ໂຮງໝໍມິດຕະພາບໄດ້ຈັດກອງປະຊຸມສະຫຼຸບການຈັດຕັ້ງປະຕິບັດແຜນພັດທະນາໂຮງໝໍປະຈຳປີ 2023 ແລະ ຜ່ານແຜນການປີ 2024 ຂຶ້ນໃນວັນທີ 5 ມີນາ ນີ້ທີ່ຫ້ອງປະຊຸມໂຮງໝໍດັ່ງກ່າວໂດຍພາຍໃຕ້ການເປັນປະທານຂອງທ່ານ ສະໜອງທອງຊະນະ ຮອງລັດຖະມົນຕີກະຊວງສາທາລະນະສຸກ, ມີບັນດາທ່ານຄະນະກົມ, ຮອງກົມ, ຫົວໜ້າສູນ, ຄະນະອຳນວຍການໂຮງໝໍ, ພະນັກງານແພດໝໍ ແລະ ວິຊາການເຂົ້າຮ່ວມ.
ທ່ານ ສອນໄຊ ລາດຊະວົງ ຜູ້ອຳນວຍການໂຮງໝໍມິດຕະພາບໄດ້ຂຶ້ນລາຍງານການເຄື່ອນໄຫວຂອງໂຮງໝໍມິດຕະພາບໃນ1ປີຜ່ານມາ ຊຶ່ງສະແດງອອກໃຫ້ເຫັນເຖິງການຊີ້ນຳຂອງຄະນະອຳນວຍການນໍາພາໃນການປະຕິບັດວິໄສທັດຂອງໂຮງໝໍ ແລະໄດ້ພ້ອມກັນຜ່ານຜ່າເຮັດໜ້າທີ່ການເມືອງ ແລະ ໜ້າທີ່ວິຊາສະເພາະຂອງຕົນຕາມການມອບໝາຍຂອງການຈັດຕັ້ງ, ດ້ານວິຊາການ. ໃນ 1ປີຜ່ານມາໄດ້ກວດ ແລະປິ່ນປົວຄົນເຈັບ ຢູ່ຫ້ອງກວດເຂດນອກໄດ້ 152.288 ທ/ຄ, (ໃນນັ້ນກວດເຂດນອກໂຮງໝໍພາກຂະຫຍາຍ54.330 ທ/ຄ, ຮັບຄົນເຈັບສຸກເສີນ46.488 ຄົນ (ໃນນັ້ນອຸບັດເຫດທ້ອງຖະໜົນເຂົ້າມາສຸກເສີນ10.583 ກໍລະນີ). ຮັບຄົນເຈັບເຂົ້ານອນ23.177 ຄົນ, ອັດຕາການໝູນໃຊ້ຕຽງ119% (ໃນ 300 ຕຽງ), ເດັກເກີດໃໝ່1.629 ຄົນ, ຜ່າຕັດທັງໝົດ 8.294 ກໍລະນີ, ຟອກໄຂ່ຫຼັງ8.062 ທ/ຄ,ຄົນເຈັບສາຍແສງປິ່ນປົວມະເຮັງ6.504 ທ/ຄແລະໄດ້ເອົາໃຈໃສ່ສືບຕໍ່ການປະຕິບັດໜ້າທີ່ວຽກງານການຕອບໂຕ້, ສະກັດກັ້ນ ແລະ ຄວບຄຸມແກ້ໄຂການລະບາດຂອງເຊື້ອພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ 2019 ໂຄວິດ-19ຊຶ່ງໄດ້ເກັບຕົວຢ່າງຄົນເຈັບທີ່ເຂົ້າກໍລະນີສົງໄສທັງໝົດ572 ກໍລະນີ(ກວດດ້ວຍRapid test: 572 ກໍລະນີ (ໃຫ້ຜົນບວກ38), Gen Xpert: 0 ກໍລະນີ ແລະ ສົ່ງໄປ ສມລ ແລະ ສູນເມລິເອີ0), ເຂົ້ານອນປິ່ນປົວຈຳນວນ9 ກໍລະນີ, ປິ່ນປົວດີ ແລະ ອອກໂຮງໝໍທັງໝົດ 9 ກໍລະນີ.