 |
ການມາຢ້ຽມຢາມຄັ້ງນີ້, ສະແດງໃຫ້ເຫັນເຖິງຄວາມໃກ້ຊິດຕິດແທດ, ເປັນຫ່ວງເປັນໄຍ ແລະ ຮູ້ບຸນຄຸນຂອງການນໍາແຂວງ ຕໍ່ສະມາຊິກພັກ, ພະນັກງານ-ນັກຮົບກອງທັບປະຊາຊົນລາວ, ກອງບັນຊາການທະຫານແຂວງ ກໍຄື ພະນັກງານ-ນັກຮົບ (ແພດ-ໝໍ) ໂຮງໝໍທະຫານແຂວງ ທີ່ເຮັດໜ້າທີ່ດ້ວຍຄວາມເສຍສະຫລະໃນການປົກປ້ອງຄວາມເປັນເອກະລາດຂອງຊາດ, ລະບອບປະຊາທິປະໄຕ ປະຊາຊົນ ແລະ ເບິ່ງແຍງປິ່ນປົວສຸຂະພາບ ຂອງນາຍ ແລະ ພົນທະຫານ ກໍຄື ປະຊາຊົນລາວບັນດາເຜົ່າ.
 |
ໃນໂອກາດນີ້, ທ່ານ ນາງ ຄໍາເສັງ ທຸມມະວົງສາ ຕາງໜ້າໃຫ້ຄະນະພັກ-ອົງການປົກຄອງແຂວງ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ຕີລາຄາສູງຕໍ່ຜົນສໍາເລັດ, ການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ຕະຫຼອດໄລຍະ 77 ປີຜ່ານມາ ກໍຄື ຜົນງານທີ່ໂຮງໝໍທະຫານແຂວງຍາດໄດ້ໃນໄລຍະຜ່ານມາ. ພ້ອມທັງ, ນໍາເອົາຄວາມຢື້ຢາມຖາມຂ່າວ ແລະ ຄໍາອວຍພອນໄຊອັນປະເສີດ ໃນນາມສ່ວນຕົວ ກໍຄື ຄະນະພັກ, ອົງການປົກຄອງແຂວງ ມາຍັງຄະນະພັກ-ຄະນະບັນຊາ, ພະນັກງານ-ນັກຮົບ, ນາຍ ແລະ ພົນທະຫານ ໂຮງໝໍທະຫານແຂວງ ຈົ່ງມີສຸຂະພາບແຂງແຮງ, ມີພາລະນາໄມສົມບູນ ສືບຕໍ່ເຮັດສຳເລັດໜ້າທີ່ອັນມີກຽດ, ປິ່ນປົວສຸຂະພາບພະນັກງານ-ນັກຮົບ, ປະຊາຊົນບັນດາເຜົ່າ, ເສີມຂະຫຍາຍທາດແທ້ມູນເຊື້ອຂອງກອງທັບ, ຢຶດໝັ້ນອຸດົມການສັງຄົມນິຍົມຂອງພັກ ແລະ ສືບຕໍ່ປົກປັກຮັກສາ, ສ້າງສາພັດທະນາປະເທດຊາດ ກໍຄື ແຂວງເຊກອງໃຫ້ຈະເລີນກ້າວຂຶ້ນຢ່າງບໍ່ຢຸດຢັ້ງ.
(ຂ່າວ-ພາບ: ສັນຍາ)
ຄໍາເຫັນ