 |
ເປັນຕົ້ນສ້າງຄວາມເຂັ້ມແຂງວຽກງານສົ່ງເສີມສຸຂະພາບ, ກັນພະຍາດຕິດຕໍ່ ແລະ ບໍ່ຕິດຕໍ່ ໄປພ້ອມກັບການສ້າງຄວາມເຂັ້ມແຂງວຽກງານຮັກສາສຸຂະພາບຂັ້ນຕົ້ນ; ຊຸກຍູ້, ສົ່ງເສີມໃຫ້ຊຸມຊົນເຂົ້າຮ່ວມ ແລະ ເປັນເຈົ້າການໃນວຽກງານຮັກສາສຸຂະພາບໃຫ້ເປັນຂະບວນການກວ້າງຂວາງ ແລະ ຟົດ ຟື້ນ; ປັບປຸງການສະໜອງການຮັກສາສຸຂະພາບຂອງແມ່, ເດັກອ່ອນ ແລະ ເດັກນ້ອຍ, ວຽກງານໂພຊະນາການໃນເດັກລຸ່ມ 5 ປີ ໃຫ້ມີຄຸນນະພາບ, ມີຄວາມເຊື່ອມສານຢ່າງເປັນລະບົບ ແລະ ທົ່ວເຖິງ; ຜັນຂະຫຍາຍແຜນງານແຫ່ງຊາດການປັບຕົວເຂົ້າກັບການປ່ຽນແປງດິນຟ້າອາກາດຂອງຂະ ແໜງສາທາລະນະສຸກ (H-NAP) 2026-2030 ເພື່ອຮັບມືຕໍ່ສະພາບການປ່ຽນແປງດິນຟ້າອາກາດທີ່ມີຜົນກະທົບຕໍ່ຂະແໜງສາທາລະນະສຸກໃນຂອບເຂດທົ່ວປະເທດ; ຫັນປ່ຽນໃໝ່ວິທີການສັກວັກຊິນປ້ອງກັນພະຍາດດ້ວຍການບໍລິການຢູ່ສະຖານທີ່ບໍລິການ (ໂຮງໝໍ ແລະ ສຸກສາລາ), ປັບປຸງລະບົບສຸຂະອະນາໄມ, ນໍ້າສະອາດ ແລະ ສຸຂາພິບານ ໃຫ້ມີຄຸນນະພາບທົ່ວເຖິງເຂດຊົນນະບົດ, ຫ່າງໄກສອກຫຼີກ ແລະ ບ່ອນເຂົ້າເຖິງຍາກ; ສ້າງຄວາມເຂັ້ມແຂງວຽກເຝົ້າລະວັງ ແລະ ໂຕ້ຕອບທຸກເຫດການສຸກເສີນດ້ານສາທາລະນະສຸກທັງຢູ່ສູນກາງ ແລະ ທ້ອງຖິ່ນ, ຍົກສູງວຽກງານວິເຄາະການແພດໃຫ້ໄດ້ມາດຕະຖານເທົ່າທຽມກັບພາກພື້ນ ແລະ ສາກົນ ເພື່ອຮັບປະກັນຄຸນນະພາບຂອງການບົ່ງມະຕິພະຍາດ; ສ້າງຄວາມເຂັ້ມແຂງໃນການຄວບຄຸມບັນດາພະຍາດຕິດຕໍ່ທີ່ເປັນບັນຫາດ້ານສາທາລະນະສຸກ ເປັນຕົ້ນພະຍາດເອດ, ວັນນະໂຣກ, ມະລາເລຍ, ການຕິດຕໍ່ພະຍາດຈາກສັດສູ່ຄົນ, ແມ່ກາຝາກ ແລະ ພະຍາດອື່ນໆ, ຮັບປະກັນ ໃຫ້ສາມາດຄວບຄຸມໄດ້ ແລະ ລຶບລ້າງບາງພະຍາດໃນປີ 2030; ປັບປຸງ, ຍົກລະດັບໂຄງລ່າງພື້ນຖານດ້ານສາທາລະນະສຸກ ທັງຢູ່ສູນກາງ ແລະ ທ້ອງຖິ່ນ ໃຫ້ໄດ້ມາດຕະຖານ ໄປພ້ອມກັບການສະໜອງອຸປະກອນການແພດທີ່ທັນສະໄໝ, ຮັບປະກັນການມີຢາທີ່ມີຄຸນນະພາບ ແລະ ພຽງພໍຕໍ່ການສະໜອງການບໍລິການ; ຫັນໂຮງໝໍລັດຢູ່ຂັ້ນສູນກາງ, ແຂວງສູ່ກົນໄກກຸ້ມຕົນເອງ ແລະ ຄວາມທັນສະໄໝເທື່ອລະກ້າວ, ປັບປຸງຊຸດບໍລິການໃຫ້ສົມຄູ່ກັບການບໍລິການຢູ່ໂຮງໝໍແຕ່ລະຂັ້ນຕາມນະໂຍບາຍ 5 ດີ, 1 ພໍໃຈ; ດັດສົມລາຄາຄ່າບໍລິການໃຫ້ສົມເຫດສົມຜົນ, ສ້າງຄວາມເຂັ້ມແຂງລະບົບສົ່ງຕໍ່ຄົນເຈັບ, ຄຸ້ມຄອງສະຖານທີ່ບໍລິການປິ່ນປົວທັງພາກລັດ ແລະ ພາກທຸລະກິດ ລວມທັງບຸກຄົນ, ນິຕິບຸກຄົນ ທີ່ດໍາເນີນການບໍລິການປິ່ນປົວ ແລະ ເສີມຄວາມງາມຕາມລະບຽບກົດໝາຍ; ເພີ່ມທະວີຄວາມອາດສາມາດໃນການຜະລິດທັງຢາຫຼວງ ແລະ ຢາພື້ນເມືອງ ເພື່ອສະໜອງໃຫ້ແກ່ການຊົມໃຊ້ພາຍໃນ, ມີສ່ວນສົ່ງອອກໄປຕ່າງປະເທດ, ຄຸ້ມຄອງການນໍາເຂົ້າຢາ, ອາຫານ, ເຄື່ອງດື່ມ, ເຄື່ອງສໍາອາງຢ່າງມີປະສິດທິຜົນ, ດັດສົມການນໍາເຂົ້າ ແລະ ການຜະລິດພາຍໃນຢ່າງມີປະສິດທິຜົນ ແລະ ມີຄວາມກົມກຽວກັບຂະແໜງການກ່ຽວຂ້ອງ.
 |
ພ້ອມນັ້ນ, ເພີ່ມທະວີຄວາມເອົາໃຈໃສ່ການອະນຸລັກພືດ-ສັດ ທີ່ເປັນຢາທີ່ຫາຍາກໃກ້ຈະສູນພັນ; ຊຸກຍູ້, ສົ່ງເສີມການຄົ້ນຄວ້າ, ການຜະລິດ ແລະ ການສົມທົບການນໍາໃຊ້ຢາພື້ນເມືອງ ແລະ ຢາຫຼວງເຂົ້າໃນການປິ່ນປົວ ແລະ ຮັກສາສຸຂະພາບຂອງປະຊາຊົນລາວບັນດາເຜົ່າໃຫ້ນັບມື້ຫຼາຍຂຶ້ນ; ຍົກສູງຄວາມສາມາດການກໍ່ສ້າງ, ການນໍາໃຊ້ບຸກຄະລາກອນສາທາລະນະສຸກທີ່ມີຄຸນນະພາບ, ຮັບປະກັນໃຫ້ສະຖານທີ່ບໍລິການສາທາລະນະສຸກຢູ່ແຕ່ລະຂັ້ນມີແພດຊ່ຽວຊານ, ຜູ້ຊຳນານງານຄົບຕາມມາດຖານຂອງການບັນຈຸບຸກຄະລາກອນ ເພື່ອຮັບປະກັນການບໍລິການທີ່ມີຄຸນນະພາບ; ປະຕິຮູບສະຖາບັນການສຶກສາ-ສາທາລະນະສຸກໃຫ້ມີມາດຕະຖານ ແລະ ຄຸນນະພາບເທົ່າທຽມກັບພາກພື້ນ ແລະ ສາກົນ ເພື່ອຮັບປະກັນການສ້າງບຸກຄະລາກອນທີ່ມີຄຸນນະພາບ; ສົມທົບແໜ້ນການຍົກສູງຄຸນນະພາບການບໍ ລິຫານຄຸ້ມຄອງ, ການບໍລິການ, ການສຶກສາສາທາລະນະສຸກ ໄປພ້ອມກັບການຍົກສູງວຽກງານການຄົ້ນຄວ້າວິທະຍາສາດສາທາລະນະສຸກ ເພື່ອເພີ່ມປະສິດທິພາບຂອງການພັດທະນາສາທາລະນະສຸກຢ່າງເປັນລະບົບ ແລະ ຕໍ່ເນື່ອງ; ສ້າງຄວາມເຂັ້ມແຂງໃນການວາງແຜນການ, ການກຳນົດຈຸດສຸມການພັດທະນາ ແລະ ຄວາມສາມາດການຄຸ້ມຄອງການເງິນສາທາລະນະສຸກ ທັງຢູ່ສູນກາງ ແລະ ທ້ອງຖິ່ນ, ຍົກສູງຄວາມສາມາດໃນການຄຸ້ມຄອງບັນດາໂຄງການລົງທຶນ (ທັງທຶນຂອງລັດ ແລະ ການຊ່ວຍເຫຼືອທາງການເພື່ອການພັດທະນາ) ຢ່າງມີປະສິດຕິພາບ, ປະສິດທິຜົນ ແລະ ທັນສະໄໝ; ສ້າງເງື່ອນໄຂໃຫ້ປະຊາຊົນລາວທຸກຊັ້ນຄົນສາມາດເຂົ້າເຖິງການບໍລິການສຸຂະພາບຢ່າງທົ່ວເຖິງ, ສະເໝີພາບ ແລະ ຍຸຕິທຳ ໂດຍການປັບປຸງລະບົບກອງທຶນປະກັນສັງຄົມ, ປະກັນສຸຂະພາບແຫ່ງຊາດໃຫ້ມີຄວາມເຂັ້ມ ແຂງ ແລະ ຍືນຍົງໄປພ້ອມກັບການດັດສົມຊຸດບໍລິການ ແລະ ລາຄາຄ່າບໍລິການຢ່າງເໝາະສົມ; ຍົກລະດັບປະສິດທິພາບຂອງການບໍລິຫານ-ຄຸ້ມຄອງ, ການພົວພັນ-ປະສານງານລະຫວ່າງສູນກາງ ແລະ ທ້ອງຖິ່ນກັບບັນດາປະເທດເພື່ອນມິດ ແລະ ສາກົນ ແລະ ຫັນສູ່ທັນສະໄໝເທື່ອລະກ້າວ; ເພີ່ມທະວີຄວາມເອົາໃຈໃສ່ວຽກງານກວດສອບ, ກວດກາໃຫ້ເປັນປົກກະຕິ ແລະ ຕໍ່ເນື່ອງ; ຮັບປະກັນຄຸນນະ ພາບດ້ານວິຊາຊີບສາທາລະນະສຸກ, ຍົກສູງບົດບາດຍິງ-ຊາຍ ແລະ ການຊ່ວຍເຫຼືອສະເພາະຜູ້ຖືກເຄາະຮ້າຍຈາກການໃຊ້ຄວາມຮຸນແຮງ, ຜູ້ຖືກເຄາະຮ້າຍຈາກການຄ້າມະນຸດຢູ່ບັນດາແຂວງ ແລະ ນະ ຄອນຫຼວງທົ່ວປະເທດ.
ຄໍາເຫັນ