ແຂວງວຽງຈັນ ພວມກະກຽມຄວາມພ້ອມໃຫ້ແກ່ 20 ກິດຈະກຳຕ້ອນຮັບເປີດປີທ່ອງທ່ຽວລາວ 2024 ໂດຍຄາດວ່າຈະສາມາດດຶງດູດນັກທ່ອງທ່ຽວ ເຂົ້າມາທ່ຽວແຂວງວຽງຈັນ ບໍ່ຕ່ຳກວ່າ 1 ລ້ານຄົນ, ໃນນັ້ນ ນັກທ່ອງທ່ຽວພາຍໃນ 7 ແສນກວ່າຄົນ ແລະ ນັກທ່ອງທ່ຽວຕ່າງປະເທດ 2 ແສນກວ່າຄົນ ຊຶ່ງໄດ້ມີກອງປະຊຸມປຶກສາຫາກະກຽມຄວາມພ້ອມໃຫ້ແກ່ວຽກງານດັ່ງກ່າວໃນວັນທີ 9 ມັງກອນ ຜ່ານມາທີ່ພະແນກ ຖະແຫຼງຂ່າວ, ວັດທະນະທຳແລະທ່ອງທ່ຽວ (ຖວທ) ແຂວງ, ໃຫ້ກຽດເຂົ້າຮ່ວມຂອງທ່ານ ພູວົງ ບຸນຊູ ຮອງເຈົ້າແຂວງວຽງຈັນຫົວໜ້າຄະນະຊີ້ນຳລວມເປີດງານປີທ່ອງທ່ຽວລາວ 2024 ທີ່ແຂວງວຽງຈັນ, ທ່ານ ສີສະຫວາດ ແສງພະຈັນ ຫົວໜ້າພະແນກ ຖວທ ແຂວງ, ມີບັນດາຫົວໜ້າ,ຮອງຫົວໜ້າພະແນກການ, ຮອງເຈົ້າເມືອງ, ຫ້ອງການ ຖວທ 11 ເມືອງ ພ້ອມພາກສ່ວນກ່ຽວຂ້ອງເຂົ້າຮ່ວມ.
ທ່ານ ສີສະຫວາດ ແສງພະຈັນ ຫົວໜ້າພະແນກ ຖວທ ແຂວງ ໄດ້ຜ່ານຂໍ້ຕົກລົງທ່ານເຈົ້າແຂວງວຽງຈັນວ່າດ້ວຍການແຕ່ງຕັ້ງຄະນະຊີ້ນຳລວມລະດັບແຂວງ ໃນການສົ່ງເສີມແລະຈັດງານເປີດປີທ່ອງທ່ຽວລາວ2024. ຈາກນັ້ນ ທ່ານ ແສງແກ້ວ ສູນທະວົງສາ ຮອງຫົວໜ້າພະແນກ ຖວທ ແຂວງໄດ້ຂຶ້ນຜ່ານແຜນບັນດາກິດຈະກຳປີທ່ອງທ່ຽວລາວ2024 ຂອງແຂວງວຽງຈັນ ຊຶ່ງໄດ້ກຳນົດເອົາ 20 ກິດຈະກຳທີ່ຕິດພັນກັບເທດສະການງານບຸນປະເພນີຂອງແຕ່ລະທ້ອງຖິ່ນ, ໃນນັ້ນປະກອບມີ 2 ກິດຈະກຳລະດັບຊາດ, 6 ກິດຈະກຳລະດັບແຂວງ ແລະ 12 ກິດຈະກຳລະດັບເມືອງໂດຍຄາດວ່າຈະສາມາດດຶງດູດນັກທ່ອງທ່ຽວ ເຂົ້າມາທ່ຽວແຂວງວຽງຈັນ ບໍ່ຕ່ຳກວ່າ 1 ລ້ານຄົນ, ໃນນັ້ນ ນັກທ່ອງທ່ຽວພາຍໃນ 7 ແສນກວ່າຄົນ ແລະ ນັກທ່ອງທ່ຽວຕ່າງປະເທດ 2 ແສນກວ່າຄົນ ພ້ອມນີ້ກໍໄດ້ສຸມໃສ່ການປັບປຸງໂຄລ່າງພື້ນຖານ ແລະ ສິ່ງອຳນວຍຄວາມສະດວກໃນການເຂົ້າ-ອອກສະຖານທີ່ທ່ອງທ່ຽວ, ປັບປຸງສະຖານທີ່ທ່ອງທ່ຽວ, ໂຄສະນາສົ່ງເສີມການທ່ອງທ່ຽວຜ່ານສື່ຕ່າງໆ ແລະວຽກງານອື່ນໆອີກ.
