 |
ແຕ່ລະປີພວກເຮົາຈະເຫັນໄດ້ວ່າ: ມີແມ່ຍິງຫຼາຍຮ້ອຍຄົນໃນ ສປປ ລາວ ທີ່ເສຍຊີວິດຍ້ອນມະເຮັງປາກມົດລູກ. ສະນັ້ນ, ວັກຊິນ HPV ສາມາດປົກປ້ອງການຕິດເຊື້ອຈຸລະໂລກ HPV ສາຍພັນ 16 ແລະ 18 ທີ່ເປັນສາຍເຫດຂອງການເປັນມະເຮັງປາກມົດລູກໄດ້ຫຼາຍ ກວ່າ 70%. ພ້ອມນັ້ນ, ວັກຊິນປ້ອງກັນມະເຮັງປາກມົດລູກທີ່ ສປປ ລາວ ນຳໃຊ້ໃນປັດຈຸບັນ ສາມາດປ້ອງກັນໄດ້ 4 ສາຍພັນຄື: 6,11,16 ແລະ 18 ຊ່ວຍຢຸດການແຜ່ເຊື້ອຈຸລະໂລກ HPV, ຊ່ວຍຫຼຸດຄວາມສ່ຽງການທຳລາຍຈຸລັງປາກມົດລູກຈາກເຊື້ອຈຸລະໂລກ, ຊ່ວຍຫຼຸດກໍລະນີມະເຮັງປາກມົດລູກ. ໃນນັ້ນ, ຈົ່ງໝັ່ນໃຈວ່າ: ວັກຊິນ HPV ແມ່ນມີປະສິດທິພາບ ແລະ ປອດໄພສູງ ແຕ່ວັກຊິນ ກໍຄືກັບວັກຊິນທົ່ວໄປ ບາງຄັ້ງສາມາດເຮັດໃຫ້ເກີດຜົນຂ້າງຄຽງໄດ້ ໂດຍທົ່ວໄປແລ້ວວັກຊິນຊະນິດນີ້ແມ່ນບໍ່ມັກເກີດມີຜົນຂ້າງຄຽງ, ຖ້າເກີດແມ່ນບໍ່ຮຸນແຮງ ແລະ ມີອາການໄລຍະສັ້ນ. ປັດຈຸບັນ ກະຊວງສາທາລະນະສຸກ ໄດ້ມີຂະບວນເຄື່ອນໄຫວລົງສັກວັກຊິນປ້ອງກັນມະເຮັງປາກມົດລູກ ແລະ ເຊື້ອ HPV ໃຫ້ລູກ-ຫຼານ ເດັກຍິງທີ່ມີເປົ້າໝາຍອາຍຸ 10 ປີ ຢູ່ຕາມໂຮງຮຽນແຫ່ງຕ່າງໆ ໃນນະຄອນຫຼວງວຽງຈັນ ແລະ ຕ່າງແຂວງໃນຂອບເຂດທົ່ວປະເທດ ເລີ່ມແຕ່ວັນທີ 3 ຫາ 25 ທັນວາ 2025 ໂດຍບໍ່ເສຍຄ່າ.
 |
ຢ່າງໃດກໍຕາມ ຖ້າຫາກລູກ-ຫຼານຂອງທ່ານພາດໂອກາດໃນການຮັບວັກຊິນຢູ່ພາຍໃນໂຮງຮຽນ ກໍສາມາດນໍາພາລູກ-ຫຼານ ໄປຮັບວັກຊິນໄດ້ທີ່ ໂຮງໝໍເມືອງ, ແຂວງ, ສູນນກາງ ແລະ ສຸກສາລາ ໂດຍບໍ່ເສຍຄ່າໄດ້ເຊັ່ນກັນ. ການສັກວັກຊິນປ້ອງກັນມະເຮັງປາກມົດລູກ ເປັນຂອງຂັວນທາງສຸຂະພາບໃຫ້ລູກ-ຫຼານ, ຄົນໃນຄອບຄົວ ແລະ ຄົນອ້ອມຂ້າງຂອງທ່ານ ເພື່ອອະນາຄົດທີ່ສົດໃສ ແລະ ປອດໄພ.
 |
(ຂໍ້ມູນ: ກະຊວງສາທາລະນະສຸກ)
ຄໍາເຫັນ