ຂ່າວລະບຸວ່າ: ບ້ວງເງິນດັ່ງກ່າວ, ລວມມີ 2.5 ຕື້ໂດລາ ຈາກ WB ແລະ 10 ຕື້ໂດລາ ຈາກ ADB ຈະເພີ່ມເຕີມດ້ວຍການລົງທຶນພາກເອກະຊົນ ເພື່ອແນໃສ່ເປີດກວ້າງບັນດາໂອກາດການເຮັດວຽກ ແລະ ດຳເນີນທຸລະກິດໃໝ່ຢູ່ ອາຊຽນ. ກ່າວຄຳເຫັນໃນວາລະປິດເວທີປາໄສພະລັງງານແບບຍືນຍົງ ແລະ ທົດແທນ ຫວ່າງບໍ່ດົນມານີ້ ຢູ່ເມືອງກູຊິ່ງ ປະເທດມາເລເຊຍ, ທ່ານ ຟາດິລລາ ໃຫ້ຮູ້ວ່າ: ບັນດານັກລົງທຶນພາກເອກະຊົນສາກົນມາຈາກເຂດອາຣັບ, ຍີ່ປຸ່ນ ແລະ ຈີນ ມີຄວາມສົນໃຈທີ່ສຸດຕໍ່ການລົງທຶນເຂົ້າພາກພື້ນ, ພິເສດແມ່ນຕາໜ່າງໄຟຟ້າອາຊຽນ (APG). ທ່ານສະແດງຄວາມຫວັງວ່າ ບັນດາບ້ວງເງິນລົງທຶນໃໝ່ຈະນຳມາຊຶ່ງໂອກາດການເຮັດວຽກ ແລະ ດຳເນີນທຸລະກິດໃຫ້ທົ່ວພາກພື້ນອາຊຽນ, ພ້ອມທັງຢັ້ງຢືນບັນດາປະເທດສະມາຊິກອາຊຽນ ໄດ້ເຫັນດີເປັນເອກະພາບວ່າ APG ແມ່ນເສັ້ນທາງໃນພາຍພາກໜ້າໃຫ້ແກ່ອາຊຽນ.
ອັງກິດ ຮ່ວມມືກັບອຸດສາຫະກຳຂາຍຍ່ອຍ ຊ່ວຍຊາວໜຸ່ມ 100,000 ຄົນ ມີວຽກເຮັດງານທຳ
ສຳນັກຂ່າວສານຊິນຮວາລາຍງານໃນວັນທີ 9 ກັນຍາ ຜ່ານມາວ່າ: ບັນດາຮ້ານຄ້າຂາຍຍ່ອຍຊັ້ນນໍາຂອງອັງກິດກໍາລັງຮ່ວມມືກັບລັດຖະບານໃນການດຳເນີນໂຄງການທີ່ສະໜອງໂອກາດໃຫ້ແກ່ໄວໜຸ່ມ ທີ່ມີອາຍຸ 18-24 ປີ ທີ່ບໍ່ໄດ້ຢູ່ໃນລະບົບການສຶກສາ, ການຈ້າງງານ ແລະ ບໍ່ໄດ້ຮັບການຝຶກອົບຮົມ ຫຼື ເອີ້ນວ່າ NEET (Not in Education, Employment or Training)ຈຳນວນ 11,000 ຄົນ ເພື່ອໃຫ້ໄດ້ຮັບວຽກເຮັດງານທຳ 16-35 ຊົ່ວໂມງຕໍ່ອາທິດ ເປັນເວລາ 2-4 ອາທິດ. ໂດຍມີເປົ້າໝາຍເພື່ອສ້າງວຽກເຮັດງານທຳ 100,000 ຕຳແໜ່ງ ພາຍໃນທ້າຍສະໄໝລັດຖະສະພາປັດຈຸບັນໃນປີ 2029.
ຄໍາເຫັນ