ໃຫ້ຂໍ້ມູນຂ່າວສານກ່ຽວກັບມົນລະພິດທາງອາກາດ ແລະ ຜົນກະທົບຕໍ່ສຸຂະພາບ

13:20 03/02/2026

ກະຊວງສາທາລະນະສຸກ ຮ່ວມກັບກະຊວງກະສິກຳ ແລະ ສິ່ງແວດລ້ອມ ຈັດກອງປະຊຸມໃຫ້ຂໍ້ມູນຂ່າວ ສານກ່ຽວກັບມົນລະພິດທາງອາກາດ ແລະ ຜົນກະທົບຕໍ່ສຸຂະພາບ ຂຶ້ນໃນວັນທີ 3 ກຸມພານີ້ ທີ່ນະຄອນຫຼວງ ວຽງຈັນ ໂດຍການເປັນປະທານຮ່ວມຂອງທ່ານນາງ ວຽງຂັນ ພິໄຊ ຮອງຫົວໜ້າກົມອະນາໄມ ແລະ ສົ່ງເສີມ ສຸຂະພາບ ກະຊວງສາທາລະນະສຸກ ແລະ ທ່ານນາງ ເຕືອນຈິດ ອາລຸນລາສີ ຮອງຫົວໜ້າສະຖາບັນນິເວດ ວິທະຍາສາດ ແລະ ເຕັກໂນໂລຊີຊີວະພາບ ກະຊວງກະສິກໍາ ແລະ ສິ່ງແວດລ້ອມ, ມີສື່ມວນຊົນຈາກພາກ ສ່ວນຕ່າງໆ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ໃຫຂມນຂາວສານກຽວກບມນລະພດທາງອາກາດ ແລະ ຜນກະທບຕສຂະພາບ - image 1

ກອງປະຊຸມຄັ້ງນີ້ ຈັດຂຶ້ນເພື່ອໃຫ້ຂໍ້ມູນຂ່າວສານກ່ຽວກັບມົນລະພິດທາງອາກາດ ແລະ ຜົນກະທົບຕໍ່ ສຸຂະພາບໃຫ້ສື່ມວນຊົນເພື່ອນໍາເອົາຂໍ້ມູນຂ່າວສານໄປໂຄສະນາ-ເຜີຍແຜ່, ແຈ້ງເຕືອນຜ່ານພາຫະນະສື່ຂອງຕົນຕາມຂໍ້ມູນຄວາມເປັນຈິງ ເພື່ອສ້າງຈິດສໍານຶກໃຫ້ສັງຄົມ, ປະຊາຊົນຮັບຮູ້-ເຂົ້າໃຈຕໍ່ບັນຫາດັ່ງກ່າວຢ່າງ ກວ້າງຂວາງໃນການຫຼຸດຜ່ອນແຫຼ່ງກໍາເນີດຂອງມົນລະພິດ ແລະ ເພື່ອສົ່ງເສີມສຸຂະພາບຂອງກຸ່ມທີ່ບອບບາງ.

ເນື່ອງຈາກຄາດການວ່າມົນລະພິດທາງອາກາດຈະເພີ່ມຂຶ້ນສູງໃນໄລຍະເດືອນມີນາ ຫາ ເມສາ. ສະນັ້ນ, ກະຊວງສາທາລະນະສຸກ ແລະ ກະຊວງກະສິກຳ ແລະ ສິ່ງແວດລ້ອມ ຈຶ່ງຮຽກຮ້ອງໃຫ້ທຸກຄົນຮ່ວມມືກັນ ເພື່ອຫຼຸດຜ່ອນມົນລະພິດທາງອາກາດ ແລະ ແນະນຳວິທີການປົກປ້ອງສຸຂະພາບຈາກຜົນກະທົບຂອງມົນ ລະພິດດັ່ງກ່າວ.

ໃຫຂມນຂາວສານກຽວກບມນລະພດທາງອາກາດ ແລະ ຜນກະທບຕສຂະພາບ - image 2

ມົນລະພິດທາງອາກາດ ເປັນປັດໄຈສ່ຽງດ້ານສິ່ງແວດລ້ອມທີ່ຮ້າຍແຮງທີ່ສຸດຕໍ່ສຸຂະພາບໃນທົ່ວໂລກ. ມົນລະພິດທາງອາກາດນອກອາຄານ ເປັນສາເຫດໃຫ້ປະຊາຊົນປະມານ 4.2 ລ້ານຄົນ ເສຍຊີວິດກ່ອນໄວອັນຄວນ ໃນປີ 2019 ຈາກການສຳຜັດມົນລະພິດທາງອາກາດ ໂດຍສະເພາະຝຸ່ນລະອອງຂະໜາດນ້ອຍ 2.5 (PM 2.5). ໃນ ສປປ ລາວ ແຫຼ່ງກຳເນີດຂອງມົນລະພິດອາກາດມາຈາກການຈູດ-ເຜົາເພື່ອການເຮັດກະສິກຳ, ການຈູດຂີ້ເຫຍື້ອຈາກຄົວເຮືອນ ແລະ ອຸດສາຫະກຳ, ໄຟໄໝ້ປ່າ ແລະ ການປ່ອຍມົນລະພິດຈາກຍານພາຫະນະຕ່າງໆ, ມົນລະພິດທາງອາກາດ ປະກອບດ້ວຍຝຸ່ນລະອອງຂະໜາດນ້ອຍ ແລະ ສານເຄມີ. ຄວາມຮ້າຍແຮງຂອງມົນລະພິດທາງອາກາດຖືກລາຍງານດ້ວຍດັດສະນີຄຸນນະພາບອາກາດ (AQI) ຊຶ່ງເປັນລະບົບການຈັດລະດັບທີ່ບົ່ງຊີ້ໃຫ້ເຫັນເຖິງລະດັບຄວາມເຂັ້ມຂຸ້ນຂອງມົນລະພິດທາງອາກາດ ລວມທັງ PM 2.5 ຊຶ່ງເປັນຝຸ່ນລະອອງຂະໜາດນ້ອຍປະເພດໜຶ່ງທີ່ອັນຕະລາຍ ແລະ ສົ່ງຜົນກະທົບຕໍ່ສຸຂະພາບຫຼາຍທີ່ສຸດ.

ມົນລະພິດທາງອາກາດ ສົ່ງຜົນກະທົບຕໍ່ສຸຂະພາບຂອງແຕ່ລະຄົນຫຼາຍໜ້ອຍຕ່າງກັນ. ກຸ່ມທີ່ມີຄວາມສ່ຽງ ສູງໄດ້ແກ່ເດັກນ້ອຍ, ຜູ້ສູງອາຍຸ, ແມ່ຍິງຖືພາ, ເດັກທີ່ຢູ່ໃນທ້ອງ ແລະ ຜູ້ທີ່ມີພະຍາດປະຈຳຕົວອື່ນໆເຊັ່ນ: ພະ ຍາດປອດຊໍາເຮື້ອ (COPD), ພູມແພ້ທາງເດີນຫາຍໃຈ, ຄວາມດັນເລືອດສູງ, ພະຍາດເບົາຫວານ ແລະ ພະ ຍາດຕຸ້ຍ. ຜູ້ທີ່ອາໄສ ຫຼື ເຮັດວຽກຢູ່ໃນເຂດທີ່ມີມົນລະພິດຢູ່ລະດັບຄວາມເຂັ້ມຂຸ້ນສູງຕໍ່ເນື່ອງ ອາດໄດ້ຮັບຜົນ ກະທົບຕໍ່ສຸຂະພາບຮ້າຍແຮງ. ໃນໄລຍະສັ້ນ, ການໄດ້ຮັບມົນລະພິດທາງອາກາດ ສາມາດເຮັດໃຫ້ມີອາການເຄືອງ ຄາຍຕາ, ດັງ, ຄໍ ແລະ ປອດ, ໄອ, ຈາມ, ນ້ຳມູກໄຫຼ, ຫາຍໃຈຍາກ ແລະ ເຮັດໃຫ້ອາການຂອງພະຍາດປະ ຈຳຕົວຮ້າຍແຮງຂຶ້ນ ເປັນຕົ້ນພະຍາດຫອບຫືດ. ໃນໄລຍະຍາວ, ການສຳຜັດກັບຝຸ່ນລະອອງຂະໜາດນ້ອຍ ໂດຍສະເພາະຝຸ່ນ PM 2.5 ສາມາດເພີ່ມຄວາມສ່ຽງຕໍ່ກັບພະຍາດເສັ້ນເລືອດສະໝອງຕີບ ຫຼື ແຕກ, ພະຍາດຫົວໃຈ, ມະເຮັງປອດ, ພະຍາດທາງເດີນຫາຍໃຈຊໍາເຮື້ອ ແລະ ກະທັນຫັນ ຊຶ່ງຜົນກະທົບຈາກການສຳຜັດມົນລະພິດນີ້ຈະສະສົມໄປຕະຫຼອດຊີວິດ.

