ບົດລາຍງານລະບຸວ່າ: ການສົ່ງອອກບັນລຸ 21.5 ຕື້ໂດລາ ໃນລະຫວ່າງວັນທີ 1-10 ມີນາ, ເພີ່ມຂຶ້ນຈາກ 13.8 ຕື້ໂດລາ ໃນໄລຍະດຽວກັນຂອງປີກາຍ ຊຶ່ງເປັນປະລິມານການສົ່ງອອກທີ່ສູງທີ່ສຸດໃນໄລຍະດັ່ງກ່າວ.
ໃນຂະນະດຽວກັນ, ການນຳເຂົ້າເພີ່ມຂຶ້ນ 21.7% ເມື່ອທຽບໃສ່ປີກ່ອນ ເປັນ 19.4 ຕື້ໂດລາໃນໄລຍະ 10 ມື້ທຳອິດຂອງເດືອນມີນາ ຊຶ່ງສົ່ງຜົນໃຫ້ເກີນດຸນການຄ້າ 2.1 ຕື້ໂດລາ ໃນໄລຍະດຽວກັນ.
ເມື່ອພິຈາລະນາຜະລິດຕະພັນແຕ່ລະຊະນິດພົບວ່າ: ການສົ່ງອອກຊິບເຊມິຄອນດັກເຕີເພີ່ມຂຶ້ນ 175.9% ເມື່ອທຽບກັບປີກ່ອນ ບັນລຸລະດັບສູງສຸດເປັນປະຫວັດການທີ່ 7.6 ຕື້ໂດລາ, ໂດຍໄດ້ຮັບແຮງຂັບເຄື່ອນຈາກຄວາມນິຍົມໃຊ້ປັນຍາປະດິດ (AI) ທົ່ວໂລ.
ການສົ່ງອອກຜະລິດຕະພັນນ້ຳມັນເພີ່ມຂຶ້ນ 44.1% ເປັນ 1.4 ຕື້ໂດລາ.
ຢ່າງໃດກໍຕາມ, ການສົ່ງອອກລົດຍົນຫຼຸດລົງ 13.9% ເປັນ 1.4 ຕື້ໂດລາ, ໃນຂະນະທີ່ການສົ່ງອອກເຮືອຫຼຸດລົງ 61.9% ເປັນ 465 ລ້ານໂດລາ.
ເມື່ອພິຈາລະນາເປັນແຕ່ລະປະເທດພົບວ່າ: ການສົ່ງອອກໄປຍັງປະເທດຈີນ ຊຶ່ງເປັນຄູ່ຄ້າທີ່ໃຫຍ່ທີ່ສຸດຂອງ ສ ເກົາຫຼີ, ເພີ່ມຂຶ້ນ 91.2% ເປັນ 5.1 ຕື້ໂດລາ, ໃນຂະນະທີ່ການສົ່ງອອກໄປຍັງ ສະຫະລັດ ອາເມຣິກາ ເພີ່ມຂຶ້ນເຖິງ 69.9% ເປັນ 4.2 ຕື້ໂດລາ, ເຖິງວ່າ ສ ເກົາຫຼີ ຈະປະເຊີນກັບນນະໂຍບາຍພາສີຈາກລັດຖະບານທ່ານ ໂດໂນ ທຣໍາ.
ຄໍາເຫັນ