AI ມີຄວາມຈໍາເປັນໃນການເພີ່ມປະສິດທິພາບການດຳເນີນທຸລະກິດຂອງ ສ ເກົາຫຼີ

13:39 10/06/2025

ຂ່າວຕ່າງປະເທດລາຍງານ ໃນວັນທີ 9 ມິຖຸນາ ຜ່ານມາວ່າ: ຜົນການສໍາຫຼວດໂດຍສະມາຄົມການຄ້າລະຫວ່າງປະເທດ ສ ເກົາຫຼີ (KITA) ພົບວ່າ: ຜູ້ສົ່ງອອກສ່ວນໃຫຍ່ໃນ ສ ເກົາຫຼີ ເຫັນເຖິງຄວາມຈຳເປັນຂອງການນໍາໃຊ້ປັນຍາປະດິດ (AI) ເພື່ອເພີ່ມປະສິດທິພາບການດຳເນີນທຸລະກິດ, ແຕ່ມີພຽງສ່ວນໜ້ອຍເທົ່ານັ້ນທີ່ນຳ AI ມາໃຊ້ຢ່າງຈິງຈັງ.

ຜົນການສໍາຫຼວດຜູ້ສົ່ງອອກ 396 ລາຍ ໃນລະຫວ່າງວັນທີ 17-19 ເດືອນກຸມພາ ຜ່ານມາ ເປີດເຜີຍໃຫ້ເຫັນວ່າ: ຜູ້ຕອບແບບສອບຖາມ 78% ຄິດວ່າການໃຊ້ງານ AI ມີຄວາມຈໍາເປັນ, ແຕ່ມີພຽງແຕ່ 16.9% ເທົ່ານັ້ນ ທີ່ກຳລັງໃຊ້ AI ຢ່າງຈິງຈັງ ເພື່ອເພີ່ມປະສິດທິພາບ ຫຼື ການຄຸ້ມຄອງວຽກງາຕ່າງໆ, ຂະນະທີ່ 68.7% ແມ່ນໃຊ້ງານ AI ຢ່າງຈຳກັດ ຫຼື ຍັງພິຈາລະນາການໃຊ້ງານ.

ຜົນການສໍາຫຼວດຍັງເປີດເຜີຍອີກວ່າ: 21.9% ຂອງຜູ້ຕອບແບບສຳຫຼວດທີ່ນໍາໃຊ້ AI ນັ້ນ ແມ່ນໃຊ້ສໍາລັບການຕະຫຼາດ ແລະ ສ້າງຍີ່ຫໍ້, ໃນຂະນະທີ່ 19.7% ແມ່ນໃຊ້ມັນສໍາລັບການວາງແຜນ ແລະ ພັດທະນາຜະລິດຕະພັນ.

ຜົນການສໍາຫຼວດລະບຸວ່າ: ພາລະດ້ານຕົ້ນທຶນ ແລະ ການຂາດແຄນບຸກຄະລາກອນທີ່ມີຄວາມສໍານິຊໍານານເປັນອຸປະສັກທີ່ໃຫຍ່ທີ່ສຸດຕໍ່ການນໍາໃຊ້ AI, ຢູ່ທີ່ 26.1% ແລະ 25.4% ຕາມລໍາດັບ.

ນອກຈາກນີ້, KITA ຊີ້ໃຫ້ເຫັນເຖິງການຂາດແຄນຂໍ້ມູນ ແລະ ໂຄງສ້າງພື້ນຖານທີ່ຈໍາເປັນຕໍ່ການນຳໃຊ້ AI ໃນຂະແໜງອຸດສາຫະກໍາ. ພ້ອມທັງຮຽກຮ້ອງໃຫ້ສົ່ງເສີມການນໍາໃຊ້ AI ໃນບັນດາຜູ້ສົ່ງອອກ, ໂດຍລະບຸວ່າ: "ການຮ່ວມມືລະຫວ່າງພາກລັດ - ເອກະຊົນແມ່ນສໍາຄັນຕໍ່ການນໍາ AI ມາໃຊ້ໃນບັນດາຜູ້ສົ່ງອອກ, ໂດຍສະເພາະເພື່ອຊ່ວຍໃຫ້ SMEs ນໍາໃຊ້ AI ຢ່າງມີປະສິດທິຜົນໂດຍອີງໃສ່ຂໍ້ມູນການຜະລິດ."