ກອງປະຊຸມຄັ້ງນີ້, ຜູ້ເຂົ້າຮ່ວມຍັງໄດ້ຮັບຊົມວິດີໂອກ່ຽວກັບມົນລະພິດທາງອາກາດ, ຮັບຟັງການໃຫ້ ຄວາມຮູ້ໃນຫົວຂໍ້ສໍາຄັນຄື: ແຫຼ່ງທີ່ມາຂອງມົນລະພິດ ແລະ ການຕິດຕາມຄຸນນະພາບອາກາດ; ຜົນປະທົບ ຕໍ່ສຸຂະພາບຂອງມົນລະພິດທາງອາກາດ ແລະ ມາດຕະການປ້ອງກັນສຸຂະພາບ. ໃນນີ້, ຜູ້ເຂົ້າຮ່ວມຍັງໄດ້ ມີການສົນທະນາຖາມ-ຕອບກ່ຽວກັບບັນຫາດັ່ງກ່າວຕື່ມອີກ.

ຂ່າວ-ພາບ: ວັນເພັງ

ຄໍາເຫັນ

ຂ່າວສາທະລະນະສຸກ

ໂຮງໝໍບໍລິເວນ 107 ປາຖະກະຖາມູນເຊື້ອ 2 ວັນສໍາຄັນທາງປະຫວັດສາດ

20/03/2026 11:44

ວັນທີ 18 ມີນາຜ່ານມານີ້, ໂຮງໝໍບໍລິເວນ 107 ໄດ້ຈັດປາຖະກະຖາ ມູນເຊື້ອວັນສ້າງຕັ້ງພັກປະຊາຊົນປະຕິວັດລາວ ວັນທີ່ 22 ມີນາ ຄົບຮອບ 71 ປີ ແລະ ວັນນັກຮົບເສຍອົງຄະ, ເສຍສະຫຼະຊີວິດ ເພື່ອປະເທດຊາດ ວັນທີ່ 21 ມີນາ ຄົບຮອບ 80 ປີ ໂດຍເປັນປະທານຂອງສະຫາຍ ພັນເອກ ຍຸຄອນ ຜາລີເພັງ ເລຂາຄະນະພັກຮາກຖານ ຫົວໜ້າການເມືອງໂຮງໝໍບໍລິເວນ 107, ມີບັນດາຄະນະໜ່ວຍພັກ, ຫົວໜ້າພະແນກການ ຕະຫຼອດຮອດສະມາຊິກພັກ, ພະນັກງານ-ນັກຮົບທົ່ວກົມກອງ ເຂົ້າຮ່ວມຮັບຟັງ.

ໂຮງໝໍມິດຕະພາບສະຫຼຸບການຈັດຕັ້ງປະຕິບັດແຜນພັດທະນາປີ 2025

13/03/2026 13:00

ພິທີສະຫຼຸບການຈັດຕັ້ງປະຕິບັດແຜນພັດທະນາໂຮງໝໍປະຈໍາປີ 2025 ແລະ ທິດທາງປີ 2026 ໄດ້ຈັດຂຶ້ນໃນວັນທີ 12 ມີນານີ້ ທີ່ໂຮງໝໍມິດຕະພາບ, ໂດຍການເຂົ້າຮ່ວມຂອງທ່ານ ນາງ ໃບຄໍາ ຂັດທິຍະ ລັດຖະມົນຕີກະຊວງສາທາລະນະສຸກ, ເປັນປະທານຂອງທ່ານ ສອນໄຊ ລາດຊະວົງ ຜູ້ອໍານວຍການໂຮງໝໍມິດຕະພາບ, ມີບັນດາທ່ານ ຄະນະກົມ, ຄະນະອໍານວຍການ, ຄະນະສູນ ອ້ອມຂ້າງກະຊວງສາທາລະນະສຸກ, ຄະນະພະແນກ, ພະນັກງານແພດໝໍ ແລະ ວິຊາການພາຍໃນໂຮງໝໍເຂົ້າຮ່ວມ.

