ຂະແໜງອະນາໄມ ສົ່ງເສີມສຸຂະພາບແຂວງສາລະວັນ ສຸມໃສ່ວຽກງານໂພຊະນາການເພື່ອຫຼຸດຜ່ອນອັດຕາການຕາຍຂອງແມ່-ເດັກ

ໂດຍ:ບຸນຕອມ
ຂະແໜງອະນາໄມ ສົ່ງເສີມສຸຂະພາບສຸມໃສ່ໃນການລົງໂຄສະນາສຸຂະສຶກສາໃຫ້ປະຊາຊົນຮັບຮູ້ ແລະ ເຂົ້າໃຈຕໍ່ຄວາມສຳຄັນຂອງ ວຽກງານໂພຊະນາການ ເພື່ອຫຼຸດຜ່ອນອັດຕາການຕາຍຂອງແມ່-ເດັກ ບັນຫາການຂາດສານອາຫານ ເດັກເຕ້ຍ ນ້ຳໜັກຕ່ຳກ່າວມາດຕະຖານ ແລະ ອື່ນໆ ທັງນີ້ກໍເພື່ອແນໃສ່ເປັນການປະກອບສ່ວນເຂົ້າໃນການຈັດຕັ້ງປະຕິບັດວຽກງານໂພຊະນາການ ໃຫ້ບັນລຸຕາມ 11 ໂຕຊີ້ບອກທີ່ສະພາແຫ່ງຊາດຮັບຮອງ.
ທ່ານ ບຸນກອງໄຊສົມບັດຫົວໜ້າຂະແໜງອະນາໄມ ສົ່ງເສີມສຸຂະພາບພະແນກສາທາລະນະສຸກແຂວງສາລະວັນ ໄດ້ໃຫ້ສຳພາດຕໍ່ຄະນະນັກຂ່າວຈາກສູນກາງໃນວັນທີ 9 ມັງກອນຜ່ານມາວ່າ:ໂດຍລວມແລ້ວໃນ 11 ຕົວຊີ້ບອກດ້ານສາທາລະນະສຸກໃນປີ 2023 ສາມາດບັນລຸໄດ້ທຸກຕົວຊີ້ວັດ,ແຕ່ງຍັງມີບາງເມືອງຍັງບໍ່ທັນບັນລຸຕົວຊີ້ບອກດ້ານໂພຊະນາການ, ຕາມຄາດໝາຍທີ່ສູນກາງວາງໄວ້ຫຼື ວ່າສະພາຮັບຮອງບັນລຸຄາດໝາຍແມ່ນ 30%,ປັດຈຸບັນນີ້ນ້ຳໜັກບໍ່ໄດ້ມາດຕະຖານແມ່ນໄດ້ 12% ກໍບັນລຸຄາດໝາຍ,ສຳລັບເດັກລວງສູງບໍ່ໄດ້ມາດຕະຖານໄດ້ຢູ່ 15%ກໍຍັງບັນລຸຄາດໝາຍ, ສະນັ້ນ ບາງເມືອງສູງໂດຍສະເພາະແມ່ນເມືອງຕະໂອ້ຍແລະເມືອງສະໝ້ວຍເປັນເມືອງພູດອຍເປັນຊົນເຜົ່າ 100% ເຖິງວ່າບັນລຸແຕ່ກໍຍັງສູງຢູ່ຍ້ອນວ່າການດຳລົງຊີວິດຂອງປະຊາຊົນບັນດາເຜົ່າສອງເມືອງນີ້ແມ່ນຕິດພັນກັບທຳມະຊາດການໃຫ້ອາຫານກໍຍັງບໍໍ່ພຽງພໍ,ດ້ານເສດຖະກິດກໍບໍ່ທັນໄດ້ດີ ເປັນສາເຫດເຮັດໃຫ້ອາຫານບໍ່ພຽງພໍແລະໃນແຜນງານແຫ່ງຊາດເພື່ອແມ່-ເດັກເພື່ອສຸຂະພາບຮອດປີ 2025 ພວກເຮົາກໍມີນະໂຍບາຍສຸມໃສ່ຖືເອົາວຽກງານກິດຈະກຳເຊື່ອມສານເປັນຫຼັກ,ເຊື່ອມສານໝາຍເຖິງການສັກວັກຊິນກັນພະຍາດ,ເຊື່ອມສານກັບວຽກງານແມ່-ເດັກແລະວຽກງານໂພຊະນາການໄປພ້ອມກັນ ໂດຍຈັດຕັ້ງປະຕິຍັດປີໜຶ່ງ 4 ຄັ້ງ,ພວກເຮົາຈະເຮັດເປັນທີມງານລົງໄປຮອດບ້ານແລະປະຕິບັດຢູ່ບ້ານແລະຢູ່ສຸກສາລາຫຼືຄົງທີ່ຈາກນັ້ນນະໂຍບາຍສະເພາະກ່ຽວກັບວຽກງານໂພຊະນາການ ແມ່ນຖືເອົາການປະຕິບັດກິດຈະກຳ ຫຼາຍພາກສ່ວນມີສ່ວນຮ່ວມໂດຍສະເພາະແມ່ນພະແນກກະສິກຳ,ພະແນກສຶກສາທິການແລະກິລາ,ພະແນກແຜນການແລະການລົງທຶນ ໂດຍຖືເອົາພະແນກສາທາລະນະສຸກເປັນໃຈກາງຈັດກອງປະຊຸມປະສານງານທຸກໆໄຕມາດຂຶ້ນ,ສ່ວນການປະເມີນທັດສະນາຄະຕິຄວາມເຂົ້າໃຈຂອງຜູ້ປົກຄອງເດັກ ເຖິງປັດຈຸບັນນີ້ພວກເຮົາບໍໄດ້ປະເມີນພຽງແຕ່ເຮົາລົງຕິດຕາມຊຸກຍູ້ບາງຈຸດແລະພື້ນຖາມການເປັນຢູ່ຂອງປະຊາຊົນຢູ່ໃນບ້ານນັ້ນ ແຕ່ປະເມີນເປັນລະບົບເຮົາຍັງບໍ່ທັນໄດ້ປະເມີນ, ສ່ວນຂໍ້ຫຍຸ້ງຍາກດ້ານໂພຊະນາການເຮົາກໍມີຫຼາຍຢ່າງໂດຍສະເພາະປັດຈຸບັນນີ້ແມ່ນອຸປະກອນການປະເມີນກໍບໍໍ່ພຽງພໍແລະການປະເມີນໂຮງໝໍການພົວພັນແມ່ລູກ,ການລ້ຽງລູກດ້ວຍນ້ຳນົນແມ່ກໍບໍ່ໄດ້ເຮັດການປະເມີນອັນນີ້ແມ່ນຄວາມຫຍຸ້ງຍາກ.ສຳລັບການຊ່ວຍເຫຼືອທີ່ຜ່ານມາແມ່ນມີຫຼາຍອົງການເປັນຕົ້ນແມ່ນອົງການອຸຍນີເຊັບໄດ້ສະໜັບສະໜູນປີ 2023 ແມ່ນພວກເຮົາໄດ້ອຸປະກອນການປະເມີນໂພຊະນາການແມ່ນຊິງຊັ່ງນ້ຳໜັກ,ໄມ້ແທກລວງສູງ,ອາຫານເສີມໂດຍສະເພາແມ່ນຢາຂ້າແມ່ທອງ.ສຳລັບການວິເຄາະການປະເມີນຄວາມຮູ້,ຄວາມເຂົ້າໃຈຂອງປະຊາຊົນຂອງຜູ້ປົກຄອງເດັກພວກເຮົາຍັງບໍ່ທັນໄດ້ປະຕິບັດສະນັ້ນສະເໜີໃຫ້ທາງອົງການຈັດຕັ້ງສາກົນແລະພັກ-ລັດໃຫ້ການສະໜັບສະໜູນຕື່ມ,ການຕິດຕາມຊຸກຍູ້ປະເມີນຄືນຄວາມຄືບໜ້າຂອງກິດຈະກຳດັ່ງກ່າວພວກເຮົາບໍ່ມີງົບປະມານແລະຢາກສະເໜີໃຫ້ທາງອຳນາດການປົກຄອງຂັ້ນສູນກາງ,ຂັ້ນແຂວງ,ຂັ້ນເມືອງ ໃຫ້ເອົາໃຈໃສ່ຊ່ວຍຕື່ມກ່ຽວກັບການປະຕິບັດກິດຈະກຳດ້ານໂພຊະນາການໂດຍສະເພາະເຮັດໃຫ້ມີການສະໜອງ ແລະຈັດຫາອາຫານໃຫ້ຫຼາຍຂຶ້ນ,ປຸກລະດົມຜູ້ປົກຄອງນຳພາລູກຫຼານມາບໍລິການນຳແພດທີ່ໄດ້ເຄື່ອນທີ່ລົງບ້ານຫຼືວ່າໄປບໍລິການຢູ່ຕາມຈຸດບໍລິການຕ່າງໆແລະຮຽກຮ້ອງໃຫ້ປະຊາຊົນເອົາໃຈໃສ່ດູແລຮັກສຸຂະພາບເດັກນ້ອຍໃຫ້ປະເມີນການຈະເລີນເຕີບໂຕຫຼື ການພັດທະນາຂອງເດັກຄືນຖ້າວ່າສົງໄສວ່າຂາດອາຫານກໍຕ້ອງໄດ້ເອົາໃຈໃສ່ພາໄປກວດຢູ່ໂຮງໝໍ,ເອົາໃຈໃສ່ການລ້ຽງລູກດ້ວຍນ້ຳນົນແມ່ຈົນຮອດ 6 ເດືອນ ປຸກລະດົມຊ່ວຍເຫຼືອຜູ້ທີ່ມີລູກນ້ອຍເກີດໃໝ່ໃຫ້ໄດ້ເອົາໃຈໃສ່ຕື່ມສຳລັບການລ້ຽງລູກດ້ວຍນ້ຳນົນແມ່ທີ່ເປັນທີ່ມາຂອງການຂາດສານອາຫານຊຳເຮື້ອ.
ສ່ວນການເຄື່ອນໄຫວຂອງຄະນະສື່ມວນຊົນຈາກສູນກາງຢູ່ແຂວງສາລະວັນ ເພື່ອຕິດຕາມສະພາບການຈັດຕັ້ງປະຕິບັດວຽກງານໂພຊະນາການແມ່-ເດັກ ມີຂຶ້ນໃນລະຫວ່າງວັນທີ 8-12 ທັນວາ ນີ້ ນຳໂດຍ ທ່ານ ນາງ ນິນລະນາ ພົມມະຈັນ ວິຊາການສູນສະຖິຕິ ແລະ ຂ່າວສານສາທາລະນະສຸກກະຊວງສາທາລະນະສຸກ ແລະ ໃຫ້ການສະໜັບສະໜູນ ຈາກ ສະຫະພາບເອີລົບ EU ໂດຍຜ່ານ ອົງການອຸຍນີເຊັບ (Unicef) ປະຈຳລາວ.