ເມື່ອແຍກຕາມປະເພດຜະລິດຕະພັນ, ການສົ່ງອອກເຊມິຄອນດັກເຕີ ເພີ່ມຂຶ້ນ 134%, ໂດຍໄດ້ຮັບແຮງຂັບເຄື່ອນຈາກການລົງທຶນດ້ານປັນຍາປະດິດ (AI) ແລະ ສູນຂໍ້ມູນ ທີ່ເຂັ້ມແຂງ, ໃນຂະນະທີ່ການສົ່ງອອກອຸປະກອນຄອມພິວເຕີເພີ່ມຂຶ້ນ 129% ແລະ ຜະລິດຕະພັນປິໂຕຣເຄມີເພີ່ມຂຶ້ນ 11%.
ຢ່າງໃດກໍຕາມ, ການສົ່ງອອກລົດຍົນຫຼຸດລົງເກືອບ 27% ແລະ ການສົ່ງອອກຊິ້ນສ່ວນລົດຍົນຫຼຸດລົງ 21% ຊຶ່ງເປັນຜົນມາຈາກມາດຕະການພາສີຂອງສະຫະລັດ ອາເມຣິກາ.
ໂຕເລກດັ່ງກ່າວສະທ້ອນໃຫ້ເຫັນວ່າຂະແໜງການສົ່ງອອກຂອງ ສ ເກົາຫຼີ ຍັງຄົງໄດ້ຮັບການສະໜັບສະໜູນຈາກວົງຈອນ AI ທົ່ວໂລກ ຊຶ່ງຊ່ວຍຊົດເຊີຍຄວາມອ່ອນແອໃນຂະແໜງການອື່ນໆ. ຂະນະທີ່ຜູ້ອຳນວຍການໃຫຍ່ຂອງອົງການການຄ້າໂລກ (WTO) ໄດ້ກ່າວໃນເດືອນທີ່ຜ່ານມາວ່າ: ການເຕີບໂຕຢ່າງໄວວາຂອງ AI ອາດເປັນຕົວຂັບເຄື່ອນທີ່ສຳຄັນຂອງການຄ້າໂລກໃນປີນີ້ ແລະ ຊ່ວຍຫຼຸດຜ່ອນແຮງກົດດັນຈາກພາສີຂອງສະຫະລັດ ອາເມຣິກາ.
ເມື່ອແຍກຕາມຈຸດໝາຍປາຍທາງ, ການສົ່ງອອກໄປຍັງປະເທດຈີນເພີ່ມຂຶ້ນເກືອບ 31%, ສະຫະລັດ ອາເມຣິກາເພີ່ມຂຶ້ນ 22%, ສະຫະພາບເອີຣົບ (EU) ເພີ່ມຂຶ້ນ 11.4% ແລະ ແຄວ້ນໄຕ້ຫວັນ ເພີ່ມຂຶ້ນ 76.4%.
ໃນຂະນະດຽວກັນ, ການນຳເຂົ້າຂອງ ສ ເກົາຫຼີ ໃນລະຫວ່າງວັນທີ 1-20 ກຸມພາ ເພີ່ມຂຶ້ນ 11.7% ເມື່ອທຽບກັບປີກ່ອນ ເປັນ 38.6 ຕື້ໂດລາ ຊຶ່ງສົ່ງຜົນໃຫ້ ສ ເກົາຫຼີ ມີການເກີນດຸນການຄ້າ 4.9 ຕື້ໂດລາ ໃນໄລຍະດັ່ງກ່າວ.
ຄໍາເຫັນ