ຊຸກຍູ້ປະຕິບັດສຳເລັດບັນດາເປົ້າໝາຍທີ່ໄດ້ວາງອອກ, ກ້າວເຂົ້າສູ່ສັງກາດໃໝ່ດ້ວຍຄວາມໝັ້ນແກ່ນ. ເນື່ອງໃນໂອກາດປີໃໝ່ 2025, ທ່ານເລືອງເກື່ອງປະທານປະເທດ ຫວຽດນາມ ໄດ້ແບ່ງປັນກັບສື່ມວນຊົນກ່ຽວກັບຜົນງານໃນການເຄື່ອນໄຫວປະຕິຮູບຕຸລາການ, ພົວພັນຕ່າງປະເທດ ແລະ ໜ້າທີ່ປົກປັກຮັກສາປະເທດຊາດໃນສະພາບການໃໝ່.
ເມື່ອແບ່ງປັນກ່ຽວກັບຜົນງານໃນການເຄື່ອນໄຫວພົວພັນຕ່າງປະເທດ ປີ 2024 ແລະ ກຳນົດທິດໃຫ້ແກ່ວຽກງານພົວພັນຕ່າງປະເທດປີ 2025, ທ່ານ ເລືອງເກື່ອງ ໃຫ້ຮູ້ວ່າ: ການພົວພັນຕ່າງປະເທດ - ການທູດ ຫວຽດນາມ ສືບຕໍ່ຢັ້ງຢືນໄດ້ບົດບາດນຳໜ້າພາທາງ, ປະກອບສ່ວນສ້າງສາ ແລະ ປົກປັກຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ, ເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນໄດ້ຢ່າງໝັ້ນແກ່ນ; ຮັບໃຊ້ການພັດທະນາ ແລະ ຍົກສູງທີ່ຕັ້ງ, ຖານະບົດບາດ, ອິດທິພົນໃໝ່ຂອງປະເທດໄດ້ເປັນຢ່າງດີ.
ກ່ຽວກັບບັນດາໜ້າທີ່ຈຸດສຸມເພື່ອປົກປັກຮັກສາປະເທດຊາດໃນສະພາບການໃໝ່, ທ່ານປະທານປະເທດ ເນັ້ນໜັກວ່າ ໃນສະພາບການປັດຈຸບັນ, ຫວຽດນາມ ຕ້ອງຢຶດໝັ້ນເປົ້າໝາຍເອກະລາດແຫ່ງຊາດ ແລະ ສັງຄົມນິຍົມ, ເພີ່ມທະວີກຳລັງແຮງສັງລວມຂອງຊາດ, ປົກປັກຮັກສາປະເທດຊາດຢ່າງໝັ້ນແກ່ນໃນທຸກກໍລະນີ.
ຄໍາເຫັນ