 |
ຂະບວນການກວດສຸຂະພາບຄັ້ງນີ້ ນໍາພາ ທ່ານ ຊູຊາດ ວົງພະຈັນ ກໍາມະການພັກກະຊວງສາທາລະນະສຸກ ຜູ້ອຳນວຍການໂຮງໝໍມະໂຫສົດ, ພ້ອມທັງທີມແພດມາຈາກໂຮງໝໍມະໂຫສົດ. ທັງນີ້, ກໍເພື່ອເປັນການສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ VIII ຂອງອົງຄະນະພັກ ຫ້ອງວ່າການສູນກາງພັກ ທີ່ຈະເປີດຂຶ້ນໃນຕໍ່ໜ້ານີ້ ໃຫ້ເປັນຂະບວນຟົດຟື້ນ, ທັງເປັນການຜັນຂະຫຍາຍ ແລະ ຈັດຕັ້ງປະຕິບັດແຜນງານ, ໂຄງການພັດທະນາຂອງຫ້ອງວ່າການສູນກາງພັກ ໂດຍສະເພາະແມ່ນແຜນງານ, ໂຄງການກວດສຸຂະພາບປະຈຳປີຂອງສະຫະພັນກຳມະບານ ຫ້ອງວ່າການສູນກາງພັກ ເພື່ອຕິດ ຕາມເບິ່ງແຍງສຸຂະພາບຂອງພະນັກງານຢ່າງໃກ້ຊິດ; ສ້າງຄວາມພ້ອມທາງດ້ານຮ່າງກາຍ ແລະ ຈິດໃຈ ໃນການປະຕິບັດໜ້າທີ່, ທັງເປັນການຍົກສູງສະຫວັດດີການ ແລະ ຄຸນນະພາບຊີວິດທີ່ດີໃຫ້ແກ່ບຸກຄະລາກອນທຸກຄົນ, ການມີສຸຂະພາບທີ່ດີ ແລະ ແຂງແຮງຂອງພະນັກງານ ຈະນຳໄປສູ່ການປະຕິບັດໜ້າທີ່ວຽກງານຢ່າງມີປະສິດທິພາບ ແລະ ປະສິດທິຜົນສູງ.
(ແຫຼ່ງຂ່າວ: ຂປລ)
ຄໍາເຫັນ