ສາທາ ນວ ຖອດຖອນບົດຮຽນວຽກງານກັນ ແລະ ຄວບຄຸມພະຍາດຕິດຕໍ່

12/03/2026 16:06

ພະແນກສາທາລະນະສຸກ ນະຄອນຫຼວງວຽງຈັນ (ນວ) ຈັດກອງປະຊຸມຖອດຖອນບົດຮຽນການຈັດຕັ້ງປະຕິບັດວຽກງານກັນ ແລະ ຄວບຄຸມພະຍາດຕິດຕໍ່ໃນ ນວ ປະຈຳປີ 2025 ແລະ ທິດທາງປີ 2026 ໃນວັນທີ 12 ມີນານີ້ ທີ່ພະແນກສາທາລະນະສຸກ ນວ ໃຫ້ກຽດເປັນປະທານຂອງທ່ານນາງ ໄຊພອນ ນັນທະພອນ ຫົວໜ້າພະແນກສາທາລະນະສຸກ ນວ, ມີບັນດາຫົວໜ້າ-ຮອງຫົວໜ້າພະແນກອ້ອມຂ້າງ ນວ, ຫ້ອງການສາທາລະນະສຸກເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.

ຫັນໂຮງໝໍມິດຕະພາບເປັນເຈົ້າຕົນເອງ ຍົກສູງຄຸນນະພາບການບໍລິການ-ຄວາມຍືນຍົງຮັບໃຊ້ສັງຄົມ

12/03/2026 14:55

ທ່ານ ສອນໄຊ ລາດຊະວົງ ຜູ້ອໍານວຍການໂຮງໝໍມິດຕະພາບ ໄດ້ໃຫ້ສໍາພາດກ່ຽວກັບການຈັດຕັ້ງປະຕິບັດ ການຫັນໂຮງໝໍເປັນເຈົ້າຕົນເອງທາງດ້ານງົບປະມານເທື່ອລະກ້າວ ຕໍ່ສື່ມວນຊົນໃນວັນທີ 12 ມີນານີ້ ທີ່ໂຮງໝໍດັ່ງກ່າວວ່າ: ໂຮງໝໍມິດຕະພາບ ເປັນໜຶ່ງໂຮງໝໍລັດ ທີ່ໄດ້ຈັດຕັ້ງປະຕິບັດການຫັນໂຮງໝໍເປັນເຈົ້າຕົນເອງ ແມ່ນແນວທາງນະໂຍບາຍຂອງພັກ-ລັດຂັ້ນເທິງວາງອອກ ເລີ່ມຈັດຕັ້ງປະຕິບັດນັບແຕ່ວັນທີ 1 ກໍລະກົດປີ 2022 ເປັນຕົ້ນມາ ໂດຍໄດ້ຮັບການມອບສິດການຈັດຕັ້ງ, ການບໍລິຫານ ແລະ ການບໍລິການ ອື່ນໆ ຂອງບັນດາໂຮງໝໍທີ່ໄດ້ຮັບອະນຸຍາດ. ຈາກນັ້ນ, ໄດ້ແຕ່ງຕັ້ງຄະນະກໍາມະການຮັບຜິດຊອບການຫັນຫົວໜ່ວຍໂຮງໝໍເປັນເຈົ້າຕົນເອງ ແລະ ໄດ້ມີການສຶກສາອັນໃດແດ່ ເປັນສິ່ງທີ່ມີພາຍໃນໂຮງໝໍ ແລະ ອັນໃດສາມາດເຮັດໄດ້ໄວ ເພື່ອຍົກສູງຄຸນນະພາບການບໍລິການ ແລະ ຄວາມຍືນຍົງຮັບໃຊ້ສັງຄົມ. ມາຮອດປັດຈຸ ບັນ ເຫັນວ່າການພັດທະນາຄຸນນະພາບຂອງໂຮງໝໍມິດຕະພາບມີທ່າອ່ຽງດີຂຶ້ນຢ່າງຕໍ່ເນື່ອງ.

