ໄຊສົມບູນ ປະກາດການຈັດຕັັ້ງພະແນກການ ແລະ ໂອນວຽກເຂົ້າກັນ

‎ ທ່ານ ພູຄຳ ແກ້ວວົງໄຊ ຮອງຫົວໜ້າຄະນະຈັດຕັ້ງ ແຂວງໄຊສົມບູນ ໄດ້ຜ່ານຂໍ້ຕົກລົງກ່ຽວກັບການຍົກຍ້າຍ, ແຕ່ງຕັ້ງພະນັກງານຂັ້ນຫົວໜ້າ ແລະ ຮອງຫົວໜ້າພະແນກການອ້ອມຂ້າງແຂວງ ຄື: ມະຕິຕົກລົງ ຂອງຄະນະປະຈຳພັກແຂວງ ວ່າດ້ວຍການແຕ່ງຕັ້ງ ສະຫາຍ ທອງວັນ ທຳມະວົງ ກໍາມະການປະຈໍາພັກແຂວງ ເປັນຫົວໜ້າຄະນະຈັດຕັ້ງແຂວງ, ທ່ານ ບຸນກອງ ຊົ່ງປ່າຢິ້ງ ກຳມະການພັກແຂວງ ເປັນຮອງຫົວໜ້າຄະນະຈັດຕັ້ງແຂວງ, ທ່ານ ເລັ່ງລໍ່ ຢົງຊະເຈ່ຍວ່າ ແລະ ທ່ານ ພູຄຳ ແກ້ວວົງໄຊ ເປັນເປັນຮອງຫົວໜ້າຄະນະຈັດຕັ້ງແຂວງ, ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການແຕ່ງຕັ້ງພະນັກງານຮັບໜ້າທີ່ໃໝ່ ຄື: ແຕ່ງຕັ້ງ ທ່ານ ທອງປະເສີດ ໄຊຍະລາດ ກຳມະການພັກແຂວງ ເປັນຫົວໜ້າພະແນກການເງິນແຂວງ, ແຕ່ງຕັ້ງທ່ານ ໄຊຍະເດດ ວົງສາຣະວັນ ກຳມະການພັກແຂວງ ເປັນຫົວໜ້າຫ້ອງການຄະນະກຳມະການສົ່ງເສີມ ແລະ ການຄຸ້ມຄອງການລົງທຶນແຂວງ, ແຕ່ງຕັ້ງທ່ານ ພູແກ້ວ ອິນທະວົງ ກຳມະການພັກແຂວງ ເປັນຫົວໜ້າພະແນກກະສິກຳ ແລະ ສິ່ງແວດລ້ອມແຂວງ, ທ່ານ ບຸນທອນ ປັນແກ້ວ, ທ່ານ ມາຊົ່ງ ລືໄຊ, ທ່ານ ແກ້ວອານົງ ສີປະເສີດ, ທ່ານ ຫວັດ ຈະເລີນຜົນ ແລະ ທ່ານ ບຸນຫຼາຍ ທົນນະວົງສາ ເປັນຮອງຫົວໜ້າພະແນກກະສິກຳ ແລະ ສິ່ງແວດລ້ອມແຂວງ, ຕົກລົງແຕ່ງຕັ້ງ ທ່ານ ບຸນທຽມ ໄຊສົງຄາມ ກໍາມະການພັກແຂວງ ເປັນຫົວໜ້າພະແນກອຸດສາຫະກຳ ແລະ ການຄ້າ ແຂວງ, ທ່ານ ພາທໍ່ ຕົ່ງເຢີທໍ່, ທ່ານ ພອນໄຊ ຕາໂນວັນ, ທ່ານ ນະລົງສອນ ຈັນທະບູລີ, ທ່ານ ຜາເງິນ ວົງພະຈັນ, ທ່ານ ວຽງມະນີ ຢົ່ງລໍ່ຢ່າງ ແລະ ທ່ານ ມະນີວັນ ທອງເດືອນວິດາວົງ ເປັນຮອງຫົວໜ້າພະແນກອຸດສາຫະກຳ ແລະ ການຄ້າ ແຂວງ, ແຕ່ງຕັ້ງທ່ານ ທົງສະຫວັນ ໂພສະລາດ ເປັນຫົວໜ້າ ເປັນຫົວໜ້າພະແນກວັດທະນະທຳ ແລະ ການທ່ອງທ່ຽວແຂວງ, ທ່ານ ນາງ ເພັດນິຍົມ ພົມມະລິນ ແລະ ທ່ານ ຊົ່ງໄຊຮົວ ເປັນຮອງຫົວໜ້າພະແນກວັດທະນະທຳ ແລະ ການທ່ອງທ່ຽວແຂວງ, ແຕ່ງຕັ້ງ ທ່ານ ກິ່ງເພັດ ເພັດມະຈັນ ເປັນຮອງຫົວໜ້າຄະນະໂຄສະນາອົບຮົມແຂວງ, ທ່ານ ນາງ ຊວງ ສີວິໄລ ເປັນຮອງປະທານແນວລາວສ້າງຊາດແຂວງ, ທ່ານ ແສງເດືອນ ວົງພະຈັນ ເປັນຮອງຫົວໜ້າຫ້ອງວ່າການແຂວງ, ຍົກຍ້າຍ ທ່ານ ອິນຕອງ ບຸນມະນີ ໄປຮັບໜ້າທີ່ໃໝ່ ເປັນຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ, ຍົກຍ້າຍ ທ່ານ ສົມໄພ ທອງປະເສີດ ໄປຮັບໜ້າທີ່ໃໝ່ ເປັນຮອງຫົວໜ້າຫ້ອງການຄະນະກຳມະການສົ່ງເສີມ ແລະ ຄຸ້ມຄອງການລົງທຶນແຂວງ, ພ້ອມນີ້ ຍັງໄດ້ຍົກຍ້າຍ ແລະ ສັບຊ້ອນພະນັກງານໄປປະຈໍາການ ຕາມໜ້າວຽກທີ່ຖືກໂຮມ, ໂອນວຽກເຂົ້າກັນ ແລະ ຍົກຍ້າຍໄປປະຈໍາການຢູ່ພາກສວ່ນອຶ່ນ ຕາມການເຫັນດີເປັນເອກະພາບ ຂອງຄະນະປັບປຸງກົງຈັກການຈັດຕັ້ງຂັ້ນແຂວງ. ພ້ອມນີ້ ຍັງໄດ້ ຜ່ານຂໍ້ຕົກລົງຂອງທ່ານເຈົ້າແຂວງ ວ່າດ້ວຍການແຕ່ງຕັ້ງປະທານຄະນະກຳມະການປົກຄອງເມືອງຄື: ເຫັນດີແຕ່ງຕັ້ງ ທ່ານ ພັດທະນາ ສີສົມພອນ ຮອງເລຂາພັກເມືອງ ເປັນປະທານຄະນະກໍາມະການປົກຄອງເມືອງອະນຸວົງ, ທ່ານ ຄຳເຜີຍ ແສງສະຫວ່າງ ຮອງເລຂາພັກເມືອງ ເປັນປະທານຄະນະກໍາມະການປົກຄອງເມືອງທ່າໂທມ, ທ່ານ ສັງຄົມ ສູນດາລາ ຮອງເລຂາພັກເມືອງ ເປັນປະທານຄະນະກຳມະການປົກຄອງເມືອງລ້ອງແຈ້ງ, ທ່ານ ສົມພັນ ສີສົມບຼົ່ງ ຮອງເລຂາພັກເມືອງ ເປັນປະທານຄະນະກຳມະການປົກຄອງເມືອງລ້ອງຊານ ແລະ ທ່ານ ຄຳພຸດ ແກ້ວວົງພອນ ຮອງເລຂາພັກເມືອງ ເປັນປະທານຄະນະກຳມະການປົກຄອງເມືອງຮົ່ມ.

ທ່ານ ພອຍຄຳ ຮຸ່ງບຸນຍວງ ໄດ້ເນັ້ນໜັກພາກສ່ວນທີ່ຖືກໂຮມ, ໂອນວຽກເຂົ້າກັນ ຈົ່ງສືບຕໍ່ເອົາໃຈໃສ່ວຽກງານການເມືອງແນວຄິດໃຫ້ແກ່ສະມາຊິກພັກ-ພະນັກງານ ເຂົ້າໃຈຕໍ່ການປັບປຸງກົງຈັກການຈັດຕັ້ງໃນຄັ້ງນີ້ ໃຫ້ມີແນວຄິດອຸ່ນອຽນ, ທຸ່ນທ່ຽງ ເຊື່ອໝັ້ນຕໍ່ການນໍາພາຂອງພັກ ເຖິງວຽກງານຈະຖືກໂຮມ, ໂອນວຽກເຂົ້າກັນ ແຕ່ການປະຕິບັດໜ້າທີ່ວຽກງານແມ່ນໃຫ້ສືບຕໍ່ຄືເກົ່າ ສິ່ງສໍາຄັນແມ່ນເຕົ້າໂຮມຄວາມສາມັກຄີໃຫ້ເປັນປຶກແຜ່ນແໜ້ນໜາ, ເຮັດວຽກຕາມຫຼັກການລວມສູນປະຊາທິປະໄຕ ມີຄວາມເປັນເອກະພາບໃນໝູ່ຄະນະ, ແບ່ງວຽກໃຫ້ຈະແຈ້ງ ແລະ ໃຫ້ພ້ອມກັນຈັດຕັ້ງປະຕິບັດວຽກງານວິຊາສະເພາະ ໃຫ້ມີຜົນສຳເລັດ.

(ຂ່າວ: ພຸດທະສອນ ເວດສະວົງ)