ແຂວງເຊກອງໄດ້ກະກຽມຄວາມພ້ອມເປີດປີທ່ອງທ່ຽວລາວ 2024 ໂດຍກຳນົດ 6 ກິດຈະກຳຄື: ບຸນຊ່ວງເຮືອເມືອງລະມາມປະຈໍາປີ 2023; ບຸນປະເພນີ 10 ເຜົ່າເສົາຫຼັກເມືອງ; ບຸນສະຫຼອງຜົນສໍາເລັດຂອງເຜົ່າກະຕູບ້ານກັນດອນໃໝ່ເມືອງທ່າແຕງ; ບຸນຊ່ວງເຮືອ-ແພເມືອງດາກຈຶງ; ບຸນພາເຂົ້າໂດຍສານບ້ານຈະແລະ ເມືອງກະລຶມ ແລະ ງານສະເຫຼີມສະຫຼອງວັນສ້າງຕັ້ງແຂວງເຊກອງຄົບຮອບ 40 ປີ ຄາດວ່າຈະມີນັກທ່ອງທ່ຽວເຂົ້າມາທ່ຽວໃນປີ 2024 ຈໍານວນ 50 ພັນຄົນ.
ທ່ານ ບຸນທົງ ຖິ່ນດອນໂຂງ ຮັກສາການຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງເຊກອງ ຮອງປະທານຜູ້ປະຈໍາຄະນະຊີ້ນໍາເປີດປີທ່ອງທ່ຽວລາວ 2024 ຂັ້ນແຂວງໃຫ້ຮູ້ວ່າ: ພິທີເປີດປີທ່ອງທ່ຽວລາວ 2024 ທີ່ແຂວງເຊກອງ ຈະໄດ້ຈັດຂຶ້ນໃນທ້າຍເດືອນມັງກອນ 2024 ຕິດພັນກັບການຈັດງານບຸນປະເພນີ 10 ເຜົ່າເສົາຫຼັກເມືອງ ຊຶ່ງທາງແຂວງໄດ້ມີການກະກຽມຄວາມພ້ອມດ້ານຕ່າງໆ ໂດຍໄດ້ແຕ່ງຕັ້ງຄະນະຮັບຜິດຊອບຊີ້ນໍາ ແລະ ອະນຸກໍາມະການຂັ້ນແຂວງ; ເຄື່ອນໄຫວຕິດຕາມ, ກວດກາ ແລະ ຊຸກຍູ້ການຈັດຕັ້ງປະຕິບັດກິດຈະກໍາຕ່າງໆເປັນຕົ້ນ ກິດຈະກໍາປະກວດສິລະປະ-ວັນນະຄະດີ; ເຄື່ອນໄຫວເກັບກໍາ-ຂໍ້ມູນຂຶ້ນບັນຊີແຫຼ່ງທ່ອງທ່ຽວ; ຊຸກຍູ້ການໂຄສະນາທ່າແຮງດ້ານການທ່ອງທ່ຽວ; ຜະລິດປະຕິທິນງານບຸນປະເພນີບັນດາເຜົ່າ; ປັບປຸງຍົກລະດັບທາງດ້ານການບໍລິການ ດ້ວຍຮູບການຈັດຝຶກອົບຮົມໃຫ້ແກ່ຫົວໜ່ວຍທຸລະກິດ, ຜູ້ປະກອບການສະຖານທີ່ພັກແຮມ, ຮ້ານອາຫານ, ຮ້ານກິນດື່ມ-ບັນເທີງ ແລະ ຮ້ານຄາລາໂອເກະ.
ທ່ານ ບຸນທົງ ຖິ່ນດອນໂຂງ ໃຫ້ຮູ້ອີກວ່າ: ແຂວງເຊກອງມີແຫຼ່ງທ່ອງທ່ຽວທັງໝົດ 42 ແຫ່ງ. ໃນນີ້ແຫຼ່ງທ່ອງທ່ຽວທໍາມະຊາດ 22 ແຫ່ງ, ແຫຼ່ງທ່ອງທ່ຽວວັດທະນະທໍາ 7 ແຫ່ງ, ແຫຼ່ງທ່ອງທ່ຽວປະຫວັດສາດ 9 ແຫ່ງ ແລະ ແຫຼ່ງທ່ອງທ່ຽວກະສິກໍາ 4 ແຫ່ງ; ນອກນີ້ຍັງມີໂຮງແຮມ 8 ແຫ່ງ, ເຮືອນພັກ 33 ແຫ່ງ, ຮ້ານອາຫານ 19 ແຫ່ງ ແລະ ຮ້ານບັນເທີງ 2 ແຫ່ງ; ນັບແຕ່ເດືອນມັງກອນຫາເດືອນພະຈິກ 2023 ມີນັກທ່ອງທ່ຽວເຂົ້າມາທ່ຽວແຂວງທັງໝົດ 48.379 ຄົນ. ໃນນີ້ນັກທ່ອງທ່ຽວພາຍໃນ 29.534 ຄົນ ແລະ ນັກທ່ອງທ່ຽວຕ່າງປະເທດ 18.845 ຄົນ, ສາມາດສ້າງລາຍຮັບໄດ້ເກືອບ 3 ລ້ານໂດລາ.
