ກະຊວງການເງິນ ຍີ່ປຸ່ນ ລະບຸວ່າ: ໂຕເລກດັ່ງກ່າວເປັນການຟື້ນຕົວຈາກຈຳນວນການສົ່ງອອກໃນເດືອນພຶດສະພາ ຜ່ານມາ ຊຶ່ງການຫຼຸດລົງ 3% ໃນໄລຍະ 20 ມື້ທໍາອິດ ແລະ ຫຼຸດລົງ 1.7% ຕະຫຼອດເດືອນພຶດສະພາ. ໃນຂະນະທີ່ການສົ່ງອອກໂດຍສະເລ່ຍໃນໄລຍະ 12 ເດືອນຈົນເຖິງເດືອນພຶດສະພາ ແມ່ນ 4,6%.
ລາຍງານລະບຸວ່າ: ທ່ານ ໂດໂນ ທຣໍາ ປະທານາທິບໍດີ ສະຫະລັດ ອາເມຣິກາ ໄດ້ປະກາດຂຶ້ນອັດຕາພາສີຂອງຍີ່ປຸ່ນຈາກ 24% ເປັນ 25% ໃນວັນທີ 7 ກໍລະກົດ ຜ່ານມາ, ພ້ອມທັງເລື່ອນເວລາການປະຕິບັດມາດຕະການໄປເປັນວັນທີ 1 ສິງຫາ ຈາກແຕ່ກ່ອນແມ່ນ 9 ກໍລະກົດ, ເພື່ອໃຫ້ຍີ່ປຸ່ນມີເວລາປຶກສາຫາລືກ່ຽວກັບຂໍ້ຕົກລົງການຄ້າເພີ່ມເຕີມ ຫຼັງຈາກການເລືອກຕັ້ງທົ່ວໄປໃນທ້າຍເດືອນນີ້.
ທັງນີ້, ຍີ່ປຸ່ນຍັງຂາດດຸນການຄ້າ 299 ຕື້ເຢນ ໃນ 20 ມື້ທຳອິດຂອງເດືອນມິຖຸນາ, ໂດຍຂໍ້ມູນເບື້ອງຕົ້ນນີ້ຍັງບໍ່ທັນມີລາຍລະອຽດຕາມປະເທດ ຫຼື ພາກພື້ນ. ສ່ວນໂຕເລກການສົ່ງອອກທັງໝົດປະຈຳເດືອນມິຖຸນາ ຈະເປີດເຜີຍໃນວັນທີ 17 ກໍລະກົດ ນີ້.
ຄໍາເຫັນ