ທ່ານ ພູວົງ ບຸນຊູ ໄດ້ມີຄຳເຫັນສະຫຼຸບກອງປະຊຸມຄັ້ງນີ້ວ່າ: ແຂວງວຽງຈັນ ຈະຈັດງານເປີດປີທ່ອງທ່ຽວລາວ2024 ໃນລະຫວ່າງວັນທີ 12-16 ກຸມພາ 2024 ທີ່ເມືອງວັງວຽງ ຊຶ່ງພິທີເປີດເປັນທາງການຈະຈັດຂຶ້ນໃນວັນທີ 14 ກຸມພາ ພ້ອມກັບງານເທດສະການໝາກກ້ຽງຫວານຂອງເມືອງວັງວຽງ. ພ້ອມນີ້ກໍໄດ້ກຳນົດບັນດາກິດຈະກຳໃນງານເປີດປີທ່ອງທ່ຽວລາວທີ່ແຂວງວຽງຈັນ ເປັນຕົ້ນແມ່ນ ງານຕະຫຼາດນັດຂາຍຜົນຜະລິດກະສິກຳສະອາດ, ເຄື່ອງຫັດຖະກຳ-ຈັກສານ; ການວາງສະແດງສິນຄ້າໂອດັອບຂອງບັນດາເມືອງ; ການແຫ່ກ້ອນກຳລັງຂອງບັນດາເມືອງ; ການປະກວດນາງສາວ ແລະ ການສະແດງສິລະປະ-ວັນຄະດີ, ການສະແດງຟ້ອນລາຍງ້າວ.
ຂ່າວ-ພາບ: ບຸນທະວີ
ທ່ານ ສີສະຫວາດ ແສງພະຈັນ ຫົວໜ້າພະແນກ ຖວທ ແຂວງ ໄດ້ຜ່ານຂໍ້ຕົກລົງທ່ານເຈົ້າແຂວງວຽງຈັນວ່າດ້ວຍການແຕ່ງຕັ້ງຄະນະຊີ້ນຳລວມລະດັບແຂວງ ໃນການສົ່ງເສີມແລະຈັດງານເປີດປີທ່ອງທ່ຽວລາວ2024. ຈາກນັ້ນ ທ່ານ ແສງແກ້ວ ສູນທະວົງສາ ຮອງຫົວໜ້າພະແນກ ຖວທ ແຂວງໄດ້ຂຶ້ນຜ່ານແຜນບັນດາກິດຈະກຳປີທ່ອງທ່ຽວລາວ2024 ຂອງແຂວງວຽງຈັນ ຊຶ່ງໄດ້ກຳນົດເອົາ 20 ກິດຈະກຳທີ່ຕິດພັນກັບເທດສະການງານບຸນປະເພນີຂອງແຕ່ລະທ້ອງຖິ່ນ, ໃນນັ້ນປະກອບມີ 2 ກິດຈະກຳລະດັບຊາດ, 6 ກິດຈະກຳລະດັບແຂວງ ແລະ 12 ກິດຈະກຳລະດັບເມືອງໂດຍຄາດວ່າຈະສາມາດດຶງດູດນັກທ່ອງທ່ຽວ ເຂົ້າມາທ່ຽວແຂວງວຽງຈັນ ບໍ່ຕ່ຳກວ່າ 1 ລ້ານຄົນ, ໃນນັ້ນ ນັກທ່ອງທ່ຽວພາຍໃນ 7 ແສນກວ່າຄົນ ແລະ ນັກທ່ອງທ່ຽວຕ່າງປະເທດ 2 ແສນກວ່າຄົນ ພ້ອມນີ້ກໍໄດ້ສຸມໃສ່ການປັບປຸງໂຄລ່າງພື້ນຖານ ແລະ ສິ່ງອຳນວຍຄວາມສະດວກໃນການເຂົ້າ-ອອກສະຖານທີ່ທ່ອງທ່ຽວ, ປັບປຸງສະຖານທີ່ທ່ອງທ່ຽວ, ໂຄສະນາສົ່ງເສີມການທ່ອງທ່ຽວຜ່ານສື່ຕ່າງໆ ແລະວຽກງານອື່ນໆອີກ.
ທ່ານ ພູວົງ ບຸນຊູ ໄດ້ມີຄຳເຫັນສະຫຼຸບກອງປະຊຸມຄັ້ງນີ້ວ່າ: ແຂວງວຽງຈັນ ຈະຈັດງານເປີດປີທ່ອງທ່ຽວລາວ2024 ໃນລະຫວ່າງວັນທີ 12-16 ກຸມພາ 2024 ທີ່ເມືອງວັງວຽງ ຊຶ່ງພິທີເປີດເປັນທາງການຈະຈັດຂຶ້ນໃນວັນທີ 14 ກຸມພາ ພ້ອມກັບງານເທດສະການໝາກກ້ຽງຫວານຂອງເມືອງວັງວຽງ. ພ້ອມນີ້ກໍໄດ້ກຳນົດບັນດາກິດຈະກຳໃນງານເປີດປີທ່ອງທ່ຽວລາວທີ່ແຂວງວຽງຈັນ ເປັນຕົ້ນແມ່ນ ງານຕະຫຼາດນັດຂາຍຜົນຜະລິດກະສິກຳສະອາດ, ເຄື່ອງຫັດຖະກຳ-ຈັກສານ; ການວາງສະແດງສິນຄ້າໂອດັອບຂອງບັນດາເມືອງ; ການແຫ່ກ້ອນກຳລັງຂອງບັນດາເມືອງ; ການປະກວດນາງສາວ ແລະ ການສະແດງສິລະປະ-ວັນຄະດີ, ການສະແດງຟ້ອນລາຍງ້າວ.
ຂ່າວ-ພາບ: ບຸນທະວີ
ຄໍາເຫັນ