ຂ່າວ-ພາບ: ສັນຍາ
ທ່ານ ບຸນທົງ ຖິ່ນດອນໂຂງ ຮັກສາການຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງເຊກອງ ຮອງປະທານຜູ້ປະຈໍາຄະນະຊີ້ນໍາເປີດປີທ່ອງທ່ຽວລາວ 2024 ຂັ້ນແຂວງໃຫ້ຮູ້ວ່າ: ພິທີເປີດປີທ່ອງທ່ຽວລາວ 2024 ທີ່ແຂວງເຊກອງ ຈະໄດ້ຈັດຂຶ້ນໃນທ້າຍເດືອນມັງກອນ 2024 ຕິດພັນກັບການຈັດງານບຸນປະເພນີ 10 ເຜົ່າເສົາຫຼັກເມືອງ ຊຶ່ງທາງແຂວງໄດ້ມີການກະກຽມຄວາມພ້ອມດ້ານຕ່າງໆ ໂດຍໄດ້ແຕ່ງຕັ້ງຄະນະຮັບຜິດຊອບຊີ້ນໍາ ແລະ ອະນຸກໍາມະການຂັ້ນແຂວງ; ເຄື່ອນໄຫວຕິດຕາມ, ກວດກາ ແລະ ຊຸກຍູ້ການຈັດຕັ້ງປະຕິບັດກິດຈະກໍາຕ່າງໆເປັນຕົ້ນ ກິດຈະກໍາປະກວດສິລະປະ-ວັນນະຄະດີ; ເຄື່ອນໄຫວເກັບກໍາ-ຂໍ້ມູນຂຶ້ນບັນຊີແຫຼ່ງທ່ອງທ່ຽວ; ຊຸກຍູ້ການໂຄສະນາທ່າແຮງດ້ານການທ່ອງທ່ຽວ; ຜະລິດປະຕິທິນງານບຸນປະເພນີບັນດາເຜົ່າ; ປັບປຸງຍົກລະດັບທາງດ້ານການບໍລິການ ດ້ວຍຮູບການຈັດຝຶກອົບຮົມໃຫ້ແກ່ຫົວໜ່ວຍທຸລະກິດ, ຜູ້ປະກອບການສະຖານທີ່ພັກແຮມ, ຮ້ານອາຫານ, ຮ້ານກິນດື່ມ-ບັນເທີງ ແລະ ຮ້ານຄາລາໂອເກະ.
ທ່ານ ບຸນທົງ ຖິ່ນດອນໂຂງ ໃຫ້ຮູ້ອີກວ່າ: ແຂວງເຊກອງມີແຫຼ່ງທ່ອງທ່ຽວທັງໝົດ 42 ແຫ່ງ. ໃນນີ້ແຫຼ່ງທ່ອງທ່ຽວທໍາມະຊາດ 22 ແຫ່ງ, ແຫຼ່ງທ່ອງທ່ຽວວັດທະນະທໍາ 7 ແຫ່ງ, ແຫຼ່ງທ່ອງທ່ຽວປະຫວັດສາດ 9 ແຫ່ງ ແລະ ແຫຼ່ງທ່ອງທ່ຽວກະສິກໍາ 4 ແຫ່ງ; ນອກນີ້ຍັງມີໂຮງແຮມ 8 ແຫ່ງ, ເຮືອນພັກ 33 ແຫ່ງ, ຮ້ານອາຫານ 19 ແຫ່ງ ແລະ ຮ້ານບັນເທີງ 2 ແຫ່ງ; ນັບແຕ່ເດືອນມັງກອນຫາເດືອນພະຈິກ 2023 ມີນັກທ່ອງທ່ຽວເຂົ້າມາທ່ຽວແຂວງທັງໝົດ 48.379 ຄົນ. ໃນນີ້ນັກທ່ອງທ່ຽວພາຍໃນ 29.534 ຄົນ ແລະ ນັກທ່ອງທ່ຽວຕ່າງປະເທດ 18.845 ຄົນ, ສາມາດສ້າງລາຍຮັບໄດ້ເກືອບ 3 ລ້ານໂດລາ.
ຂ່າວ-ພາບ: ສັນຍາ
ຄໍາເຫັນ