 |
ທ່ານ ນາງ ຈັນທະບູນ ໂພສະລາດ ໄດ້ຜ່ານຂໍ້ຕົກລົງຂອງທ່ານເຈົ້າແຂວງວຽງຈັນ ສະບັບເລກທີ 504/ຈຂ.ວຈ, ລົງວັນທີ 29 ເມສາ 2025. ເຈົ້າແຂວງວຽງຈັນ ຕົກລົງ: ເຫັນດີແຕ່ງຕັ້ງ ທ່ານ ວົງເທວີ ຈັນຄຳມະວົງ ຮອງອຳນວຍການໂຮງໝໍແຂວງ ເປັນອຳນວຍການໂຮງໝໍແຂວງວຽງຈັນ ແລະ ຂໍ້ຕົກລົງຂອງທ່ານເຈົ້າແຂວງວຽງຈັນ ສະບັບເລກທີ 506/ຈຂ.ວຈ, ລົງວັນທີ 29 ເມສາ 2025 ເຈົ້າແຂວງວຽງຈັນ ຕົກລົງ: ເຫັນດີແຕ່ງຕັ້ງ ທ່ານ ນາງ ວັນເພັງ ພັນທະນາໄລ ເລຂາຄະນະພັກຮາກຖານອຳນວຍການໂຮງໝໍແຂວງວຽງຈັນ ເປັນຫົວໜ້າພະແນກສາທາລະນະສຸກແຂວງວຽງຈັນ. ຈາກນັ້ນ, ກໍໄດ້ເຊັນບົດບັນທຶກ ແລະ ມອບ-ຮັບໜ້າທີ່ ຜູ້ອຳນວຍການໂຮງໝໍ ຜູ້ເກົ່າ ແລະ ໃໝ່ ລະຫວ່າງ ທ່ານ ນາງ ວັນເພັງ ພັນທະນາໄລ ເລຂາຄະນະພັກຮາກຖານ, ອຳນວຍການໂຮງໝໍແຂວງ (ຜູ້ເກົ່າ) ແລະ ທ່ານ ວົງເທວີ ຈັນຄຳມະວົງ ອຳນວຍການໂຮງໝໍແຂວງ (ຜູ້ໃໝ່) ແລະ ມອບ-ຮັບໜ້າທີ່ ຫົວໜ້າພະແນກສາທາລະນະສຸກແຂວງ ຜູ້ເກົ່າ ແລະ ໃໝ່ ລະຫວ່າງ ທ່ານ ອິນປອນ ມະນີແສງ ກຳມະການພັກແຂວງຫົວໜ້າພະແນກສາທາລະນະສຸກແຂວງ (ຜູ້ເກົ່າ) ແລະ ທ່ານ ນາງ ວັນເພັງ ພັນທະນາໄລ ເລຂາຄະນະພັກຮາກຖານ, ຫົວໜ້າພະແນກສາທາລະນະສຸກແຂວງ (ຜູ້ໃໝ່).
(ແຫຼ່ງຂ່າວ: ແຂວງວຽງຈັນ)
ຄໍາເຫັນ