ຢ່າງໃດກໍຕາມ, ການທີ່ບໍລິສັດຍີ່ປຸ່ນພາກັນຫຼຸດລາຄາລົດໃນຄັ້ງນີ້ ໄດ້ເຮັດໃຫ້ເກີດຄວາມກັງວົນວ່າຈະສົ່ງຜົນກະທົບຕໍ່ກໍາໄລ ແລະ ຫຼຸດຄວາມສາມາດຂອງ BOJ ທີ່ຈະເພີ່ມຄ່າຈ້າງ ຊຶ່ງເປັນອົງປະກອບສຳຄັນເພື່ອບັນລຸເປົ້າໝາຍອັດຕາເງິນເຟີ້ຢ່າງຍືນຍົງ.
BOJ ຍັງລະບຸຕື່ມວ່າ: ດັດຊະນີລາຄາຜູ້ຜະລິດໂດຍລວມໄດ້ເພີ່ມຂຶ້ນ 2.9% ໃນເດືອນມິຖຸນາ ເມື່ອທຽບກັບປີກ່ອນ ຊຶ່ງຫຼຸດລົງຫຼັງຈາກການເພີ່ມຂຶ້ນ 3.3% ໃນເດືອນພຶດສະພາ, ຍ້ອນລາຄານໍ້າມັນ ແລະ ເຫຼັກກ້າ ຫຼຸດລົງ.
ທ່ານ ຄາຊູໂອະ ອຸເອດະ ຜູ້ວ່າການ BOJ ກ່າວວ່າ: ກໍາລັງຕິດຕາມຢ່າງໃກ້ຊິດວ່າວົງຈອນຄ່າຈ້າງ - ເງິນເຟີ້ ຈະຍັງຄົງຢູ່ໃນທິດທາງທີ່ເໝາະສົມຫຼືບໍ່ ເມື່ອປະເຊີນກັບອັດຕາພາສີຂອງ ສະຫະລັດ ອາເມຣິກາ ເພື່ອໃຫ້ BOJ ສາມາດກໍານົດເວລາທີ່ຈະເພີ່ມອັດຕາດອກເບ້ຍອີກເທື່ອໜຶ່ງ.
ທັງນີ້, ນອກຈາກອັດຕາພາສີລົດແລ້ວ, ທ່ານ ທຣໍາ ຍັງໄດ້ປະກາດອັດຕາພາສີ 25% ໃນການນຳເຂົ້າສິນຄ້າຂອງຍີ່ປຸ່ນ, ໂດຍມີຜົນບັງຄັບໃຊ້ໃນວັນທີ 1 ສິງຫານີ້ ຊຶ່ງອັດຕາພາສີໃໝ່ແມ່ນເພີ່ມຂຶ້ນຈາກ 24% ທີ່ປະກາດໃນວັນທີ 2 ເມສາ ຜ່ານມາ.
ຄໍາເຫັນ