ສັນຍາທີ່ມີມູນຄ່າ 1 ລ້ານກວ່າໂດລາ ສະໜອງລະບົບອິນເຕີເນັດ 5G ໃຫ້ແກ່ຕະຫຼາດຕາເວັນອອກກາງ ໂດຍກຸ່ມບໍລິສັດອຸດສາຫະກຳເຕັກໂນໂລຊີສູງ Viettel (Viettel High Tech) ລົງນາມກັບບໍລິສັດ High Cloud Technologies (ຂອງ ສະຫະລັດ ອາຣັບ ເອມມີເຣດ; UAE) ໃນງານວາງສະແດງການປ້ອງກັນຊາດສາກົນ ຫວຽດນາມ ປີ 2024 (ແຕ່ວັນທີ 19 – 22 ທັນວາ)ຢູ່ນະຄອນຫຼວງຮ່າໂນ້ຍ.
ຕາມສັນຍາດັ່ງກ່າວ, Viettel ຈະສະໜອງສະຖານີກະຈາຍອິນເຕີເນັດ 4G ແລະ 5G ໃຫ້ຄູ່ຮ່ວມມື High Cloud Technologies. ນີ້ແມ່ນໂຄງການໂທລະຄົມມະນາຄົມໃຫຍ່ທຳອິດຂອງ Viettel ຢູ່ພາກພື້ນຕາເວັນອອກກາງ.
ຜູ້ຕາງໜ້າ UAE ກ່າວວ່າ:ບັນດາຜະລິດຕະພັນຂອງ Viettel ໄດ້ຮັບການຕີລາຄາສູງກ່ຽວກັບຄຸນນະພາບ ແລະ ລາຄາແກ່ງແຍ່ງ ເມື່ອທຽບໃສ່ບໍລິສັດອື່ນໆ, ຈະຊ່ວຍເປີດກວ້າງຂອບເຂດການກະຈາຍສັນຍານໂທລະຄົມມະນາຄົມຢູ່ ສະຫະລັດ ອາຣັບ ເອມມີເຣດ ແລະ ເຂດອື່ນໆຢູ່ຕາເວັນອອກກາງ, ພິເສດແມ່ນບັນດາເຂດຊານເມືອງ ແລະ ຊົນນະບົດ. ສິ່ງດັ່ງກ່າວ ໄດ້ນຳມາຊຶ່ງຜົນປະໂຫຍດອັນໃຫຍ່ຫຼວງໃນການຍົກສູງການສຶກສາ ແລະ ປັບປຸງຊີວິດສັງຄົມຢູ່ພາຍໃນປະເທດ.
ຄໍາເຫັນ