ໂຄ້ງການຟື້ນຟູທາງດິນແດງເປັນທາງປູຢາງ2ຊັ້ນແຕ່3ແຍກເສັ້ນທາງ13ເໜືອເຊື່ອເສັ້ນທາງຫາແຫຼງທ່ອງທ່ຽວຖ້ຳນອນ

ກອງປະຊຸມກວດກາຫນ້າວຽກຂອງໂຄ້ງການຟື້ນຟູທາງດີນແດງເປັນທາງປູຢາງ2ຊັ້ນແຕ່3ແຍກເສັ້ນທາງ13ເໜືອເຊື່ອຕໍ່ເສັ້ນທາງຫາແຫຼງທ່ອງທ່ຽວຖໍ້ານອນ(ທ່າເຮືອ)ບ້ານຫ້ວຍສະເຫງົ້າເມືອງວັງວຽງ ແຂວງ ວຽງຈັນ ໄດ້ຈັດຂຶ້ນເມື່ອບໍ່ດົນຜ່ານມາທີ່ຫ້ອງການຖະແຫຼງຂ່າວ,ວັດທະນາທຳ ແລະ ທ່ອງທ່ຽວ ເມືອງວັງວຽງ ແຂວງວຽງຈັນ. ໂດຍການເປັນປະທານຂອງ  ທ່ານ ນາງ  ແພງຈັນ ແພງເມືອງ ຄະນະປະຈຳພັກກະຊວງ , ຫົວໜ້າກົມແຜນການ ແລະ ການຮ່ວມມືສາກົນ ກະຊວງ ຖວທ , ມີທ່ານ ບົວໄລ ພານຸວົງ ຫົວໜ້າຫ້ອງການກະຊວງ ຖວທ,ຊຶ່ງມີຄະນະຮັບຜິດຊອບຂັ້ນເມືອງ ແລະ ອຳນວຍການບໍລິສັດວັນເດີຟູນສຳຫຼອດອອກແບບ ແລະກໍ່ສ້າງຄົບວົງຈອນຈຳກັດຜູ້ດຽວເຂົ້າຮ່ວມ.
   ໃນກອງປະຊຸມທ່ານ ບຸນພັນ ວົງສຳພັນ ອຳນວຍການບໍລິສັດວັນເດີຟູນສຳຫຼອດອອກແບບ ແລະ ກໍ່ສ້າງຄົບວົງຈອນຈຳກັດຜູ້ດຽວໄດ້ຂຶ້ນລາຍງານກ່ຽວກັບສະພາບຂອງການຈັດຕັ້ງປະຕິບັດບັນດາໜ້າວຽກຕົວຈິງຂອງໂຄງການຟື້ນຟູທາງດິນແດງເປັນເສັ້ນທາງປູຢາງ 2 ຊັ້ນແຕ່ແຍກເສັ້ນທາງເລກທີ 13 ເໜືອ ເຊື່ອມຕໍ່ເສັ້ນທາງຫາແຫຼ່ງທ່ອງທ່ຽວ
ຖໍ້ານອນ (ທ່າເຮືອ) ບ້ານຫ້ວຍສະເຫງົ້າ, ເມືອງວັງວຽງ, ແຂວງວຽງຈັນ, ທີ່ມີມູນຄ່າສ້ອມແປງທັງໝົດ 5.994.000.000 ກີບ  ຊຶ່ງໄດ້ ເລີ່ມລົງມືຈັດຕັ້ງປະຕິບັດໂຄງການນັບແຕ່ວັນທີ 24 ພະຈິກ 2023 ທາງບໍລິສັດໄດ້ຈັດຕັ້ງປະຕິບັດໂຄງການມາຮອດປັດຈຸບັນແມ່ນຈັດຕັ້ງປະຕິບັດໄດ້ 43,87%ແລະ ບໍລິສັດຈະສຶບຕໍ່ເອົາໃຈໃສ່ໃນການຈັດຕັ້ງປະຕິບັດໂຄງການດັ່ງກ່າວໃຫ້ສໍາເລັດໄປຕາມແຜນໃນສັນຍາທີ່ກຳນົດໄວ້.
ໃນກອງປະຊຸມຍັງໄດ້ຮັບຟັງການປະກອບຄຳຄິດຄຳເຫັນຂອງຄະນະກຳມະການ ເປັນຕົ້ນແມ່ນຂໍ້ສະດວກ, ຂໍ້ຫຍຸ້ງຍາກ.ຫຼັງຈາກນັ້ນຄະນະຮັບພິຊອບໂຄງການພ້ອມດ້ວຍປະທານບໍລິສັດໄດ້ລົງກວດກາເບິ່ງໜ້າວຽກຕົວຈິ່ງຢູ່ພາກສະໜາມອີກດ້ວຍ.