ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດກອງປະຊຸມເພື່ອປຶກສາຫາລືກະກຽມຄວາມພ້ອມເປັນເຈົ້າພາບ ຈັດງານມະຫະກຳການທ່ອງທ່ຽວອາຊຽນ ASEAN Tourism Forum 2024 (ATF 2024) ຂຶ້ນໃນວັນທີ 5 ຕຸລາ ນີ້ ທີ່ກະຊວງດັ່ງກ່າວ ໂດຍການເປັນປະທານຂອງ ທ່ານນາງ ສວນສະຫວັນ ວິຍະເກດ ລັດຖະມົນຕີກະຊວງ ຖວທ, ມີຮອງລັດຖະມົນຕີ, ຫົວໜ້າກົມ, ຮອງກົມ ພ້ອມດ້ວຍຜູ້ຕາງ ໜ້າຈາກຂະແໜງການທີ່ກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້, ບັນດາອະນຸກຳມະການຕ່າງໆທີ່ກ່ຽວຂ້ອງ ໄດ້ຜັດປ່ຽນກັນຂຶ້ນລາຍງານຄວາມຄືບໜ້າການກະກຽມວຽກງານຮອບດ້ານຂອງຕົນທີ່ກ່ຽວຂ້ອງກັບ ATF 2024 ພ້ອມທັງປຶກສາຫາລືແລກປ່ຽນຂໍ້ມູນຂ່າວສານ ຊອກຫາວິທີການທີ່ເໝາະສົມ ເພື່ອເຮັດໃຫ້ການກະກຽມວຽກງານດ້ານຕ່າງໆ ໃຫ້ບັນລຸຜົນສຳເລັດຕາມແຜນທີ່ກຳນົດໄວ້.
ທ່ານນາງ ສວນສະຫວັນ ວິຍະເກດ ໄດ້ສະແດງຄວາມຂອບໃຈມາຍັງຂະເເໜງການທີ່ກ່ຽວຂ້ອງ ກໍຄືແຕ່ລະອະນຸກຳມະການ ລວມທັງພາກທຸລະກິດທີ່ໄດ້ປະຕິບັດໜ້າທີ່ຂອງຕົນ ໃນການປະສານງານ, ການຈັດກອງປະຊຸມຍ່ອຍແຕ່ລະໜ່ວຍງານ ແລະ ໄດ້ມີການຊຸກຍູ້, ຕິດຕາມວຽກງານຮ່ວມກັນ ໄດ້ດຳເນີນໄປເປັນປົກກະຕິ ແລະ ເຮັດໃຫ້ວຽກງານແຕ່ລະດ້ານໄດ້ຮັບການຈັດຕັ້ງປະຕິບັດ. ທ່ານລັດຖະມົນຕີ ຍັງໄດ້ເນັ້ນໃຫ້ທຸກຂະແໜງ ການທີ່ກ່ຽວຂ້ອງຮ່ວມກັນສຸມໃສ່ຈັດຕັ້ງປະຕິບັດວຽກງານຕ່າງໆປິ່ນອ້ອມໃຫ້ມີຜົນສຳເລັດຕາມຄາດໝາຍ ເປັນຕົ້ນ ຕ້ອງກຳນົດແຜນລະອຽດພິທີເປີດ, ພິທີປິດ ATF 2024, ການຈັດເວທີກອງປະຊຸມ, ການຕົບແຕ່ງເວທີມອບລາງວັນ ແລະ ງານຖະແຫຼງຂ່າວ; ປັບປຸງຄືນຮ່າງແຜນການເຄື່ອນໄຫວ ATF 2024; ສ້າງລາຍການທ່ອງ ທ່ຽວໃຫ້ແກ່ຄະນະຜູ້ແທນ ແລະ ລາຍການຂາຍທ່ອງທ່ຽວ; ຈັດຕາຕະລາງລົດຂົນສົ່ງ ແລະ ລົດຕູ້ບໍລິການໃຫ້ເຊົ່າ; ຄວາມພ້ອມກ່ຽວກັບບັນດາຮ້ານອາຫານ ເພື່ອຮັບປະກັນທາງດ້ານຄຸນນະພາບຄວາມສະອາດ, ຄວາມປອດໄພ; ຄວາມພ້ອມກ່ຽວກັບລະບົບໄຟ, ແສງ, ສີ, ສຽງ ໃນເວທີກອງປະຊຸມ ແລະ ງານຕ່າງໆ; ການອຳ ນວຍຄວາມສະດວກແຈ້ງເຂົ້າ-ອອກເມືອງຂອງຄະນະຜູ້ແທນ, ການນຳເຂົ້າສິນຄ້າ, ສິ່ງພິມ ແລະ ອຸປະກອນທີ່ຈຳເປັນຂອງຄະນະຜູ້ແທນ; ການກຳນົດຈຸດປ້າຍໂຄສະນາກອງປະຊຸມ ATF 2024 ຢູ່ສະໜາມບິນວັດໄຕ, ຫ້ອງປະຊຸມ 6 ໂຮງແຮມທາງການ ແລະ ຕາມເສັ້ນທາງຈຳນວນໜຶ່ງທີ່ກະຊວງໂຍທາທິການ ແລະ ຂົນສົ່ງ ອະນຸມັດ; ອອກແບບກ່ຽວກັບຮ້ານວາງສະແດງການທ່ອງທ່ຽວຂອງລາວ; ກະກຽມບັດເຊີນຈັດສົ່ງໃຫ້ປະເທດສະມາຊິກອາຊຽນ, ປະເທດຄູ່ເຈລະຈາ, ອົງການຈັດຕັ້ງສາກົນ ແລະ ພາກສ່ວນທີ່ກ່ຽວຂ້ອງເພື່ອເຂົ້າຮ່ວມງານ ແລະ ວຽກງານສົມທົບນຳກອງເລຂາອາຊຽນເພື່ອກະກຽມເນື້ອໃນ, ວາລະກອງປະຊຸມລັດຖະມົນຕີທ່ອງທ່ຽວອາຊຽນ ແລະ ກອງປະຊຸມປິ່ນອ້ອມທີ່ກ່ຽວຂ້ອງ.
ຂ່າວ-ພາບ: ຍຸພິນທອງ
ກອງປະຊຸມຄັ້ງນີ້, ບັນດາອະນຸກຳມະການຕ່າງໆທີ່ກ່ຽວຂ້ອງ ໄດ້ຜັດປ່ຽນກັນຂຶ້ນລາຍງານຄວາມຄືບໜ້າການກະກຽມວຽກງານຮອບດ້ານຂອງຕົນທີ່ກ່ຽວຂ້ອງກັບ ATF 2024 ພ້ອມທັງປຶກສາຫາລືແລກປ່ຽນຂໍ້ມູນຂ່າວສານ ຊອກຫາວິທີການທີ່ເໝາະສົມ ເພື່ອເຮັດໃຫ້ການກະກຽມວຽກງານດ້ານຕ່າງໆ ໃຫ້ບັນລຸຜົນສຳເລັດຕາມແຜນທີ່ກຳນົດໄວ້.
