງປີ. ໂດຍໃນເດືອນມິຖຸນາພຽງເດືອນດຽວ, ມີຜູ້ເສຍຊີວິດທີ່ກ່ຽວຂ້ອງກັບອາກາດຮ້ອນເຖິງ 1,029 ຄົນ ຊຶ່ງເປັນຈຳນວນຜູ້ເສຍຊີວິດປະຈຳເດືອນສູງສຸດນັບຕັ້ງແຕ່ລະບົບດັ່ງກ່າວເລີ່ມນໍາໃຊ້ໃນປີ 2015.

ຍີ່ປຸ່ນ ເຝົ້າລະວັງພາຍຸໄຕ້ຝຸ່ນບາວີ ກຳລັງເຄື່ອນທີ່ເຂົ້າໃກ້ເກາະໂອກິນາວາ

08/07/2026 11:08

ສຳນັກຂ່າວສານຊິນຮວາລາຍງານໃນວັນທີ 7 ກໍລະກົດ ຜ່ານມາວ່າ: ອົງການອຸຕຸນິຍົມວິທະຍາຍີ່ປຸ່ນລາຍງານວ່າ,ພາຍຸໄຕ້ຝຸ່ນບາວີ ຊຶ່ງເປັນພາຍຸໄຊໂຄລນເຂດຮ້ອນຂະໜາດໃຫຍ່ ແລະ ຮຸ່ນແຮງຫຼາຍ ຊຶ່ງເປັນພາຍຸລູກທີ 9 ຂອງລະດູການນີ້ ອາດຈະພັດເຂົ້າໃກ້ເກາະໂອກິນາວາໃນພາກໃຕ້ຂອງຍີ່ປຸ່ນດ້ວຍຄວາມຮຸນແຮງສູງໃນທ້າຍອາທິດນີ້.

ເພີ່ມເຕີມ