ພ້ອມດຽວກັນນັ້ນທາງໂຮງໝໍກໍຍັງໄດ້ສືບຕໍ່ເປີດກວ້າງໃນການສັກວັກຊິນປ້ອງກັນພະຍາດໂຄວິດ-19 ຊຶ່ງມີຜູ້ມາຮັບສັກວັກຊິນທັງໝົດ630 ເຂັມ, ນອກຈາກພະຍາດລະບາດໂຄວິດ-19 ແລ້ວ ໂຮງໝໍຍັງໄດ້ເອົາໃຈໃສ່ເຝົ້າລະວັງ ແລະ ປິ່ນປົວພະຍາດໄຂ້ຍຸງລາຍ ຊຶ່ງຜ່ານມາໄດ້ຮັບປິ່ນປົວທັງໝົດ1.596 ກໍລະນີ, ໃນນັ້ນກວດເຂດນອກ352 ກໍລະນີ, ສຸກເສີນ422 ກໍລະນີ,ຊຶມເຊື້ອ(ເຂົ້ານອນ)821 ກໍລະນີແລະ ເສຍຊີວິດ 1 ກໍລະນີ,ໄດ້ປະຕິບັດນະໂຍບາຍວຽກງານປະກັນສຸຂະພາບ ມີຜູ້ປະກັນຕົນມາຮັບບໍລິການທັງໝົດ78.547 ຄົນ ແລະ ໄດ້ນະໂຍບາຍການປິ່ນປົວໂດຍບໍ່ເສຍຄ່າແກ່ຜູ້ທຸກຍາກອານະຖາ, ນັກບວດ, ນັກຮຽນ-ນັກສຶກສາ ແລະ ນະໂຍບາຍຫຼຸດຄ່າຟອກເລືອດໃຫ້ຄົນເຈັບຜູ້ທຸກຍາກ ຊຶ່ງລວມນະໂຍບາຍທັງໝົດ 589 ຄົນ, ເປັນເງິນ335.027.182 ກີບ (ໃນນັ້ນຄົນເຈັບທຸກຍາກອານາຖາ 31 ຄົນເປັນເງິນ126.739.678ກີບ)ໂຮງໝໍຍັງໄດ້ເຮັດໜ້າທີ່ໂຄສະນາສຸຂະສຶກສາໂພຊະນາການກວດສຸຂະພາບແມ່ແລະເດັກ, ສັກຢາກັນພະຍາດ, ສິດສອນນັກສຶກສາແພດ-ພະຍາບານ,ບຳລຸງສ້າງພະນັກງານຄົ້ນຄວ້າວິທະຍາສາດ ແລະ ພົວພັນຮ່ວມມືດ້ານວິຊາການ ກັບຄະນະແພດຈາກຕ່າງປະເທດເພື່ອພັດທະນາໂຮງໝໍ. ນອກຈາກນີ້ໂຮງໝໍຍັງໄດ້ຖືເອົາວຽກງານສຳຄັນ ຂອງການສຶກສາອົບຮົມແນວຄິດຂອງພະນັກງານຈັນຍາບັນແພດ,ຈັນຍາບັນພະຍາບານໄດ້ປຸກລະດົມຂະບວນການແຂ່ງຂັນຮັກຊາດ-ພັດທະນາປະຕິບັດວິໄສທັດຂອງໂຮງໝໍ ແລະ ນະໂຍບາຍ 5 ດີ 1 ພໍໃຈ ທີ່ກະຊວງສາທາລະນະສຸກວາງອອກເຂົ້າໃນວຽກງານຕົວຈິງ ຊຶ່ງໃນ 1 ປີຜ່ານມາ ສາມາດປະເມີນການຈັດຕັ້ງປະຕິບັດນະໂຍບາຍຍົກສູງຄຸນນະພາບການບໍລິການສຸຂະພາບໂດຍຜ່ານການລົງສຳຫຼວດຜູ້ມາຊົມໃຊ້ບໍລິການຈໍານວນ 350 ຄົນ ຂອງໂຮງໝໍຕຶກເກົ່າ ແລະ ຕຶກພາກຂະຫຍາຍ, ມີຄຳເຫັນລົງໃນເຈ້ຍປະເມີນພໍໃຈໃນການຮັບຕ້ອນດີ,ພໍໃຈໃນຄວາມສະອາດດີ,ພໍໃຈໃນການອຳນວຍຄວາມສະດວກດີ,ພໍໃຈໃນການບົ່ງມະຕິດີ,ພໍໃຈໃນການປິ່ນປົວດີແລະ ໄດ້ຜ່ານແຜນການປີ 2024ຊຶ່ງໄດ້ກວມເອົາການເມືອງແນວຄິດ, ວຽກງານວິຊາສະເພາະວຽກການພົວພັນຕ່າງປະເທດ ແລະອື່ນໆ ເພື່ອເປັນບ່ອນອີງໃຫ້ແກ່ການຈັດຕັ້ງປະຕິບັດໃນປີ 2024 ນີ້.
