ປະທານອົງການກາແດງແຫ່ງຊາດລາວ, ທ່ານ ນາງ ຈັນຖະໜອມ ມະນີທິບ ຮອງປະທານອົງການກາແດງແຫ່ງຊາດລາວ ຊຶ່ງມີຫ້ອງການກາແດງເມືອງ, ອົງການກາແດງແຂວງທົ່ວປະເທດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ຮອງຈັນ ຈັນທະວົງ ຫົວໜ້າຫ້ອງການອົງການກາແດງແຫ່ງຊາດລາວ ໄດ້ຂຶ້ນຜ່ານບົດລາຍງານຜົນສໍາເລັດການຈັດຕັ້ງປະຕິບັດວຽກງານຂະແໜງໃນໄລຍະໜຶ່ງປີຜ່ານມາແລະທິດທາງແຜນການປີ 2025, ອົງການກາແດງແຫ່ງຊາດລາວໃນຖານະທີ່ເປັນການຈັດຕັ້ງທາງສັງຄົມຂອງສປປລາວທີ່ເຄື່ອນໄຫວວຽກງານມະນຸດສະທຳຢ່າງເປັນເອກະລາດຢູ່ພາຍໃຕ້ລັດຖະທຳມະນູນ, ກົດໝາຍແລະ 7 ຫຼັກການພື້ນຖານຂອງຂະບວນການກາແດງແລະຊີກວົງເດືອນແດງສາກົນໄດ້ຈັດຕັ້ງປະຕິບັດ 10ແຜນງານ;ອົງການກາແດງແຫ່ງຊາດລາວປະກອບມີ 3 ຫ້ອງການແລະ1 ສະຖາບັນເລືອດແຫ່ງຊາດ,ມີ 17 ອົງການກາແດງແຂວງແລະນະຄອນຫຼວງວຽງຈັນແລະມີ49ຫ້ອງການກາແດງເມືອງຊຶ່ງມີພະນັກງານທັງໝົດ574ຄົນ (ຍິງ301),ຂັ້ນສູນກາງ108ຄົນ (ຍິງ 56),ຂັ້ນແຂວງ316ຄົນ (ຍິງ 176); ຂັ້ນເມືອງ150ຄົນ (ຍິງ69);ສອບເສັງຄັດເລືອກເອົາລັດຖະກອນໃໝ່ສົກປີ 2024ລວມທັງໝົດ3ໂກຕ້າ, ໄດ້ອະນຸມັດໃຫ້ພະນັກງານ-ລັດຖະກອນພັກປະຈຳປີຈຳນວນ 63 ທ່ານ (ຍິງ28), ສະເໜີຂໍການຍ້ອງຍໍປະເພດກົມກອງດີເດັ່ນ ປະເພດ I ຈຳນວນ 3 ພາກສ່ວນ, ປະເພດ II ຈຳນວນ 1 ພາກສ່ວນ, ບຸກຄົນດີເດັ່ນປະເພດ I ຈຳນວນ 76 ທ່ານ (ຍິງ 39), ປະເພດIIຈຳນວນ 15 ທ່ານ (ຍິງ 8) (ກດລສູນກາງ), ສຳລັບອົງການກາແດງຂັ້ນແຂວງແລະນະຄອນຫຼວງບຸກຄົນດີເດັ່ນປະເພດ I ຈຳນວນ 125 ທ່ານ (ຍິງ 64), ປະເພດIIຈຳນວນ 81 ທ່ານ (ຍິງ 41).
ໃນໄລຍະຜ່ານມາ ອົງການກາແດງແຫ່ງຊາດລາວສາມາດຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພພິບັດຕ່າງໆໄດ້ທັງໝົດ ໃນ 17ແຂວງ, 1 ນະຄອນຫຼວງວຽງຈັນໄດ້ຈໍານວນ 18,034ຄອບຄົວ; 86 ໂຮງຮຽນ; 107,968 ຄົນຍິງ 55,678ຄົນ, ລວມມູນຄ່າ 32,828,399,513 ກີບແລະ 2,864,754ໂດລາ; ໃນວຽກງານປຸກລະດົມຂົນຂວາຍບໍລິຈາກເລືອດແລະການສະໜອງເລືອດທີ່ປອດໄພໄດ້ສຸມໃສ່ການປຸກລະດົມ ແລະ ຈັດຫາຜູ້ບໍລິຈາກເລືອດເຫັນວ່າການບໍລິຈາກເລືອດໄດ້ຮັບຜົນດີ. ສໍາເລັດການຈັດກິດຈະກໍາຮັບບໍລິຈາກເລືອດແບບເປີດກວ້າງຮ່ວມກັບບັນດາການຈັດຕັ້ງຕ່າງໆ ແລະ ຈັດກິດຈະກໍາບໍລິຈາກເລືອດໃນວັນສໍາຄັນຕ່າງໆຂອງຊາດ ຊຶ່ງໃນປີ 2024 ແຜນການ ທົ່ວປະເທດ ຕ້ອງບັນລຸການຮັບບໍລິຈາກເລືອດໃຫ້ໄດ້ 78,000 ຖົງ, ໃນນີ້ ຂັ້ນສູນກາງໃຫ້ໄດ້ 33,300 ຖົງ ແລະ ຂັ້ນທ້ອງຖິ່ນ ໃຫ້ໄດ້ 44,700 ຖົງ, ໃນປີ 2024 ທົ່ວປະເທດ ອອກຮັບບໍລິຈາກເລືອດທັງໝົດ 811 ຄັ້ງ, ໄດ້ຮັບເລືອດທັງໝົດ 71,290 ຖົງ (ຄິດເປັນເປີເຊັນໄດ້ 91.4%ຂອງແຜນການ).
ຂ່າວ-ພາບ: ຍຸພິນທອງ-ບຸຸນອູ້ມ
ຄໍາເຫັນ