ເມືອງຊະນະຄາມ ແຂວງວຽງຈັນໄດ້ຈັດກອງປະຊຸມ ເປີດຂະບວນການແຂ່ງຂັນ ແລະຍ້ອງຍໍໃຕ້ຄຳຂັວນ “ຮັກຊາດ ແລະພັດທະນາ’’ປະຈຳປີ 2024 ຂຶ້ນເມື່ອວັນທີ 3 ມັງກອນ 2024 ທີ່ເມືອງຊະນະຄາມ ໂດຍມີທ່ານ ແກ້ວ ພິມມະວົງ ກຳມະການພັກແຂວງ ເລຂາພັກເມືອງ ເຈົ້າເມືອງໆ ຊະນະຄາມ, ມີພາກສ່ວນກ່ຽວຂ້ອງເຂົ້າຮ່ວມ.
ທ່ານ ນາງທົດສະຫວັດ ສົງພະຈັນ ຫົວໜ້າຫ້ອງການພາຍໃນເມືອງຊະນະຄາມໄດ້ການຜ່ານເອກະສານເນື້ອໃນຂໍ້ແຂ່ງຂັນພາຍໃຕ້ຄຳຂັວນ“ຮັກຊາດ ແລະ ພັດທະນາ’’ ຂອງເມືອງຊະນະຄາມ ເພື່ອຕີລາຄາສະພາບການຈັດຕັ້ງປະຕິບັດວຽກງານ ຂອງບັນດາຫ້ອງການ, ອົງການ, ກົມກອງ, ພາຍໃນເມືອງ ຕິດພັນກັບການແຂ່ງຂັັນ ແລະຍ້ອງຍໍ ໃນໄລຍະຜ່ານມາໃນແຕ່ລະຂົງເຂດວຽກງານເຊັ່ນ: ຂົງເຂດການເມືອງ, ຂົງເຂດເສດຖະກິດ, ຂົງເຂດວັດທະນະທຳ-ສັງຄົມ, ຂົງເຂດ ປກສ-ປກຊ ຕຸລາການ, ຍຸຕິທຳ, ລັດວິສະຫະກິດ ແລະ ອົງການປົກຄອງບ້ານໃນເທດສະບານເມືອງ ລວມຈຳນວນທັງໝົດ 32 ພາກສ່ວນ ລວມມີ 89 ຂໍ້ແຂ່ງຂັນ, ທັງນີ້ກໍເພື່ອເຮັດໃຫ້ບັນດາຫ້ອງການ, ອົງການ, ກົມກອງພາຍໃນເມືອງ ໄດ້ຈັດຕັ້ງປະຕິວັດວຽກງານຕາມພາລະບົດບາດສິດ ແລະໜ້າທີ່ ຂອງຕົນຢ່າງເປັນປົກກະຕິ ເອົາໃຈໃສແຂ່ງຂັນກັນສ້າງຜົນງານ ປະຕິບັດຕາມຂໍ້ແຂ່ງຂັນທີ່ແຕ່ລະກົມກອງໄດ້ກຳນົດອອກ ໃຫ້ມີຜົນສຳເລັດ,ເພື່ອພັດທະນາການຈັດຕັ້ງ ຂອງຕົນກໍໍຄືເມືອງຊະນະຄາມ ໃຫ້ມີສະຖຽນລະພາບທາງດ້ານການເມືອງ, ເສດຖະກິດຂະຫຍາຍຕົວຂຶ້ນເລື້ອຍໆ, ຊີວິດການເປັນຢູ່ຂອງປະຊາຊົນດີຂຶ້ນເທື່ອລະກ້າວ.
ຈຸດປະສົງໃນການເປີດຂະບວນການແຂ່ງຂັນ ແລະຍ້ອງຍໍ ແຕ່ລະຫ້ອງການ ກົມກອງ ໃນຄັ້ງນີ້ກໍເພື່ອເປັນການກຳນົດຫຼັກການ, ລະບຽບການ ແລະມາດຕະການກ່ຽວກັບການຄຸ້ມຄອງ ຕິດຕາມການເຄື່ອນໄຫວ ວຽກງານແຂ່ງຂັນ ແລະຍ້ອງຍໍ ເພື່ອເຮັດໃຫ້ວຽກງານດັ່ງກ່າວ ໄດ້ຮັບການຈັດຕັ້ງປະຕິບັດ ຢ່າງມີປະສິດທິພາບ ປະສິທິຜົນ ແລະມີຄວາມເປັນເອກະພາບ ໃນຂອບເຂດທົ່ວເມືອງຊະນະຄາມ ແນໃສ່ເພື່ອສ້າງເງື່ອນໄຂ, ຊຸກຍູ້ສົ່ງເສີມ ຫົວຄິດປະດິດສ້າງ ແລະຜົນງານດີເດັ່ນ ຂອງບຸກຄົນ ແລະການຈັດຕັ້ງເຂົ້າຮ່ວມການແຂ່ງຂັນ ແລະຍ້ອງຍໍ ໃຫ້ເປັນຂະບວນການແຂງແຮງ ກວ້າງຂວາງ ແລະເລິກເຊິ່ງ ປະກອບສ່ວນເຂົ້າໃນການປົກປັກຮັກສາ ແລະສ້າງສາພັດທະນາປະເທດຊາດ.