ໃນພິທີຍັງໄດ້ມອບໃບຍ້ອງຍໍຂອງກະຊວງສາທາລະນະສຸກໃຫ້ພະແນກດີເດັ່ນ ປະເພດ I ມີ 25 ພະແນກ, ປະເພດ II ມີ1 ພະແນກ,ປະເພດ III ມີ2 ພະແນກ. ພະນັກງານ-ລັດຖະກອນບຸກຄົນດີເດັ່ນປີ 2023ປະເພດ Iມີ157ຄົນ,ປະເພດ IIມີ 155ຄົນ ແລະ ປະເພດ IIIມີ 133ຄົນ. ພະນັກງານຈ້າງຕາມສັນຍາບຸກຄົນດີເດັ່ນປີ 2023ປະເພດ Iມີ77ຄົນ, ປະເພດ IIມີ 80ຄົນ ແລະ ປະເພດ III ມີ 57ຄົນ.
ໃນໂອກາດນີ້, ທ່ານສະໜອງ ທອງຊະນະ ກໍໄດ້ໂອ້ລົມເນັ້ນໜັກໃຫ້ພະນັກງານແພດໝໍໃຫ້ມີຄວາມເອົາໃຈໃສ່ໃນໜ້າທີ່ວຽກງານໃນການຈັດຕັ້ງປະຕິບັດແຜນງານສາທາລະນະສຸກ ການຫັນໂຮງໝໍກຸ້ມຕົນເອງ, ໂດຍສະເພາະແມ່ນວຽກພັດທະນາການບໍລິການຂອງໂຮງໝໍໃຫ້ດີຂຶ້ນ.
ຂ່າວ: ບຸນຕອມ, ພາບ: ບຸນອຸ້ມ.
ທ່ານ ສອນໄຊ ລາດຊະວົງ ຜູ້ອຳນວຍການໂຮງໝໍມິດຕະພາບໄດ້ຂຶ້ນລາຍງານການເຄື່ອນໄຫວຂອງໂຮງໝໍມິດຕະພາບໃນ1ປີຜ່ານມາ ຊຶ່ງສະແດງອອກໃຫ້ເຫັນເຖິງການຊີ້ນຳຂອງຄະນະອຳນວຍການນໍາພາໃນການປະຕິບັດວິໄສທັດຂອງໂຮງໝໍ ແລະໄດ້ພ້ອມກັນຜ່ານຜ່າເຮັດໜ້າທີ່ການເມືອງ ແລະ ໜ້າທີ່ວິຊາສະເພາະຂອງຕົນຕາມການມອບໝາຍຂອງການຈັດຕັ້ງ, ດ້ານວິຊາການ. ໃນ 1ປີຜ່ານມາໄດ້ກວດ ແລະປິ່ນປົວຄົນເຈັບ ຢູ່ຫ້ອງກວດເຂດນອກໄດ້ 152.288 ທ/ຄ, (ໃນນັ້ນກວດເຂດນອກໂຮງໝໍພາກຂະຫຍາຍ54.330 ທ/ຄ, ຮັບຄົນເຈັບສຸກເສີນ46.488 ຄົນ (ໃນນັ້ນອຸບັດເຫດທ້ອງຖະໜົນເຂົ້າມາສຸກເສີນ10.583 ກໍລະນີ). ຮັບຄົນເຈັບເຂົ້ານອນ23.177 ຄົນ, ອັດຕາການໝູນໃຊ້ຕຽງ119% (ໃນ 300 ຕຽງ), ເດັກເກີດໃໝ່1.629 ຄົນ, ຜ່າຕັດທັງໝົດ 8.294 ກໍລະນີ, ຟອກໄຂ່ຫຼັງ8.062 ທ/ຄ,ຄົນເຈັບສາຍແສງປິ່ນປົວມະເຮັງ6.504 ທ/ຄແລະໄດ້ເອົາໃຈໃສ່ສືບຕໍ່ການປະຕິບັດໜ້າທີ່ວຽກງານການຕອບໂຕ້, ສະກັດກັ້ນ ແລະ ຄວບຄຸມແກ້ໄຂການລະບາດຂອງເຊື້ອພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ 2019 ໂຄວິດ-19ຊຶ່ງໄດ້ເກັບຕົວຢ່າງຄົນເຈັບທີ່ເຂົ້າກໍລະນີສົງໄສທັງໝົດ572 ກໍລະນີ(ກວດດ້ວຍRapid test: 572 ກໍລະນີ (ໃຫ້ຜົນບວກ38), Gen Xpert: 0 ກໍລະນີ ແລະ ສົ່ງໄປ ສມລ ແລະ ສູນເມລິເອີ0), ເຂົ້ານອນປິ່ນປົວຈຳນວນ9 ກໍລະນີ, ປິ່ນປົວດີ ແລະ ອອກໂຮງໝໍທັງໝົດ 9 ກໍລະນີ.ພ້ອມດຽວກັນນັ້ນທາງໂຮງໝໍກໍຍັງໄດ້ສືບຕໍ່ເປີດກວ້າງໃນການສັກວັກຊິນປ້ອງກັນພະຍາດໂຄວິດ-19 ຊຶ່ງມີຜູ້ມາຮັບສັກວັກຊິນທັງໝົດ630 ເຂັມ, ນອກຈາກພະຍາດລະບາດໂຄວິດ-19 ແລ້ວ ໂຮງໝໍຍັງໄດ້ເອົາໃຈໃສ່ເຝົ້າລະວັງ ແລະ ປິ່ນປົວພະຍາດໄຂ້ຍຸງລາຍ ຊຶ່ງຜ່ານມາໄດ້ຮັບປິ່ນປົວທັງໝົດ1.596 ກໍລະນີ, ໃນນັ້ນກວດເຂດນອກ352 ກໍລະນີ, ສຸກເສີນ422 ກໍລະນີ,ຊຶມເຊື້ອ(ເຂົ້ານອນ)821 ກໍລະນີແລະ ເສຍຊີວິດ 1 ກໍລະນີ,ໄດ້ປະຕິບັດນະໂຍບາຍວຽກງານປະກັນສຸຂະພາບ ມີຜູ້ປະກັນຕົນມາຮັບບໍລິການທັງໝົດ78.547 ຄົນ ແລະ ໄດ້ນະໂຍບາຍການປິ່ນປົວໂດຍບໍ່ເສຍຄ່າແກ່ຜູ້ທຸກຍາກອານະຖາ, ນັກບວດ, ນັກຮຽນ-ນັກສຶກສາ ແລະ ນະໂຍບາຍຫຼຸດຄ່າຟອກເລືອດໃຫ້ຄົນເຈັບຜູ້ທຸກຍາກ ຊຶ່ງລວມນະໂຍບາຍທັງໝົດ 589 ຄົນ, ເປັນເງິນ335.027.182 ກີບ (ໃນນັ້ນຄົນເຈັບທຸກຍາກອານາຖາ 31 ຄົນເປັນເງິນ126.739.678ກີບ)ໂຮງໝໍຍັງໄດ້ເຮັດໜ້າທີ່ໂຄສະນາສຸຂະສຶກສາໂພຊະນາການກວດສຸຂະພາບແມ່ແລະເດັກ, ສັກຢາກັນພະຍາດ, ສິດສອນນັກສຶກສາແພດ-ພະຍາບານ,ບຳລຸງສ້າງພະນັກງານຄົ້ນຄວ້າວິທະຍາສາດ ແລະ ພົວພັນຮ່ວມມືດ້ານວິຊາການ ກັບຄະນະແພດຈາກຕ່າງປະເທດເພື່ອພັດທະນາໂຮງໝໍ. ນອກຈາກນີ້ໂຮງໝໍຍັງໄດ້ຖືເອົາວຽກງານສຳຄັນ ຂອງການສຶກສາອົບຮົມແນວຄິດຂອງພະນັກງານຈັນຍາບັນແພດ,ຈັນຍາບັນພະຍາບານໄດ້ປຸກລະດົມຂະບວນການແຂ່ງຂັນຮັກຊາດ-ພັດທະນາປະຕິບັດວິໄສທັດຂອງໂຮງໝໍ ແລະ ນະໂຍບາຍ 5 ດີ 1 ພໍໃຈ ທີ່ກະຊວງສາທາລະນະສຸກວາງອອກເຂົ້າໃນວຽກງານຕົວຈິງ ຊຶ່ງໃນ 1 ປີຜ່ານມາ ສາມາດປະເມີນການຈັດຕັ້ງປະຕິບັດນະໂຍບາຍຍົກສູງຄຸນນະພາບການບໍລິການສຸຂະພາບໂດຍຜ່ານການລົງສຳຫຼວດຜູ້ມາຊົມໃຊ້ບໍລິການຈໍານວນ 350 ຄົນ ຂອງໂຮງໝໍຕຶກເກົ່າ ແລະ ຕຶກພາກຂະຫຍາຍ, ມີຄຳເຫັນລົງໃນເຈ້ຍປະເມີນພໍໃຈໃນການຮັບຕ້ອນດີ,ພໍໃຈໃນຄວາມສະອາດດີ,ພໍໃຈໃນການອຳນວຍຄວາມສະດວກດີ,ພໍໃຈໃນການບົ່ງມະຕິດີ,ພໍໃຈໃນການປິ່ນປົວດີແລະ ໄດ້ຜ່ານແຜນການປີ 2024ຊຶ່ງໄດ້ກວມເອົາການເມືອງແນວຄິດ, ວຽກງານວິຊາສະເພາະວຽກການພົວພັນຕ່າງປະເທດ ແລະອື່ນໆ ເພື່ອເປັນບ່ອນອີງໃຫ້ແກ່ການຈັດຕັ້ງປະຕິບັດໃນປີ 2024 ນີ້.
ໃນພິທີຍັງໄດ້ມອບໃບຍ້ອງຍໍຂອງກະຊວງສາທາລະນະສຸກໃຫ້ພະແນກດີເດັ່ນ ປະເພດ I ມີ 25 ພະແນກ, ປະເພດ II ມີ1 ພະແນກ,ປະເພດ III ມີ2 ພະແນກ. ພະນັກງານ-ລັດຖະກອນບຸກຄົນດີເດັ່ນປີ 2023ປະເພດ Iມີ157ຄົນ,ປະເພດ IIມີ 155ຄົນ ແລະ ປະເພດ IIIມີ 133ຄົນ. ພະນັກງານຈ້າງຕາມສັນຍາບຸກຄົນດີເດັ່ນປີ 2023ປະເພດ Iມີ77ຄົນ, ປະເພດ IIມີ 80ຄົນ ແລະ ປະເພດ III ມີ 57ຄົນ.
ໃນໂອກາດນີ້, ທ່ານສະໜອງ ທອງຊະນະ ກໍໄດ້ໂອ້ລົມເນັ້ນໜັກໃຫ້ພະນັກງານແພດໝໍໃຫ້ມີຄວາມເອົາໃຈໃສ່ໃນໜ້າທີ່ວຽກງານໃນການຈັດຕັ້ງປະຕິບັດແຜນງານສາທາລະນະສຸກ ການຫັນໂຮງໝໍກຸ້ມຕົນເອງ, ໂດຍສະເພາະແມ່ນວຽກພັດທະນາການບໍລິການຂອງໂຮງໝໍໃຫ້ດີຂຶ້ນ.
ຂ່າວ: ບຸນຕອມ, ພາບ: ບຸນອຸ້ມ.
ຄໍາເຫັນ