ຄໍາເຫັນ

ຂ່າວຕ່າງປະເທດ

ທາງສີ່ແຍກແຫ່ງປະຫວັດສາດ ແລະ ທິດທາງການພັດທະນາຂອງຈີນ

10/06/2025 14:24

ເມື່ອສັງເກດປະຫວັດສາດການພັດທະນາຂອງໂລກ, ສະພາບການປ່ຽນແປງອັນໃຫຍ່ຫຼວງທຳມະດາຈະເກີດຂຶ້ນພ້ອມກັບການປ່ຽນແປງໃຫຍ່ດ້ານການປຽບທຽບກັນຂອງກຳລັງສາກົນ ແລະ ການປັບປຸງຢ່າງໃຫຍ່ຂອງລະບຽບສາກົນ, ແລ້ວສ້າງການພົວພັນສາກົນຄືນໃໝ່. ທ່ານ ສີຈິ້ນຜິງ ປະທານປະເທດຈີນເຄີຍສະເໜີ “ສອງສະພາບໃຫຍ່”, ໜຶ່ງກໍຄືໂລກປັດຈຸບັນຢູ່ໃນສະພາບການປ່ຽນແປງອັນໃຫຍ່ຫຼວງແບບບໍ່ເຄີຍມີມາກ່ອນໃນຮອບຮ້ອຍປີ, ອີກຢ່າງໜຶ່ງກໍຄືສະພາບລວມທາງຍຸດທະສາດແຫ່ງການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ. ທ່ານໄດ້ຖືສອງ “ສະພາບການໃຫຍ່” ດັ່ງກ່າວເປັນ “ຈຸດເລີ່ມຕົ້ນພື້ນຖານດ້ານການວາງແຜນວຽກງານ” ຂອງການບໍລິຫານປະເທດ.

ຫວຽດນາມ ສ້າງແຜນນະໂຍບາຍໂຮມສາມແຂວງເລິມດົ່ງ, ບິ່ງທ້ວນ, ດັກນົງ ເຂົ້າກັນນະໂຍບາຍໃຫຍ່

10/06/2025 13:40

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 9 ມິຖຸນາ ຜ່ານມາ ຢູ່ແຂວງເລິມດົ່ງ, ທ່ານ ໂຕເລິມເລຂາທິການໃຫຍ່ ພັກກອມມູນິດ ຫວຽດນາມ ໄດ້ເປັນປະທານການເຮັດວຽກກັບຄະນະປະຈຳຄະນະພັກແຂວງເລິມດົ່ງ ແລະ ຄະນະປະຈຳບັນດາຄະນະພັກແຂວງບິ່ງທ້ວນ ແລະ ດັກນົງ ກ່ຽວກັບສະພາບການປະຕິບັດບັນດາມະຕິ, ບົດສະຫຼຸບຂອງສູນກາງ, ການສັບຊ້ອນກົງຈັກການຈັດຕັ້ງຂອງ 3 ທ້ອງຖິ່ນຕິດພັນກັບການຈັດກອງປະຊຸມໃຫຍ່ອົງຄະນະພັກທຸກຂັ້ນ ກ້າວໄປເຖິງກອງປະຊຸມໃຫຍ່ຄັ້ງທີ XIV ຂອງພັກ, ວຽກງານປ້ອງກັນຊາດ, ປ້ອງກັນຄວາມສະຫງົບ, ການປະຕິບັດໜ້າທີ່ເຕີບໂຕເສດຖະກິດຢູ່ບັນດາທ້ອງຖິ່ນ ແລະ ວຽກງານຮັບປະກັນການຊ່ວຍເຫຼືອສັງຄົມ. ທ່ານ ໂຕເລິມ ຊີ້ແຈ້ງວ່າແຜນນະໂຍບາຍໂຮມສາມແຂວງເຂົ້າກັນ ເພື່ອສ້າງແຂວງເລິມດົ່ງ (ໃໝ່) ແມ່ນນະໂຍບາຍຊີ້ຂາດ, ທັງມີລັກສະນະຍຸດທະສາດ ແລະ ມີລັກສະນະທີ່ມີຄວາມເປັນໄປໄດ້ເພື່ອແນໃສ່ຍົກສູງປະສິດທິຜົນ, ປະສິດທິພາບໃນການຄຸ້ມຄອງ, ບໍລິຫານ, ຈັດສັນຄືນເຂດພັດະນາຕາມທິດເປີດກ້ວາງ, ມີຄວາມສະໜິດຕິດພັນ ແລະ ຍືນຍົງ.

