 |
ທ່ານ ຫວໍ ດ້າຍບາກ ປະທານ ບໍລິສັດ ວິນາ ກໍ່ສ້າງເຄຫາສະຖານ ແລະສ້ອມແປງຈຳກັດ ໄດ້ລາຍງານວ່າ: ໂດຍປະຕີບັດຕາມຂັ້ນຕອນ ແລະລະບຽບການ ບໍລິສັດ ວິນາກໍ່ສ້າງ ເຄຫາສະຖານ ແລະ ສ້ອມແປ່ງຈຳກັດ ໄດ້ຮັບການຄັດເລືອກ ແລະເປັນຜູ້ຊະນະ ໃນການປະມູນໂຄງການກໍ່ສ້າງ, ຕາມສັນຍາຮັບເໝົາ ເລີ່ມລົງມືກໍ່ສ້າງໃນວັນທີ 23 ມີນາ 2026 ຊຶ່ງໃຊ້ເວລາທັງໝົດ 24 ເດືອນ ໃຫ້ສໍາເລັດ ແລະມອບຮັບໂຄງການໃນ ເດືອນມີນາ ປີ 2028 ໂດຍໄດ້ຮັບທຶນຊ່ວຍເຫຼືອລ້າ ຂອງແຂວງກວາງນິ່ງ ສສ ຫວຽດນາມ ຈໍານວນ 50 ຕື້ດົງ.
 |
ທ່ານ ບຸນເລື່ອມ ມະນີວົງ ໄດ້ກ່າວສະແດງຄວາມຂອບໃຈ ແລະຮູ້ບຸນຄຸນ ຕໍ່ການນຳຂອງແຂວງກວາງນິງ ທີ່ໄດ້ຊ່ວຍເຫຼືອພັດທະນາພື້ນຖານໂຄງລາງ, ວຽກງານການສຶກສາຕະຫຼອດມາ ອັນໄດ້ເຮັດໃຫ້ມິດຕະພາບ ແລະການຮ່ວມມືແບບພິເສດຮອບດ້ານ ຂອງສອງຊາດລາວ-ຫວຽດນາມ, ຫວຽດນາມ-ລາວ ກໍ່ຄື ແຂວງຫຼວງພະບາງ ກັບ ແຂວງກວາງນິງ ໄດ້ຮັບການເພີ່ມພູນຄູນສ້າງເຮັດໃຫ້ການພັດທະນາເສດຖະກິດ-ສັງຄົມຂອງແຂວງຫຼວງພະບາງ ມີການຂະຫຍາຍຕົວ, ພ້ອມນີ້, ທ່ານໄດ້ຮຽກຮ້ອງໃຫ້ທຸກພາກສ່ວນ ຈົ່ງຮ່ວມມືກັນ ສົ່ງເສີມສະໜັບສະໜູນໂຄງການກໍ່ສ້າງໃຫ້ສໍາເລັດຕາມແຜນທີ່ວາງໄວ້, ທັງພັດທະນາໂຮງຮຽນສາມັນວິຊາຊີບ ໃຫ້ເປັນໄປຕາມລະບົບຄົບຊຸດ, ຮັບປະກັນຄຸນນະພາບ ແລະຍືນຍົງ.
(ພາບ-ຂ່າວ: ສອນອາຄົມ ແກ້ວຄຳເພັດ)
ຄໍາເຫັນ