ລິເລີ່ມພັດທະນາຫຼັກສູດຝຶກອົບຮົມໄລຍະສັ້ນດ້ານການເງິນ-ເສດຖະສາດສາທາລະນະສຸກ

11/03/2026 15:57

ມະຫາວິທະຍາໄລວິທະຍາສາດສຸຂະພາບ (ມວສ) ໄດ້ຈັດກອງປະຊຸມລິເລີ່ມການພັດທະນາຫຼັກສູດການຝຶກອົບຮົມໄລຍະສັ້ນດ້ານການເງິນສາທາລະນະສຸກ ແລະ ເສດຖະສາດສາທາລະນະສຸກ ພ້ອມທັງການພິຈາລະນາເຊື່ອມສານເນື້ອໃນດັ່ງກ່າວເຂົ້າໃນຫຼັກສູດລະດັບປະລິນຍາຕີ, ປະລິນຍາໂທ ແລະ ປະລິນຍາເອກ ຂອງ ມວສ ຂຶ້ນເມື່ອບໍ່ດົນມານີ້ ທີ່ນະຄອນຫຼວງວຽງຈັນ ໃຫ້ກຽດເປັນປະທານຂອງທ່ານ ມາຍຟອງ ມາຍຊາຍ ອະທິການບໍດີ ມວສ, ມີອົງການແຮງງານສາກົນ, ຜູ້ຕາງໜ້າຈາກອົງການ LOMWRU, CHAI, WHO, UNICEF, NITAG, HITAP, NUS, UNFPA, NIPH (Cambodia), KOFIH, ມີຄະນະບໍດີ-ຮອງຄະນະບໍດີ, ຄູ-ອາຈານ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ໂຮງໝໍແຂວງວຽງຈັນ ເປັນໂຮງໝໍຕົວແບບການລ້ຽງລູກດ້ວຍນົມແມ່

04/03/2026 12:49

ໂຮງໝໍແຂວງວຽງຈນ ໄດ້ຈັດກອງປະຊຸມພິທີສະເຫຼີມສະຫຼອງໂຮງໝໍແຂວງວຽງຈັນ ເປັນໂຮງໝໍຕົວແບບການລ້ຽງລູກດ້ວຍນົມແມ່ ປະຈຳປີ 2025 ຂຶ້ນໃນວັນທີ 3 ມີນານີ້ ຢູ່ທີ່ໂຮງໝໍດັ່ງກ່າວ.

ເຊກອງ ເປີດຂະບວນການ ວສຊ ໃຫ້ວັກຊີນກັນພະຍາດເປ້ຍຫຼ່ອຍ

03/03/2026 13:47

ວັນທີ 2 ມີນານີ້ ທີ່ໂຮງຮຽນອະນຸບານໂນນມີໄຊ ເມືອງລະມາມ ແຂວງເຊກອງ ໄດ້ຈັດພິທີເປີດຂະບວນການວັນສັກຢາກັນພະຍາດແຫ່ງຊາດ (ວສຊ) ຢອດໃຫ້ວັກຊີນກັນພະຍາດເປ້ຍຫຼ່ອຍ (ໂປລີໂອ) ໂດຍການໃຫ້ກຽດເຂົ້າຮ່ວມເປັນປະທານຮ່ວມ ຂອງທ່ານ ນາງ ສີສະຫງ່າ ແກ້ວດວງດີ ກໍາມະການປະຈໍາພັກແຂວງ ຮອງປະທານຄະນະກໍາມະການປົກຄອງແຂວງເຊກອງ, ທ່ານ ນາງ ພອນໄພ ສີວິໄລ ຮອງປະທານຄະນະກຳມະການປົກຄອງເມືອງລະມາມ, ມີຂະແໜງການກ່ຽວຂ້ອງຂັ້ນແຂວງ, ເມືອງ, ທິມງານແພດ-ໝໍ, ອຳນາດການປົກຄອງບ້ານ ແລະ ຫຼານນ້ອຍນັກຮຽນເຂົ້າຮ່ວມ.

ເມືອງໂຂງ ເປີດຂະບວນການຢອດຢາວັກຊີນປ້ອງກັນພະຍາດໂປລິໂອ ໃຫ້ເດັກອາຍຸຕ່ຳກວ່າ 5 ປີ

03/03/2026 13:36

ຫ້ອງການສາທາລະນະສຸກເມືອງໂຂງ ແຂວງຈຳປາສັກ ໄດ້ຈັດພິທີເປີດຂະບວນການຢອດຢາວັກຊີນປ້ອງກັນພະຍາດໂປລິໂອ ໃຫ້ແກ່ເດັກທີ່ມີອາຍຸລະຫວ່າງ 0-59 ເດືອນ (ຕ່ຳກວ່າ 5 ປີ) ຢ່າງເປັນທາງການ. ພິທີດັ່ງກ່າວຈັດຂຶ້ນໃນວັນທີ 2 ມີນານີ້ ທີ່ຕາແສງກະດັນ, ໂດຍໃຫ້ກຽດເຂົ້າຮ່ວມຂອງທ່ານ ໜູແສງ ຜຸຍບັນດິດຮອງປະທານຄະນະກຳມະການປົກຄອງເມືອງ, ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ມອບວຽກງານປະກັນສຸຂະພາບໃນລະບົບປະກັນສັງຄົມ ມາຂຶ້ນກັບ ຮສສ

