 |
ບົດລາຍງານກ່ຽວຂ້ອງທີ່ເຜີຍແຜ່ໃນງານນີ້ສະແດງໃຫ້ເຫັນວ່າ, ນັບມາຮອດທ້າຍປີ 2024, ຈີນໄດ້ດຶງດູດການລົງທຶນຫຼາຍກວ່າ 100 ຕື້ໂດລາ ເປັນເວລາ 15 ປີລຽນຕິດ, ຢູ່ໃນລະດັບແຖວໜ້າຂອງໂລກຢ່າງໝັ້ນທ່ຽງ. ເມື່ອມຸ່ງໜ້າສູ່ອະນາຄົດ, ວິສາຫະກິດຕ່າງປະເທດຈະເປັນ “ນັກກິລາແລ່ນມາລາທອນ” ຢູ່ຈີນຄືແນວໃດ?
ປັດຈຸບັນນີ້, ຕະຫຼາດຂະໜາດໃຫຍ່ພິເສດຂອງຈີນກຳລັງເປັ່ງຄວາມສາມາດບົ່ມຊ້ອນອັນໃຫຍ່ຫຼວງໃນການປ່ຽນແປງຮູບແບບ ແລະ ຍົກລະດັບການພັດທະນາ. ໃນງານຕະຫຼາດນັດຄັ້ງນີ້, ທຶນຕ່າງປະເທດພາກັນພັນລະນາຕະຫຼາດຈີນເປັນ “ລາຍການທີ່ຕ້ອງຄັດເລືອກ”. ທ່ານ ມູ້ເຢນຄຸຍ ປະທານກຸ່ມບໍລິສັດເຟີ່ງຢີ້ສາກົນສິງກະໂປ ສາຂາຈີນເຫັນວ່າ, ຄຽງຄູ່ກັບຜູ້ບໍລິໂພກຈີນມີລາຍຮັບເພີ່ມຂຶ້ນ, ສະແຫວງຫາຊີວິດການເປັນຢູ່ທີ່ມີຄຸນະພາບນັບມື້ນັບສູງຂຶ້ນ, ໃນຂົງເຂດປຸງແຕ່ງສະບຽງອາຫານ ແລະ ນ້ຳມັນໃຫ້ປານີດເລິກເຊິ່ງກວ່າເກົ່າ, ຂົງເຂດບຳລຸງສຸຂະພາບມີຕະຫຼາດອັນໃຫຍ່ຫຼວງ.
ໃນຊຸມປີມໍ່ໆມານີ້, ວິສາຫະກິດຕ່າງປະເທດໄດ້ເລັ່ງລັດລົງທຶນເຂົ້າໃນຂົງເຂດກຳລັງການຜະລິດໃນຄຸນນະພາບໃໝ່, ໄດ້ປາະກົດມີສະພາບການໃໝ່ທີ່ເຊື່ອມໂຍງກັບວິສາຫະກິດຈີນ. ທ່ານ ຫວ່າງຣຸ້ນຢີ ຮອງປະທານບໍລິຫານງານກຸ່ມບໍລິສັດZF ເຢຍລະມັນໃຫ້ຮູ້ວ່າ, ຄວາມໄວແຫ່ງການປະດິດສ້າງໃໝ່ຂອງຕະຫຼາດຈີນໄດ້ກະຕຸກຊຸກຍູ້ກຳລັງການປະດິດສ້າງໃໝ່ຂອງເຂົາເຈົ້າຢ່າງຫຼວງຫຼາຍ.
ບົດລາຍງານທີ່ກ່ຽວຂ້ອງທີ່ເປີດເຜີຍໃນງານຄັ້ງນີ້ສະແດງໃຫ້ເຫັນວ່າ, ປີ 2024, ວິສາຫະກິດອຸດສາຫະກຳທີ່ມີລາຍຮັບ 20 ລ້ານຢວນຂຶ້ນໄປຕໍ່ປີຂອງທຶນຕ່າງປະເທດຢູ່ຈີນມີອັດຕາກຳໄລເຖິງ 6.6%, ສູງກວ່າອັດຕາກຳໄລຂອງວິສາຫະກິດອຸດສາຫະກຳທີ່ມີລາຍຮັບ 20 ລ້ານຢວນຂຶ້ນໄປຂອງທົ່ວປະເທດຈີນ 1,2%.
ໃນເມື່ອບໍ່ດົນມານີ້, ງານຕະຫຼາດນັດການຄ້າການບໍລິການສາກົນຈີນປີ 2025 ໄດ້ຈັດຂຶ້ນຢູ່ນະຄອນຫຼວງປັກກິ່ງ ຢ່າງຟົດຟື້ນ; ໃນເດືອນພະຈິກປີນີ້, ງານວາງສະແດງສິນຄ້ານຳເຂົ້າສາກົນຈີນ ຄັ້ງທີ 8 ຈະຈັດຂຶ້ນຢູ່ນະຄອນຊຽງໄຮ້ ຕາມເວລາທີ່ກຳນົດ. ຄືຜູ້ຕາງໜ້າບໍລິສັດຂ້າມຊາດກ່າວວ່າ, ຕະຫຼາດຈີນໄດ້ກາຍເປັນ “ສູນຫັດກາຍ” ຂອງເຂົາເຈົ້າ ໂດຍມີຄວາມໝາຍວ່າ, ມີແຕ່ພັດທະນາຢ່າງເຕັມສ່ວນ ແລະ ເສີມສ້າງຄວາມສາມາດໃນການແຂ່ງຂັນຢູ່ນີ້ ຈຶ່ງສາມາດກ້າວໄປໄກກວ່າເກົ່າໃນໂລກດ້ວຍ “ຄຸນນະພາບທີ່ດີເລີດ”.
ໂດຍ: ຊີອາໄອ
ຄໍາເຫັນ