ມຽນມາ ວາງເປົ້າໝາຍສົ່ງອອກຢາພາລາ ບັນລຸ 3.5 ແສນໂຕນ

10/06/2025 13:37

ຂ່າວຕ່າງປະເທດລາຍງານວ່າ: ໃນວັນທີ 8 ມິຖຸນາ ຜ່ານມາ, ເຈົ້າໜ້າທີ່ສະມາຄົມຜູ້ປູກ ແລະ ຜະລິດຢາງພາລາມຽນມາ ກ່າວຕໍ່ຂ່າວສານຊິນຮວາວ່າ: ມຽນມາວາງເປົ້າໝາຍຈະສົ່ງອອກຢາງພາລາປະມານ 350,000-380,000 ໂຕນ ໃນປີງົບປະມານ 2025-2026 (ເມສາ 2025-ມີນາ 2026).

ອິນໂດເນເຊຍ ສົ່ງອອກສາລີ 1,200 ໂຕນ ໄປມາເລເຊຍ

10/06/2025 13:36

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ອິນໂດເນເຊຍສົ່ງອອກສາລີໄປມາເລເຊຍເປັນຄັ້ງທຳອິດ, ທ່ານ ພຣາໂບໂວ ຊູບຽນໂຕ ປະທານາທິບໍດີອິນໂດເນເຊຍ ໄດ້ເຂົ້າຮ່ວມພິທີສົ່ງອອກສາລີ 1,200 ໂຕນໄປຍັງມາເລເຊຍ ຊຶ່ງພິທີຈັດຂຶ້ນຢູ່ເມືອງເບງກາຍັງ ແຂວງກາລືມັນຕັນຕາເວັນຕົກ.

ການຄ້າລະຫວ່າງກຳປູເຈຍ ແລະ ປະເທດອາຊຽນ ເພີ່ມຂຶ້ນ 4.6%

10/06/2025 13:34

ຂ່າວຕ່າງປະເທດລາຍງານ ໃນວັນທີ 9 ມິຖຸນາ ຜ່ານມາ; ກົມພາສີ ແລະ ອາກອນ ຂອງກຳປູເຈຍລາຍງານວ່າ: ມູນຄ່າການຄ້າລະຫວ່າງກຳປູເຈຍ ແລະ ປະເທດສະມາຊິກອາຊຽນ ຢູ່ທີ່ 5,9 ຕື້ໂດລາ ໃນ 4 ເດືອນຕົ້ນປີ (ມັງກອນ-ເມສາ) ຂອງປີ 2025, ເພີ່ມຂຶ້ນ 4.6% ຈາກ 5.64 ຕື້ໂດລາ.

ມູນຄ່າການຄ້າສິນຄ້າຂາເຂົ້າ - ຂາອອກ ຂອງຈີນເພີ່ມຂຶ້ນ 2,5%

10/06/2025 13:33

ຂ່າວສານຊີອາໄອລາຍງານວ່າ: ໃນວັນທີ 9 ມິຖຸນາ ຜ່ານມານີ້, ອົງການພາສີຈີນໄດ້ແຈ້ງໃຫ້ຮູ້ວ່າ, ໃນໄລຍະ 5 ເດືອນຕົ້ນປີນີ້, ມູນຄ່າການຄ້າສິນຄ້າຂາເຂົ້າ-ຂາອອກຂອງຈີນມີເຖິງ 17.940 ຕື້ຢວນ, ເພີ່ມຂຶ້ນ 2.5% ເມື່ອທຽບໃສ່ໄລຍະດຽວກັນຂອງປີກາຍນີ້.