ຂ່າວ-ພາບ: ເມືອງຊະນະຄາມ
ທ່ານ ນາງທົດສະຫວັດ ສົງພະຈັນ ຫົວໜ້າຫ້ອງການພາຍໃນເມືອງຊະນະຄາມໄດ້ການຜ່ານເອກະສານເນື້ອໃນຂໍ້ແຂ່ງຂັນພາຍໃຕ້ຄຳຂັວນ“ຮັກຊາດ ແລະ ພັດທະນາ’’ ຂອງເມືອງຊະນະຄາມ ເພື່ອຕີລາຄາສະພາບການຈັດຕັ້ງປະຕິບັດວຽກງານ ຂອງບັນດາຫ້ອງການ, ອົງການ, ກົມກອງ, ພາຍໃນເມືອງ ຕິດພັນກັບການແຂ່ງຂັັນ ແລະຍ້ອງຍໍ ໃນໄລຍະຜ່ານມາໃນແຕ່ລະຂົງເຂດວຽກງານເຊັ່ນ: ຂົງເຂດການເມືອງ, ຂົງເຂດເສດຖະກິດ, ຂົງເຂດວັດທະນະທຳ-ສັງຄົມ, ຂົງເຂດ ປກສ-ປກຊ ຕຸລາການ, ຍຸຕິທຳ, ລັດວິສະຫະກິດ ແລະ ອົງການປົກຄອງບ້ານໃນເທດສະບານເມືອງ ລວມຈຳນວນທັງໝົດ 32 ພາກສ່ວນ ລວມມີ 89 ຂໍ້ແຂ່ງຂັນ, ທັງນີ້ກໍເພື່ອເຮັດໃຫ້ບັນດາຫ້ອງການ, ອົງການ, ກົມກອງພາຍໃນເມືອງ ໄດ້ຈັດຕັ້ງປະຕິວັດວຽກງານຕາມພາລະບົດບາດສິດ ແລະໜ້າທີ່ ຂອງຕົນຢ່າງເປັນປົກກະຕິ ເອົາໃຈໃສແຂ່ງຂັນກັນສ້າງຜົນງານ ປະຕິບັດຕາມຂໍ້ແຂ່ງຂັນທີ່ແຕ່ລະກົມກອງໄດ້ກຳນົດອອກ ໃຫ້ມີຜົນສຳເລັດ,ເພື່ອພັດທະນາການຈັດຕັ້ງ ຂອງຕົນກໍໍຄືເມືອງຊະນະຄາມ ໃຫ້ມີສະຖຽນລະພາບທາງດ້ານການເມືອງ, ເສດຖະກິດຂະຫຍາຍຕົວຂຶ້ນເລື້ອຍໆ, ຊີວິດການເປັນຢູ່ຂອງປະຊາຊົນດີຂຶ້ນເທື່ອລະກ້າວ.
ຈຸດປະສົງໃນການເປີດຂະບວນການແຂ່ງຂັນ ແລະຍ້ອງຍໍ ແຕ່ລະຫ້ອງການ ກົມກອງ ໃນຄັ້ງນີ້ກໍເພື່ອເປັນການກຳນົດຫຼັກການ, ລະບຽບການ ແລະມາດຕະການກ່ຽວກັບການຄຸ້ມຄອງ ຕິດຕາມການເຄື່ອນໄຫວ ວຽກງານແຂ່ງຂັນ ແລະຍ້ອງຍໍ ເພື່ອເຮັດໃຫ້ວຽກງານດັ່ງກ່າວ ໄດ້ຮັບການຈັດຕັ້ງປະຕິບັດ ຢ່າງມີປະສິດທິພາບ ປະສິທິຜົນ ແລະມີຄວາມເປັນເອກະພາບ ໃນຂອບເຂດທົ່ວເມືອງຊະນະຄາມ ແນໃສ່ເພື່ອສ້າງເງື່ອນໄຂ, ຊຸກຍູ້ສົ່ງເສີມ ຫົວຄິດປະດິດສ້າງ ແລະຜົນງານດີເດັ່ນ ຂອງບຸກຄົນ ແລະການຈັດຕັ້ງເຂົ້າຮ່ວມການແຂ່ງຂັນ ແລະຍ້ອງຍໍ ໃຫ້ເປັນຂະບວນການແຂງແຮງ ກວ້າງຂວາງ ແລະເລິກເຊິ່ງ ປະກອບສ່ວນເຂົ້າໃນການປົກປັກຮັກສາ ແລະສ້າງສາພັດທະນາປະເທດຊາດ.
ຂ່າວ-ພາບ: ເມືອງຊະນະຄາມ
ຄໍາເຫັນ