ທ່ານນາງ ສວນສະຫວັນ ວິຍະເກດ ໄດ້ສະແດງຄວາມຂອບໃຈມາຍັງຂະເເໜງການທີ່ກ່ຽວຂ້ອງ ກໍຄືແຕ່ລະອະນຸກຳມະການ ລວມທັງພາກທຸລະກິດທີ່ໄດ້ປະຕິບັດໜ້າທີ່ຂອງຕົນ ໃນການປະສານງານ, ການຈັດກອງປະຊຸມຍ່ອຍແຕ່ລະໜ່ວຍງານ ແລະ ໄດ້ມີການຊຸກຍູ້, ຕິດຕາມວຽກງານຮ່ວມກັນ ໄດ້ດຳເນີນໄປເປັນປົກກະຕິ ແລະ ເຮັດໃຫ້ວຽກງານແຕ່ລະດ້ານໄດ້ຮັບການຈັດຕັ້ງປະຕິບັດ. ທ່ານລັດຖະມົນຕີ ຍັງໄດ້ເນັ້ນໃຫ້ທຸກຂະແໜງ ການທີ່ກ່ຽວຂ້ອງຮ່ວມກັນສຸມໃສ່ຈັດຕັ້ງປະຕິບັດວຽກງານຕ່າງໆປິ່ນອ້ອມໃຫ້ມີຜົນສຳເລັດຕາມຄາດໝາຍ ເປັນຕົ້ນ ຕ້ອງກຳນົດແຜນລະອຽດພິທີເປີດ, ພິທີປິດ ATF 2024, ການຈັດເວທີກອງປະຊຸມ, ການຕົບແຕ່ງເວທີມອບລາງວັນ ແລະ ງານຖະແຫຼງຂ່າວ; ປັບປຸງຄືນຮ່າງແຜນການເຄື່ອນໄຫວ ATF 2024; ສ້າງລາຍການທ່ອງ ທ່ຽວໃຫ້ແກ່ຄະນະຜູ້ແທນ ແລະ ລາຍການຂາຍທ່ອງທ່ຽວ; ຈັດຕາຕະລາງລົດຂົນສົ່ງ ແລະ ລົດຕູ້ບໍລິການໃຫ້ເຊົ່າ; ຄວາມພ້ອມກ່ຽວກັບບັນດາຮ້ານອາຫານ ເພື່ອຮັບປະກັນທາງດ້ານຄຸນນະພາບຄວາມສະອາດ, ຄວາມປອດໄພ; ຄວາມພ້ອມກ່ຽວກັບລະບົບໄຟ, ແສງ, ສີ, ສຽງ ໃນເວທີກອງປະຊຸມ ແລະ ງານຕ່າງໆ; ການອຳ ນວຍຄວາມສະດວກແຈ້ງເຂົ້າ-ອອກເມືອງຂອງຄະນະຜູ້ແທນ, ການນຳເຂົ້າສິນຄ້າ, ສິ່ງພິມ ແລະ ອຸປະກອນທີ່ຈຳເປັນຂອງຄະນະຜູ້ແທນ; ການກຳນົດຈຸດປ້າຍໂຄສະນາກອງປະຊຸມ ATF 2024 ຢູ່ສະໜາມບິນວັດໄຕ, ຫ້ອງປະຊຸມ 6 ໂຮງແຮມທາງການ ແລະ ຕາມເສັ້ນທາງຈຳນວນໜຶ່ງທີ່ກະຊວງໂຍທາທິການ ແລະ ຂົນສົ່ງ ອະນຸມັດ; ອອກແບບກ່ຽວກັບຮ້ານວາງສະແດງການທ່ອງທ່ຽວຂອງລາວ; ກະກຽມບັດເຊີນຈັດສົ່ງໃຫ້ປະເທດສະມາຊິກອາຊຽນ, ປະເທດຄູ່ເຈລະຈາ, ອົງການຈັດຕັ້ງສາກົນ ແລະ ພາກສ່ວນທີ່ກ່ຽວຂ້ອງເພື່ອເຂົ້າຮ່ວມງານ ແລະ ວຽກງານສົມທົບນຳກອງເລຂາອາຊຽນເພື່ອກະກຽມເນື້ອໃນ, ວາລະກອງປະຊຸມລັດຖະມົນຕີທ່ອງທ່ຽວອາຊຽນ ແລະ ກອງປະຊຸມປິ່ນອ້ອມທີ່ກ່ຽວຂ້ອງ.
ຂ່າວ-ພາບ: ຍຸພິນທອງ
ຄໍາເຫັນ