ຫວຽດນາມ ປັບປຸງກົດໝາຍວ່າດ້ວຍການນຳໃຊ້ພະລັງງານປະຢັດ ແລະ ມີປະສິດທິຜົນ

10/06/2025 13:15

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 9 ມິຖຸນາ ຜ່ານມາ ຢູ່ນະຄອນຫຼວງຮ່າໂນ້ຍ, ຄະນະປະຈຳສະພາແຫ່ງຊາດ ຫວຽດນາມ ໄດ້ປະກອບຄຳເຫັນໃສ່ຮ່າງກົດໝາຍບາງສະບັບ, ໃນນັ້ນມີກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການນຳໃຊ້ພະລັງງານປະຢັດ ແລະ ມີປະສິດທິຜົນ. ທ່ານ ເຈິ່ນແທັງເໝິນ ປະທານສະພາແຫ່ງຊາດ ຫວຽດນາມ ຊີ້ແຈ້ງວ່າ: ການປັບປຸງ, ເພີ່ມເຕີມຄັ້ງນີ້ເພື່ອແນໃສ່ແກ້ໄຂບັນດາຈຸດອ່ອນພາຍຫຼັງ 15 ປີປະຕິບັດກົດໝາຍວ່າດ້ວຍການນຳໃຊ້ພະລັງງານປະຢັດ ແລະ ມີປະສິດທິຜົນ.

ນັກວິທະຍາສາດຣັດເຊຍ ພັດທະນາສານເຄືອບເຮືອບິນລຸ້ນໃໝ່

09/06/2025 12:19

ຂ່າວຕ່າງປະເທດລາຍງານວ່າ: ໃນທ້າຍອາທິດຜ່ານມາ, ສະຖາບັນ Kurchatov ຂອງຣັດເຊຍ ໄດ້ເປີດເຜີຍວ່າໄດ້ພັດທະນາສານເຄືອບເຮືອບິນທີ່ມີນໍ້າໜັກເບົາ ສາມາດຫຼຸດຜ່ອນຄວາມຖີ່ຂອງການບໍາລຸງຮັກສາໄດ້ຢ່າງຫຼວງຫຼາຍ.

ນັກຄົ້ນຄວ້າອົສຕຣາລີ ພັດທະນາ AI ຮັບຮູ້-ເຂົ້າໃຈຄວາມຮູ້ສຶກຂອງມະນຸດ

09/06/2025 12:17

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ທີມນັກຄົ້ນຄວ້າຂອງອົສຕຣາລີໄດ້ເປີດເຜີຍວິທີການເຮັດໃຫ້ລະບົບປັນຍາປະດິດ (AI) ສາມາດຮັບຮູ້ຄວາມຮູ້ສຶກໄດ້ຫຼາຍຂຶ້ນ ຊຶ່ງເປັນການວາງພື້ນຖານສໍາລັບການໂຕ້ຕອບລະຫວ່າງມະນຸດກັບເຄື່ອງຈັກທີ່ມີຄວາມເຫັນອົກເຫັນໃຈ ແລະ ມີປະສິດທິພາບຫຼາຍຂຶ້ນ.

ECB ຫຼຸດຜ່ອນອັດຕາດອກເບ້ຍ

09/06/2025 12:15

ວິທະຍຸກະຈາຍສຽງຫວຽດນາມລາຍງານວ່າ: ໃນທ້າຍອາທິດຜ່ານມາ, ທະນາຄານສູນກາງເອີຣົບ (ECB) ໄດ້ຫຼຸດອັດຕາດອກເບ້ຍລົງ 0.25 ຍ້ອນຄວາມວິຕົກກັງວົນ ກ່ຽວກັບພື້ນຖານເສດຖະກິດພາກພື້ນນຳໃຊ້ສະກຸນເງິນເອີໂຣ (Eurozone) ພວມປະສົບກັບຄວາມຫຍຸ້ງຍາກ ແລະ ຄວາມເຄັ່ງຕຶງດ້ານການຄ້າທົ່ວໂລກເພີ່ມຂຶ້ນ. ດັ່ງນັ້ນ, ນັບແຕ່ເດືອນມິຖຸນາ 2024, ECB ໄດ້ຫຼຸດຜ່ອນອັດຕາດອກເບ້ຍລົງ 8 ເທື່ອ, ເທົ່າກັບ 2 ຄະແນນສ່ວນຮ້ອຍ, ເພື່ອແນໃສ່ໜູນຊ່ວຍພື້ນຖານເສດຖະກິດ Eurozone. ອັດຕາດອກເບ້ຍເງິນຝາກຫຼຸດລົງແຕ່ 2.25% ເປັນ 2%, ອັດຕາດອກເບ້ຍກູ້ຢຶມຫຼຸດແຕ່ 2.65% ເປັນ 2.4%.

ເພີ່ມເຕີມ