ທ່ານ ໂກເຣສລາຟສະກີ ກ່າວວ່າ: ບາງຄົນບໍ່ໄດ້ໃຊ້ໂທລະສັບມືຖືພຽງແຕ່ສໍາລັບການສື່ສານ, ການສຶກສາ ຫຼື ການບໍລິໂພກເນື້ອໃນທີ່ເປັນປະໂຫຍດເທົ່ານັ້ນ ແລະ ວ່າບໍ່ວ່າພວກເຮົາຈະສົ່ງເສີມເນື້ອໃນທີ່ມີຄຸນນະພາບພຽງໃດ, ປະກົດການທີ່ເປັນກະແສ ແລະ ເອີ້ນວ່າ: ສະໝອງເນົ່າ "brainrot" ຍັງຄົງເກີດຂຶ້ນຢູ່. ການບໍລິໂພກເນື້ອໃນດັ່ງກ່າວອາດເບິ່ງຄືວ່າບໍ່ມີອັນຕະລາຍ, ແຕ່ຖ້າຫາກພິຈາລະນາໃນແງ່ຂອງປະກົດການທາງວັດທະນະທໍາ, ເນື້ອໃນລັກສະນະນີ້ຄອບງໍາຈິດໃຈຢ່າງຮຸ່ນແຮງ.
ຢ່າງໃດກໍຕາມ, ທ່ານ ໂກເຣສລາຟສະກີ ຊີ້ໃຫ້ເຫັນວ່າ: ໄວໜຸ່ມມີການພົວພັນກັບເນື້ອໃນປະເພດຍາວທີ່ດີ. ພວກເຂົາອ່ານຜົນງານດັດແປງຈາກວັນນະຄະດີຄລາສສິກ ຫຼື ວັນນະຄະດີຄລາສສິກຕົ້ນສະບັບໄດ້ເປັນຢ່າງດີ, ບໍ່ວ່າຈະເປັນຮູບແບບສັ້ນ, ຍາວ ຫຼື ຮູບແບບອື່ນໆ.
ທ່ານ ໂກເຣສລາຟສະກີ ກ່າວຕື່ມວ່າ: ພວກເຮົາກຳລັງດໍາລົງຊີວິດຢູ່ໃນໂລກແຫ່ງຄວາມເປັນຈິງທີ່ແມ້ກະທັ້ງແຕ່ກາຕູນທີ່ສ້າງອອກມາໄດ້ດີກໍບໍ່ສາມາດມີອິດທິພົນຕໍ່ສາທາລະນະໄດ້ເລີຍ ເວັ້ນເສຍແຕ່ວ່າກາຕູນນັ້ນຈະກາຍເປັນໄວຣັດ, ພ້ອມທັງເນັ້ນໜັກວ່າການສື່ສານມວນຊົນຄວນຈະເປັນໄປໃນທາງບວກ ແລະ ມີຄ່ານິຍົມທີ່ຖືກຕ້ອງແທ້ຈິງ.
ຄໍາເຫັນ