03/03/2026 13:11

ເພື່ອເປັນການຍົກລະດັບການຄຸ້ມຄອງສຸຂະພາບໃຫ້ເປັນເອກະພາບ, ການຫັນປ່ຽນຄັ້ງນີ້ ຖືເປັນບາດກ້າວບຸກທະລຸໃນການປະຕິຮູບລະບົບສະຫວັດດີການສັງຄົມຂອງ ສປປ ລາວ ຊຶ່ງຈະຊ່ວຍໃຫ້ການບໍລິຫານຈັດການງົບປະມານ ແລະ ການບໍລິການດ້ານການແພດມີຄວາມກົມກຽວກັນຫຼາຍຂຶ້ນ, ແນໃສ່ເຮັດໃຫ້ປະຊາຊົນ ແລະ ຜູ້ອອກແຮງງານ ໄດ້ຮັບການເບິ່ງແຍງສຸຂະພາບທີ່ມີຄຸນນະພາບ ແລະ ຍຸຕິທຳ. ດັ່ງນັ້ນໃນວັນທີ 2 ມີນາ ນີ້ ທີ່ກະຊວງກະຊວງແຮງງານ ແລະ ສະຫວັດດີການສັງຄົມ (ຮສສ) ຈຶ່ງໄດ້ມີພິທີລົງນາມບົດບັນທຶກການມອບ-ຮັບ ວຽກງານປະກັນສຸຂະພາບໃນລະບົບປະກັນສັງຄົມ ລະຫວ່າງ ກະຊວງແຮງງານ ແລະ ສະຫວັດດີການສັງຄົມ (ຮສສ) ແລະ ກະຊວງສາທາລະນະສຸກ (ສສ). ລະຫວ່າງ ທ່ານ ໂພໄຊ ໄຊຍະສອນ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ແລະ ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງສາທາລະນະສຸກ.

ສາລະວັນ ເປີດຂະບວນການຢອດຢາວັກຊິນກັນພະຍາດແຫ່ງຊາດ ໂຕ້ຕອບພະຍາດເປ້ຍລ່ອຍ ໃຫ້ເດັກອາຍຸລຸ່ມ 5 ປີ

02/03/2026 15:21

ພະແນກສາທາລະນະສຸກແຂວງສາລະວັນ ເປີດຂະບວນການຈັດຕັ້ງປະຕິບັດວັນໃຫ້ວັກຊິກັນພະຍາດແຫ່ງຊາດ ຫຼື ວສຊ ໃຫ້ເດັກກຸ່ມເປົ້າໝາຍອາຍຸ 0-59 ເດືອນ ຫຼື ເດັກມີອາຍຸລຸ່ມ 5 ປີຈັດຂຶ້ນໃນວັນທີ 2 ມີນານີ້ທີ່ໂຮງຮຽນປະຖົມນາເຫຼັກ ເມືອງສາລະວັນ ໂດຍການເຂົ້າຮ່ວມຂອງທ່ານ ແຫວນເພັດ ລັດດາວົງ ຮອງປະທານຄະນະກໍາມະການປົກຄອງແຂວງປະທານຄະນະກຳມະການສົ່ງເສີມຄວາມກ້າວໜ້າຂອງແມ່ຍິງ ແລະ ເດັກນ້ອຍຂັ້ນແຂວງ, ທ່ານ ນາງ ບຸນໂຮມ ໂງ່ນກະເສີມສຸກ ຫົວໜ້າພະແນກສາທາລະນະສຸກແຂວງ, ມີບັນດາການນໍາຂັ້ນແຂວງ-ເມືອງ, ພະນັກງານແພດ-ໝໍ, ຄູ-ອາຈານ, ຜູ້ປົກຄອງເດັກ ພ້ອມດ້ວຍຫຼານນ້ອຍ ເຂົ້າຮ່ວມ.

ເພີ່ມເຕີມ